Lalai
Kɛhã lalatsɔɔlɔ lɛ. Lala. Lala ni afo.
66 Nyɛ shikpɔŋ lɛ fɛɛ, nyɛláa kunimyeli lala nyɛhãa Nyɔŋmɔ.+
2 Nyɛláa* kɛjiea enunyam gbɛ́i lɛ yi.
Nyɛjiea eyi kɛwoa ehiɛ nyam.+
3 Nyɛkɛa Nyɔŋmɔ akɛ: “Onitsumɔi lɛ yɛ naakpɛɛ waa diɛŋtsɛ!+
Ohewalɛ lɛ hewɔ lɛ,
Ohenyɛlɔi lɛ fɛɛ baaba amɛhe shi yɛ ohiɛ.+
5 Nyɛbaa nyɛbakwɛa Nyɔŋmɔ nitsumɔi lɛ.
Nibii ni etsuɔ ehãa gbɔmɛi abii lɛ yɛ naakpɛɛ waa.+
Jɛmɛ wɔnya yɛ, yɛ ehewɔ.+
7 Ekɛ ehewalɛ lɛ yeɔ nɔ kɛyaa naanɔ.+
Ehiŋmɛii kã jeŋmaji lɛ ahe.+
Atuatselɔi akawó amɛhe nɔ.+ (Sela)
8 Nyɛ majimaji, nyɛjiea wɔ-Nyɔŋmɔ lɛ yi,+
Ni nyɛhãa anua eyijiemɔ lɛ he.
10 Ejaakɛ, Ao Nyɔŋmɔ, bo otaoɔ wɔmli;+
Bɔ ni atsuɔ jwiɛtɛi he lɛ, nakai otsuu wɔhe lɛ.
11 Okɛ wɔ ebawo yaa ni akɛgbɔbiɔ mli;
Okɛ jatsu ni kumɔɔ mɔ efɔ̃ wɔnɔ.*
13 Mikɛ shãa afɔlei baaba oshĩa lɛ;+
Maye shi ni miwo bo lɛ nɔ,+
14 Shi ni minaabu wo+
Ni miwie be ni miyɔɔ haomɔ mli lɛ.
15 Mikɛ kooloi ni eshwishwii baashã shãa afɔlei mahã bo
Kɛ gwaŋtɛŋhii lasu afɔle.
Mikɛ tsinahii kɛ abotiahii baashã afɔle. (Sela)
17 Mikɛ minaabu bo mitsɛ lɛ
Ni mikɛ mililɛi wo ehiɛ nyam.
18 Eji mikɛ nɔ ko fɔŋ eto mitsui mli kulɛ,
Yehowa boŋ mi toi.+
20 Yijiemɔ ahã Nyɔŋmɔ, mɔ ni etswaaa misɔlemɔ lɛ efɔ̃ɔɔ
Ni ejieee esuɔmɔ ni tsakeee lɛ yɛ minɔ lɛ.