1 Kronika
6 Levi+ bihii ji Gershon kɛ Kohat+ kɛ Merari.+ 2 Ni Kohat bihii ji Amram, kɛ Izehar,+ kɛ Hebron, kɛ Uziel.+ 3 Amram+ bii* ji Aaron,+ kɛ Mose,+ kɛ agbɛnɛ hu Miriam.+ Ni Aaron bihii ji Nadab, kɛ Abihu,+ kɛ Eleazar,+ kɛ Itamar.+ 4 Eleazar fɔ Finehas;+ ni Finehas fɔ Abishua. 5 Ni Abishua fɔ Buki; ni Buki fɔ Uzi. 6 Ni Uzi fɔ Zerahia; ni Zerahia fɔ Meraiot. 7 Ni Meraiot fɔ Amaria; ni Amaria fɔ Ahitub.+ 8 Ni Ahitub fɔ Zadok;+ ni Zadok fɔ Ahimaaz.+ 9 Ni Ahimaaz fɔ Azaria; ni Azaria fɔ Yohanan. 10 Ni Yohanan fɔ Azaria. Esɔmɔ akɛ osɔfo yɛ shĩa ni Solomon ma yɛ Yerusalem lɛ.
11 Ni Azaria fɔ Amaria; ni Amaria fɔ Ahitub. 12 Ni Ahitub fɔ Zadok;+ ni Zadok fɔ Shalum. 13 Ni Shalum fɔ Hilkia;+ ni Hilkia fɔ Azaria. 14 Ni Azaria fɔ Seraia;+ ni Seraia fɔ Yehozadak.+ 15 Ni aŋɔ Yehozadak nom kɛtee be ni Yehowa hã Nebukadnezar baŋɔ Yuda kɛ Yerusalem nom kɛtee lɛ.
16 Levi bihii ji Gershom,* kɛ Kohat, kɛ Merari. 17 Gershom bihii lɛ agbɛ́ii nɛ: Libni kɛ Shimei.+ 18 Kohat bihii ji Amram, kɛ Izehar, kɛ Hebron, kɛ Uziel.+ 19 Merari bihii ji Mali kɛ Mushi.
Levi wekui lɛ yɛ amɛtsɛmɛi lɛ anaa nɛ:+ 20 Gershom+ seshibii* lɛ nɛ: Gershom binuu ji Libni, ni lɛ hu ebinuu ji Yahat, ni lɛ hu ebinuu ji Zima, 21 ni lɛ hu ebinuu ji Yoa, ni lɛ hu ebinuu ji Ido, ni lɛ hu ebinuu ji Zera, ni lɛ hu ebinuu ji Yeaterai. 22 Kohat seshibii* lɛ nɛ: Kohat binuu ji Aminadab, ni lɛ hu ebinuu ji Kora,+ ni lɛ hu ebinuu ji Asir, 23 ni lɛ hu ebinuu ji Elkana, ni lɛ hu ebinuu ji Ebiasaf,+ ni lɛ hu ebinuu ji Asir, 24 ni lɛ hu ebinuu ji Tahat, ni lɛ hu ebinuu ji Uriel, ni lɛ hu ebinuu ji Uzia, ni lɛ hu ebinuu ji Shaul. 25 Elkana bihii ji Amasai kɛ Ahimot. 26 Elkana seshibii* lɛ nɛ: Elkana binuu* ji Zofai, ni lɛ hu ebinuu ji Nahat, 27 ni lɛ hu ebinuu ji Eliab, ni lɛ hu ebinuu ji Yeroham, ni lɛ hu ebinuu ji Elkana.+ 28 Samuel+ bihii nɛ: Ekromɔbi ji Yoel, ni mɔ ni ji enyɔ nɔ ji Abiya.+ 29 Merari seshibii* lɛ nɛ: Merari binuu ji Mali,+ ni lɛ hu ebinuu ji Libni, ni lɛ hu ebinuu ji Shimei, ni lɛ hu ebinuu ji Uza, 30 ni lɛ hu ebinuu ji Shimea, ni lɛ hu ebinuu ji Hagia, ni lɛ hu ebinuu ji Asaia.
