Lalai
Ao Yehowa, mi-Nyɔŋmɔ, oje agbo diɛŋtsɛ.+
Agbojee* kɛ anunyam ewula bo.+
3 Ekɛ eŋwɛi asai lɛ mplaŋi lɛ esɛŋ nui ni yɔɔ ŋwɛi lɛ amli,*+
Ni ekɛ atatui lɛ efee eshwiili,+
Ni etaa kɔɔyɔɔ fiji anɔ kɛnyiɛɔ.+
4 Efeɔ ebɔfoi lɛ mumɔi,
Esɔɔlɔi lɛ hu la ni shãa nii.+
6 Okɛ nui ni mli kwɔlɔ eha he tamɔ atade.+
Nui lɛ damɔ gɔji lɛ ayiteŋ.
7 Amɛjo foi yɛ okamɔ lɛ naa;+
Be ni amɛnu onugbɔshiimɔ lɛ gbee lɛ, amɛtsui fã ni amɛjo foi
8 —Gɔji wó amɛhe nɔ,+ ni jɔi nyɔ mli—
Kɛtee he ni osaa oto amɛ lɛ.
9 Ofo husu ohã amɛ ni amɛkatɛke,+
Koni amɛkaha shikpɔŋ lɛ nɔ dɔŋŋ.
10 Ehãa nuhiŋmɛii tueɔ yɛ jɔi* lɛ amli;
Amɛhoɔ yɛ gɔji lɛ ateŋ.
11 Amɛhãa ŋa mli kooloi fɛɛ náa nu amɛnuɔ;
Ŋa mli tejii lɛ nuɔ kɛgbeɔ amɛkumai.
12 Ŋwɛi loofɔji wɔɔ amɛnɔ;
Amɛláa yɛ tsei aniji lɛ ateŋ.
13 Ejɛɔ eŋwɛi asai lɛ amli eshwieɔ gɔji lɛ anɔ nu.+
Onitsumɔi lɛ amli yibii lɛ hãa shikpɔŋ lɛ tɔɔ.+
14 Ehãa jwɛi fɔ kwɛ̃ɔ ehãa tsinai
Kɛ kwɛ̃ɛ nii hu kɛhã gbɔmɛi,+
Koni niyenii aba yɛ shikpɔŋ lɛ nɔ
15 Kɛ wain hu ni hãa gbɔmɔ tsui náa miishɛɛ,+
Kɛ mu ni hãa mɔ hiɛ kpɛɔ,
16 Yehowa tsei lɛ etɔrɔ,
Lebanon tseneduru tsei ni edu lɛ,
17 He ni loofɔji lɛ feɔ amɛtsũi yɛ lɛ.
Klitso* lɛ tsũ+ yɛ junipa tsei lɛ amli.
19 Efee nyɔɔŋtsere lɛ koni akɛkadi bei ni ato lɛ;
Hulu lɛ le be ni esa akɛ enyɔ shi lɛ jogbaŋŋ.+
20 Ohãa duŋ woɔ, ni je naa,+
Nakai beiaŋ ŋa mli kooloi ni yɔɔ koo lɛ mli lɛ fɛɛ nyiɛɔ.
22 Kɛ́ hulu lɛ te shi lɛ,
Amɛkuɔ amɛsɛɛ ni amɛyakamɔɔ shi yɛ amɛbui amli.
23 Gbɔmɔ jeɔ kpo kɛyatsuɔ enitsumɔ,
Ni etsuɔ nii aahu kɛyashiɔ gbɛkɛ.
24 Ao Yehowa, onitsumɔi lɛ fa diɛŋtsɛ!+
Hiɛshikamɔ mli ojɛ ofee amɛ fɛɛ.+
Shikpɔŋ lɛ nɔ eyi kɛ nibii ni ofee lɛ.
25 Ŋshɔ ni kã shi nɛɛ, eda ni elɛɛ,
Nibii ni hiɛ kamɔ babaoo eyi mli, ewuji kɛ bibii fɛɛ.+
27 Amɛ fɛɛ amɛmɛɔ bo
Koni ohã amɛ amɛniyenii yɛ be ni sa mli.+
28 Nɔ ni okɛhãa amɛ lɛ, amɛbuaa naa.+
Kɛ́ ogbɛ odɛŋ lɛ, amɛtɔrɔɔ kɛ nibii kpakpai.+
29 Kɛ́ okɛ ohiɛ tee lɛ, amɛhaoɔ.
Kɛ́ ojie amɛmumɔ lɛ kɛtee lɛ, amɛgboiɔ ni amɛkuɔ amɛsɛɛ kɛyaa sũ* mli.+
31 Yehowa anunyam lɛ baahi shi kɛya naanɔ.
Yehowa baaná miishɛɛ yɛ enitsumɔi lɛ ahewɔ.+
32 Ekwɛɔ shikpɔŋ lɛ, ni shikpɔŋ lɛ kpokpoɔ;
Etaa gɔji lɛ ahe, ni amɛjeɔ lasu.+
Manya yɛ Yehowa hewɔ.
35 Eshafeelɔi lɛ baatã yɛ shikpɔŋ lɛ nɔ,
Ni efɔŋfeelɔi lɛ ehiŋ shi dɔŋŋ.+