Lala ni Asaf fo.+
82 Nyɔŋmɔ ebadamɔ ŋwɛi henaabuamɔ lɛ mli;+
Ekojoɔ yɛ nyɔŋmɔi lɛ ateŋ akɛ:+
2 “Mɛɛ be nɔŋŋ nyɛbaatsɔ kojomɔ hiɛ nyɛbu shi+
Ni nyɛbaakwɛ mɛi fɔji ahiɛaŋ kɛyashi?+ (Sela)
3 Nyɛfãa mɔ ni nii yɔɔ mɔbɔ lɛ kɛ mɔ ni bɛ tsɛ lɛ he.+
Nyɛyea jalɛ sane nyɛhãa mɔ ni bɛ yelikɛbualɔ kɛ mɔ ni bɛ mɔ ko lɛ.+
4 Nyɛjiea mɔ ni nii yɔɔ mɔbɔ lɛ kɛ ohiafo lɛ;
Nyɛherea amɛ kɛjea mɛi fɔji adɛŋ.”
5 Amɛleee ni amɛnuuu shishi hu;+
Amɛmiiya kɛmiiba yɛ duŋ mli;
Aahoso shikpɔŋ lɛ faneshii lɛ fɛɛ.+
6 “Mikɛɛ akɛ, ‘Nyɔŋmɔi ji nyɛ,+
Mɔ Ni Nɔ Kwɔ Fe Fɛɛ lɛ bii ji nyɛ fɛɛ.
7 Shi nyɛbaagboi tamɔ gbɔmɛi nɔŋŋ;+
Ni nyɛhiɛ baakpãtã tamɔ lumɛi krokomɛi lɛ nɔŋŋ!’”+
8 Ao Nyɔŋmɔ, tee shi, koni okojo shikpɔŋ lɛ,+
Ejaakɛ jeŋmaji lɛ fɛɛ lɛ, onii ni.