31 Naa mɛi ni David hala koni amɛkwɛ lala ni aláa yɛ Yehowa shĩa lɛ nɔ, be ni akɛ Adeka lɛ bama shi yɛ jɛmɛ lɛ sɛɛ lɛ.+ 32 Amɛji mɛi ni kwɛ lala ni alá yɛ sɔlemɔ buu lɛ, ni ji kpee buu lɛ mli lɛ nɔ kɛyashi Solomon ma Yehowa shĩa lɛ yɛ Yerusalem,+ ni amɛtsu nitsumɔ ni akɛwo amɛdɛŋ lɛ tamɔ bɔ ni ato he gbɛjianɔ ahã amɛ lɛ.+ 33 Hii ni amɛbihii fata amɛhe kɛsɔmɔ lɛ nɛ: Yɛ Kohatbii lɛ ateŋ lɛ Heman,+ mɔ ni láa lɛ, epapa ji Yoel,+ ni lɛ hu epapa ji Samuel, 34 ni lɛ hu epapa ji Elkana,+ ni lɛ hu epapa ji Yeroham, ni lɛ hu epapa ji Eliel, ni lɛ hu epapa ji Toa, 35 ni lɛ hu epapa ji Zuf, ni lɛ hu epapa ji Elkana, ni lɛ hu epapa ji Mahat, ni lɛ hu epapa ji Amasai, 36 ni lɛ hu epapa ji Elkana, ni lɛ hu epapa ji Yoel, ni lɛ hu epapa ji Azaria, ni lɛ hu epapa ji Zefania, 37 ni lɛ hu epapa ji Tahat, ni lɛ hu epapa ji Asir, ni lɛ hu epapa ji Ebiasaf, ni lɛ hu epapa ji Kora, 38 ni lɛ hu epapa ji Izehar, ni lɛ hu epapa ji Kohat, ni lɛ hu epapa ji Levi, ni lɛ hu epapa ji Israel.
39 Enyɛmi nuu* Asaf+ damɔɔ Heman ninejurɔ nɔ; Asaf papa ji Berekia, ni lɛ hu epapa ji Shimea, 40 ni lɛ hu epapa ji Mikael, ni lɛ hu epapa ji Baaseia, ni lɛ hu epapa ji Malkia, 41 ni lɛ hu epapa ji Etni, ni lɛ hu epapa ji Zera, ni lɛ hu epapa ji Adaia, 42 ni lɛ hu epapa ji Etan, ni lɛ hu epapa ji Zima, ni lɛ hu epapa ji Shimei, 43 ni lɛ hu epapa ji Yahat, ni lɛ hu epapa ji Gershom, ni lɛ hu epapa ji Levi.
44 Merari+ seshibii lɛ ni ji amɛnyɛmimɛi hii lɛ ateŋ mɔ ni damɔɔ Heman abɛkugbɛ lɛ nɛ: Etan,+ epapa ji Kishi, ni lɛ hu epapa ji Abdi, ni lɛ hu epapa ji Maluk, 45 ni lɛ hu epapa ji Hashabia, ni lɛ hu epapa ji Amazia, ni lɛ hu epapa ji Hilkia, 46 ni lɛ hu epapa ji Amzi, ni lɛ hu epapa ji Bani, ni lɛ hu epapa ji Shemer, 47 ni lɛ hu epapa ji Mali, ni lɛ hu epapa ji Mushi, ni lɛ hu epapa ji Merari, ni lɛ hu epapa ji Levi.
48 Akɛ sɔlemɔ buu lɛ, ni ji anɔkwa Nyɔŋmɔ lɛ shĩa lɛ, he nitsumɔi fɛɛ wo amɛnyɛmimɛi Levibii lɛ adɛŋ.+ 49 Aaron kɛ ebihii+ lɛ shãa lasu afɔle yɛ shãa afɔle afɔleshaa latɛ+ kɛ tsofa-kɛ-ŋma afɔleshaa latɛ+ lɛ nɔ, ni ji nibii ni yɔɔ krɔŋkrɔŋ fe fɛɛ lɛ ahe nitsumɔi lɛ, koni amɛkɛkpãtã amɛhã Israel,+ tamɔ bɔ ni Mose, anɔkwa Nyɔŋmɔ lɛ tsulɔ lɛ efã amɛ lɛ pɛpɛɛpɛ. 50 Aaron seshibii lɛ nɛ:+ Aaron binuu ji Eleazar,+ ni lɛ hu ebinuu ji Finehas, ni lɛ hu ebinuu ji Abishua, 51 ni lɛ hu ebinuu ji Buki, ni lɛ hu ebinuu ji Uzi, ni lɛ hu ebinuu ji Zerahia, 52 ni lɛ hu ebinuu ji Meraiot, ni lɛ hu ebinuu ji Amaria, ni lɛ hu ebinuu ji Ahitub,+ 53 ni lɛ hu ebinuu ji Zadok,+ ni lɛ hu ebinuu ji Ahimaaz.
