19 Ehi akɛ mɔ aaaye ohia ni enyiɛ yɛ anɔkwayeli mli+
Fe nɔ ni ebaafee kwashia ni ewie amale wiemɔi.+
2 Kɛ́ gbɔmɔ yɛ ni ebɛ nilee lɛ, ehiii,+
Ni mɔ ni feɔ enii kɛkɛ ni ejwɛŋŋ he lɛ, eefee esha.
3 Gbɔmɔ diɛŋtsɛ buulufeemɔ kɔ̃dɔ̃ɔ egbɛ,
Ni etsui mli fuɔ Yehowa.
4 Ninámɔ hãa mɔ náa nanemɛi babaoo,
Shi ohiafo lɛ, enaanyo po tseɔ ehe kɛjeɔ ehe.+
5 Amale odasefonyo yeŋ ehe,+
Ni mɔ ni maleɔ be fɛɛ be lɛ hu he ejeŋ mli.+
6 Mɛi pii taoɔ ni amɛhiɛ aba nyam yɛ ablade hiɛ,
Ni mɔ fɛɛ mɔ sumɔɔ ni ekɛ mɔ ni keɔ nii abɔ naanyo.
7 Ohiafo lɛ, enyɛmimɛi fɛɛ nyɛɔ lɛ;+
Enyiɛ nɔŋŋ ni enanemɛi tsiŋ amɛhe kɛjeŋ ehe!+
Etaoɔ amɛ koni ebi amɛdɛŋ yelikɛbuamɔ, shi enine shɛɛɛ mɔ ko mɔ ko nɔ.
8 Mɔ fɛɛ mɔ ni náa jwɛŋmɔ lɛ, eesumɔ ehe.+
Ni mɔ fɛɛ mɔ ni kɛ sanesɛɛkɔmɔ toɔ tamɔ jwetri lɛ, ebaaye omanye. +
9 Amale odasefonyo yeŋ ehe,
Ni mɔ ni maleɔ be fɛɛ be lɛ hu hiɛ baakpãtã.+
10 Ogbɔjɔ shihilɛ esaaa kwashia;
Aahu ni tsulɔ aaaye lumɛi anɔ!+
11 Gbɔmɔ ni yoɔ nii asɛɛ lɛ, emli fuuu mra,+
Ni ehiɛ ni ekuɔ efɔ̃ɔ tɔmɔ nɔ lɛ,+ ehiɛnyam ni.
12 Maŋtsɛ mlifu tamɔ jata ni miihũu,+
Shi ehiɛ dromɔ tamɔ bɔ́ ni jwere jwɛi nɔ.
13 Bi kwashia kɛ sane fɔŋ baa epapa nɔ,+
Ni yoo ni sumɔɔ béi lɛ, etamɔ tsũ ni yiteŋ duɔ be fɛɛ be.+
14 Gboshinii ni tsɛmɛi shiɔ ji, shĩa kɛ nii pii,
Shi ŋa ni hiɛ kã shi lɛ, Yehowa ji mɔ ni kɛhãa.+
15 Anihao hãa mɔ wɔɔ vii,
Ni mɔ ni sumɔɔɔ nitsumɔ lɛ, hɔmɔ baaye lɛ.+
16 Mɔ ni yeɔ kitã lɛ nɔ lɛ, eebu ewala he;+
Mɔ ni kwɛɛɛ egbɛ jogbaŋŋ lɛ, ebaagbo.+
17 Mɔ ni naa mɔ ni bɛ yelikɛbualɔ mɔbɔ lɛ, ekɛmiifa Yehowa,+
Ni Nyɔŋmɔ baato lɛ najiaŋ yɛ nɔ ni efeɔ lɛ hewɔ.+
18 Tsɔsemɔ obi be ni hiɛnɔkamɔ yɔɔ,+
Ni kaaye egbele he sɔ̃.+
19 Mɔ ni tsui baa mramra lɛ, abaagbala etoi;
Kɛ́ okɛ ehe ke lɛ lɛ, obaafee nakai ekoŋŋ, ni obaasaa ofee ekoŋŋ.+
20 Bo ŋaawoo toi, ni okpɛlɛ tsɔsemɔ,+
Koni wɔsɛɛ lɛ ohiɛ akã shi.+
21 Yiŋtoi babaoo yɛ gbɔmɔ tsui mli,
Shi Yehowa yiŋtoo ji nɔ ni baadamɔ shi.+
22 Nɔ ni anáa he miishɛɛ yɛ gbɔmɔ he ji suɔmɔ ni tsakeee+ ni ejieɔ lɛ kpo lɛ;
Ni ehi akɛ mɔ aaaye ohia fe nɔ ni eeetsɔ amalelɔ.
23 Yehowa gbeyeishemɔ hãa mɔ náa wala;+
Mɔ ni yɔɔ eko lɛ, ewɔ baaŋɔɔ enaa, ni efɔŋ ko baŋ enɔ.+
24 Anihaolɔ kɛ enine ewo kã mli,
Shi edaaŋ kɛkɛ ni ekɛaawo lɛ, ewa hã lɛ.+
25 Tswaa buulu kpãa,+ koni mɔ ni jwɛŋmɔ esako lɛ hiɛ atɛ̃,+
Jajemɔ mɔ ni nuɔ nii ashishi, koni enilee afa.+
26 Mɔ ni waa epapa yi, ni eshwieɔ emami lɛ,
Eji bi ni kɛ hiɛgbele kɛ hiɛshishwiemɔ baa.+
27 Mibi, kɛ́ obooo tsɔsemɔ toi dɔŋŋ lɛ,
Obaaje nilee wiemɔi ahe.
28 Odasefonyo ni he bɛ sɛɛnamɔ liɔ kojomɔ,+
Ni mɛi fɔji anaabu miɔ efɔŋ tamɔ niyenii.+
29 Asaa kojomɔ atoɔ buului,+
Kɛ yii hu atoɔ kwashiai akotosɛɛ.+