Lalai
Kɛhã lalatsɔɔlɔ lɛ; atswa kpãa saŋkui kɛlá. Lala ni Asaf fo.+ Lala.
3 Jɛmɛ ekumɔ gãimlibii ni tsoɔ lɛ,
Kɛ tsɛŋ lɛ kɛ klante lɛ kɛ tawuu nii lɛ fɛɛ amli yɛ.+ (Sela)
4 Okpɛlɛɔ kaŋkaŋ;*
Ohiɛ yɛ nyam fe gɔji ni agbɔbiɔ yɛ amɛnɔ lɛ.
5 Akpɔlɔ mɛi ni tsui esa lɛ ahe nibii.+
Amɛwɔwɔi yɛ gbele mli;
Tawulɔi lɛ nyɛɛɛ nɔ ko afee dɔŋŋ.+
6 Ao Yakob Nyɔŋmɔ, okamɔ lɛ
Ehã shwiili kudɔlɔ lɛ kɛ okpɔŋɔ lɛ fɛɛ ewɔ vii yɛ gbele mli.+
7 Bo okome too ohe yɔɔ gbeyei.+
Namɔ baanyɛ adamɔ omlifu ni naa wa lɛ naa?+
Shikpɔŋ lɛ tsui fã ni efee diŋŋ+
9 Be ni Nyɔŋmɔ te shi koni etsu eyiŋkpɛɛ* lɛ he nii,
Koni ehere shikpɔŋ lɛ nɔ bii fɛɛ ni he jɔ lɛ.+ (Sela)
11 Nyɛwoa Yehowa, nyɛ-Nyɔŋmɔ lɛ shi, ni nyɛyea nɔ,+
Mɛi fɛɛ ni yɔɔ emasɛi lɛ ajɛ gbeyeishemɔ mli amɛbake lɛ nii.+
12 Ebaaba hiɛnyiɛlɔi ahenɔwomɔ* lɛ shi;
Ehãa shikpɔŋ lɛ nɔ maŋtsɛmɛi lɛ sheɔ gbeyei.