Lalai
Kɛhã lalatsɔɔlɔ lɛ. Lala ni afo. David nɔ.
2 Ewó mi kɛje bu kɛ emli nu lɛ mli,
Kɛje ŋmɔtɔ ni shamɔɔ lɛ mli.
Ni ekɛ minaji yamamɔ tɛsaa nɔ;
Ehã minaji mamɔ shi shiŋŋ.
3 Kɛkɛ ni ekɛ lala hee wo minaa,+
Wɔ-Nyɔŋmɔ lɛ yijiemɔ lala.
Mɛi babaoo baakwɛ, ni amɛnaa baakpɛ amɛhe,
Ni amɛkɛ amɛhiɛ baafɔ̃ Yehowa nɔ.
4 Mɔ ni kɛ ehiɛ fɔ̃ɔ Yehowa nɔ
Ni ekɛ ehiɛ efɔ̃ɔɔ atuatselɔi loo amalelɔi anɔ lɛ yɛ miishɛɛ.
Obiii shãa afɔlei kɛ esha afɔlei ashi.+
7 Kɛkɛ ni mikɛɛ: “Naa, miba.
Aŋma mihe sane yɛ wolokpo lɛ mli.+
9 Mijajeɔ jalɛ he sane kpakpa lɛ yɛ asafo babaoo lɛ mli.+
Naa! Mimuako minaa,+
Ao Yehowa, ole enɛ jogbaŋŋ.
10 Mitsimɔɔɔ ojalɛ lɛ nɔ yɛ mitsui mli.
Mijajeɔ onɔkwayeli lɛ kɛ oyiwalaheremɔ lɛ.
Mikɛ osuɔmɔ ni tsakeee lɛ kɛ onɔkwale lɛ eteee yɛ asafo babaoo lɛ mli.”+
11 Ao Yehowa, kaajie omɔbɔnalɛ lɛ yɛ minɔ.
Buu mihe daa yɛ osuɔmɔ ni tsakeee lɛ kɛ onɔkwale lɛ hewɔ.+
12 Amanehului ni ebɔle mi lɛ fa fe bɔ ni abaanyɛ akane.+
13 Ao Yehowa, ofainɛ ni ojɛ osuɔmɔ mli ohere mi.+
Ao Yehowa, feemɔ oya ni oye obua mi.+
14 Hã mɛi fɛɛ ni taoɔ mi agbe* lɛ
Ahiɛ agboi ni amɛhiɛ ashwie shi.
Hã mɛi ni nyaa yɛ mimanehulu lɛ hewɔ lɛ,
Ajo foi kɛ hiɛgbele.
15 Hã mɛi ni kɛɔ mi akɛ: “Ahãa! Ahãa!” lɛ
Anaa akpɛ amɛhe yɛ amɛ diɛŋtsɛ amɛhiɛgbele hewɔ.
Hã mɛi ni sumɔɔ oyiwalaheremɔ nitsumɔi lɛ akɛɛ daa akɛ:
“Ajie Yehowa yi.”+
17 Shi mi lɛ, mibɛ yelikɛbualɔ, ni miiye ohia hu;
Yehowa ajwɛŋ mihe.