Mika
2 “Kpoo hã mɛi ni tsɔɔ nɔ sha he ŋaa,
Ní amɛtoɔ nɔ fɔŋ he ŋaa yɛ amɛsai anɔ!
2 Amɛshweɔ ni amɛná ŋmɔji, ni amɛshɔ̃ɔ;+
Kɛ shĩai hu, ni amɛŋɔɔ;
Amɛshishiuɔ mɔ amɛheɔ eshĩa yɛ edɛŋ,+
Hɛɛ, amɛheɔ mɔ gboshinii yɛ edɛŋ.
3 No hewɔ lɛ, nɔ ni Yehowa kɛɛ nɛ:
‘Naa, miito ŋaa ní mikɛ amanehulu aba weku nɛɛ nɔ,+ ni nyɛjeŋ mli.*+
Nyɛnyiɛŋ kɛ henɔwomɔ dɔŋŋ,+ ejaakɛ eji amanehulu be.+
Amɛbaakɛɛ akɛ: “Akpãtã wɔhiɛ kwraa!+
Ehã mimaŋbii lɛ agbɛfaŋnɔ lɛ eyaje mɛi krokomɛi adɛŋ—ehe yɛ midɛŋ kwraa!+
Ekɛ wɔŋmɔji lɛ ehã mɔ ni yeee anɔkwa.”
5 No hewɔ lɛ, onáŋ mɔ ko ni baakpã susumɔ kpãa mli,
Koni efɔ̃ oshiki kɛja shikpɔŋ lɛ yɛ Yehowa asafo lɛ mli.
6 Amɛshiɛɔ akɛ, “Nyɛkpaa shiɛmɔ!”
“Esaaa akɛ amɛshiɛɔ nɛkɛ nibii nɛɛ;
Wɔhiɛ eshwieŋ shi!”
7 Yakob shĩa, ani akɛɔ akɛ:
“Ani Yehowa mumɔ lɛ nyɛɛɛ ato etsui shi dɔŋŋ?
Ani enitsumɔi ji enɛɛmɛi?”
Ani miwiemɔi lɛ kɛ nɔ kpakpa ebahãaa mɛi ni nyiɛɔ yɛ jalɛ naa lɛ?
8 Shi sɛɛkpee nɛɛ, mi diɛŋtsɛ mimaŋ lɛ ete shi tamɔ henyɛlɔ ko.
Mɛi ni hoɔ ní susuɔ akɛ amɛyɛ shweshweeshwe, tamɔ mɛi ni eku amɛsɛɛ kɛjɛ ta naa lɛ,
Nyɛjieɔ hewulamɔ nii fɛfɛo kɛ atade yɛ amɛhe.*
9 Nyɛshwieɔ mimaŋ lɛ mli yei lɛ kɛjeɔ amɛshĩai ni mli hilɛ ŋɔɔ amɛnaa lɛ amli;
Nyɛshɔ̃ɔ minunyam lɛ kɛjeɔ amɛbii lɛ adɛŋ kɛyaa naanɔ.
10 Tee shi ni oya, ejaakɛ jeee hejɔɔmɔhe nɛ.
Yɛ muji nii hewɔ lɛ,+ hiɛkpatamɔ, hɛɛ, hiɛkpatamɔ ni naa wa miiba.+
11 Kɛ́ nuu ko nyiɛ kɔɔyɔɔ kɛ lakamɔ sɛɛ, ni emale ekɛɛ:
“Mashiɛ wain kɛ dãa ni wa he sane matsɔɔ nyɛ” lɛ,
Kɛkɛ lɛ, lɛ ebatsɔ mɔ ni sa pɛ akɛ shiɛlɔ kɛhã maŋ nɛɛ!+
Mafee amɛ ekome, tamɔ gwantɛŋi yɛ toi atsũ mli,
Tamɔ tooku yɛ amɛniyeli shikpɔŋ nɔ;+
Emli baafee hoo kɛ gbɔmɛi.’+
13 Mɔ ni gbuɔ gbogbo mli lɛ baanyiɛ amɛhiɛ;
Amɛbaagbu gbogbo lɛ mli, ni amɛbaatsɔ agbó lɛ mli kɛje kpo.+
Amɛmaŋtsɛ lɛ baanyiɛ amɛhiɛ kɛtsɔ mli,
Ni Yehowa baafee amɛyitso.”+