54 Amɛshihilɛhei yɛ hei ni amɛhi ni atswa gbogboi awo he yɛ amɛkpokpai lɛ anɔ lɛ anaa lɛ nɛ: Oshiki lɛ gbee Aaron seshibii ni jɛ Kohat weku lɛ mli lɛ anɔ klɛŋklɛŋ, 55 no hewɔ lɛ, akɛ Hebron,+ ni yɔɔ Yuda shikpɔŋ lɛ nɔ lɛ, kɛ ehe shikpɔji ni kooloi yeɔ nii yɛ nɔ lɛ hã amɛ. 56 Shi akɛ maŋ lɛ he shikpɔŋ lɛ kɛ ehe akrowai* lɛ hã Kaleb,+ Yefune binuu lɛ. 57 Ni Aaron seshibii lɛ, akɛ abobaa maji,*+ ni ji Hebron,+ hã amɛ, kɛ agbɛnɛ hu Libna+ kɛ ehe shikpɔji ni kooloi yeɔ nii yɛ nɔ lɛ, kɛ Yatir,+ kɛ Eshtemoa kɛ ehe shikpɔji ni kooloi yeɔ nii yɛ nɔ lɛ,+ 58 kɛ Hilen kɛ ehe shikpɔji ni kooloi yeɔ nii yɛ nɔ lɛ, kɛ Debir+ kɛ ehe shikpɔji ni kooloi yeɔ nii yɛ nɔ lɛ, 59 kɛ Ashan+ kɛ ehe shikpɔji ni kooloi yeɔ nii yɛ nɔ lɛ, kɛ Bet-shemesh+ kɛ ehe shikpɔji ni kooloi yeɔ nii yɛ nɔ lɛ; 60 ni Benyamin weku lɛ hu hã amɛ Geba+ kɛ ehe shikpɔji ni kooloi yeɔ nii yɛ nɔ lɛ, kɛ Alemet kɛ ehe shikpɔji ni kooloi yeɔ nii yɛ nɔ lɛ, kɛ Anatot+ kɛ ehe shikpɔji ni kooloi yeɔ nii yɛ nɔ lɛ. Maji fɛɛ ni akɛhã amɛwekui lɛ feɔ maji 13.+
61 Kohatbii ni eshwɛ lɛ, atsɔ oshikifɔɔ nɔ ajie maji nyɔŋma kɛjɛ weku lɛ, kɛ weku lɛ fã lɛ, ni ji Manase weku lɛ fã+ lɛ nɔ lɛ mli ahã amɛ.
62 Gershombii lɛ, ahã amɛ maji 13 yɛ amɛwekui lɛ anaa kɛjɛ Isakar weku lɛ kɛ Asher weku lɛ kɛ Naftali weku lɛ kɛ Manase weku lɛ ni yɔɔ Bashan lɛ nɔ lɛ mli.+
63 Meraribii lɛ, atsɔ oshikifɔɔ nɔ ahã amɛ maji 12 yɛ amɛwekui lɛ anaa kɛjɛ Ruben weku lɛ kɛ Gad weku lɛ kɛ Zebulon weku lɛ nɔ lɛ mli.+
64 No hewɔ lɛ, Israelbii lɛ kɛ maji nɛɛ kɛ amɛhe shikpɔji ni kooloi yeɔ nii yɛ nɔ lɛ hã Levibii lɛ.+ 65 Agbɛnɛ hu, amɛjie maji nɛɛ ni atsĩ amɛgbɛ́i atã lɛ kɛjɛ Yuda weku lɛ kɛ Simeon weku lɛ kɛ Benyamin weku lɛ nɔ lɛ mli yɛ oshikifɔɔ naa amɛhã amɛ.
66 Kohatbii lɛ awekui lɛ ekomɛi ná maji kɛjɛ Efraim weku lɛ nɔ lɛ mli akɛ amɛkpokpaa.+ 67 Amɛkɛ abobaa maji,* ni ji Shekem+ kɛ ehe shikpɔji ni kooloi yeɔ nii yɛ nɔ, ní yɔɔ Efraim gɔji lɛ anɔ lɛ hã amɛ, kɛ agbɛnɛ hu Gezer+ kɛ ehe shikpɔji ni kooloi yeɔ nii yɛ nɔ lɛ, 68 kɛ Yokmeam kɛ ehe shikpɔji ni kooloi yeɔ nii yɛ nɔ lɛ, kɛ Bet-horon+ kɛ ehe shikpɔji ni kooloi yeɔ nii yɛ nɔ lɛ, 69 kɛ Ayalon+ kɛ ehe shikpɔji ni kooloi yeɔ nii yɛ nɔ lɛ, kɛ Gat-rimon+ kɛ ehe shikpɔji ni kooloi yeɔ nii yɛ nɔ lɛ; 70 ni Manase weku lɛ fã lɛ hu hã Kohatbii lɛ awekui ni eshwɛ lɛ, Aner kɛ ehe shikpɔji ni kooloi yeɔ nii yɛ nɔ lɛ, kɛ Bileam kɛ ehe shikpɔji ni kooloi yeɔ nii yɛ nɔ lɛ.
71 Ahã Gershombii lɛ Golan+ ni yɔɔ Bashan lɛ, kɛ ehe shikpɔji ni kooloi yeɔ nii yɛ nɔ lɛ, kɛ Ashtarot kɛ ehe shikpɔji ni kooloi yeɔ nii yɛ nɔ lɛ kɛjɛ Manase weku lɛ fã lɛ nɔ lɛ mli;+ 72 ni Isakar weku lɛ hu hã amɛ Kedesh kɛ ehe shikpɔji ni kooloi yeɔ nii yɛ nɔ lɛ, kɛ Daberat+ kɛ ehe shikpɔji ni kooloi yeɔ nii yɛ nɔ lɛ,+ 73 kɛ Ramot kɛ ehe shikpɔji ni kooloi yeɔ nii yɛ nɔ lɛ, kɛ Anem kɛ ehe shikpɔji ni kooloi yeɔ nii yɛ nɔ lɛ; 74 ni Asher weku lɛ hu hã amɛ Mashal kɛ ehe shikpɔji ni kooloi yeɔ nii yɛ nɔ lɛ, kɛ Abdon kɛ ehe shikpɔji ni kooloi yeɔ nii yɛ nɔ lɛ,+ 75 kɛ Hukok kɛ ehe shikpɔji ni kooloi yeɔ nii yɛ nɔ lɛ, kɛ Rehob+ kɛ ehe shikpɔji ni kooloi yeɔ nii yɛ nɔ lɛ; 76 ni Naftali weku lɛ hu hã amɛ Kedesh+ ni yɔɔ Galilea+ lɛ kɛ ehe shikpɔji ni kooloi yeɔ nii yɛ nɔ lɛ, kɛ Hamon kɛ ehe shikpɔji ni kooloi yeɔ nii yɛ nɔ lɛ, kɛ Kiriataim kɛ ehe shikpɔji ni kooloi yeɔ nii yɛ nɔ lɛ.
77 Ni Meraribii lɛ ateŋ mɛi ni eshwɛ lɛ, ahã amɛ Rimono kɛ ehe shikpɔji ni kooloi yeɔ nii yɛ nɔ lɛ, kɛ Tabor kɛ ehe shikpɔji ni kooloi yeɔ nii yɛ nɔ lɛ kɛjɛ Zebulon weku lɛ nɔ lɛ mli;+ 78 ni yɛ Yordan Faa lɛ he kpokpaa ni yɔɔ Yeriko yɛ Yordan Faa lɛ bokãgbɛ lɛ, Ruben weku lɛ hã amɛ Bezer kɛ ehe shikpɔji ni kooloi yeɔ nii yɛ nɔ lɛ, kɛ Yahaz+ kɛ ehe shikpɔji ni kooloi yeɔ nii yɛ nɔ lɛ, 79 kɛ Kedemot+ kɛ ehe shikpɔji ni kooloi yeɔ nii yɛ nɔ lɛ, kɛ Mefaat kɛ ehe shikpɔji ni kooloi yeɔ nii yɛ nɔ lɛ; 80 ni Gad weku lɛ hu hã amɛ Ramot ni yɔɔ Gilead lɛ kɛ ehe shikpɔji ni kooloi yeɔ nii yɛ nɔ lɛ, kɛ Mahanaim+ kɛ ehe shikpɔji ni kooloi yeɔ nii yɛ nɔ lɛ, 81 kɛ Heshbon+ kɛ ehe shikpɔji ni kooloi yeɔ nii yɛ nɔ lɛ, kɛ Yazer+ kɛ ehe shikpɔji ni kooloi yeɔ nii yɛ nɔ lɛ.