Hiob
12 Kɛkɛ ni Hiob jie naa akɛ:
2 “Lɛɛlɛŋ, nyɛji mɛi ni le,*
Ni kɛ́ nyɛgboi lɛ, belɛ hiɛshikamɔ hu egbo!
3 Shi mi hu miyɛ niiashishinumɔ.*
Nyɛhiii fe mi.
Namɔ po leee nibii nɛɛ?
Nuu ni ja ni shwamɔ ko bɛ ehe lɛ etsɔ mɔ ni aŋmɔɔ.
5 Mɔ ni he ejɔ lɛ lɛ ebuuu amanehulu,
Esusuɔ akɛ mɛi ni naji kpokpoɔ* lɛ pɛ anɔ ni.
6 Toiŋjɔlɛ yɛ julɔi amama tsũi amli,+
Ni mɛi ni woɔ Nyɔŋmɔ mli la lɛ yɛ shweshweeshwe,+
Mɛi ni hiɛ amɛnyɔŋmɔ yɛ amɛdɛŋ lɛ.
7 Shi ofainɛ, bi kooloi lɛ, ni amɛbaatsɔɔ bo nii;
Kɛ ŋwɛi loofɔji hu, ni amɛbaagba bo.
8 Aloo susumɔ shikpɔŋ lɛ he,* ni ebaatsɔɔ bo nii;
Ni ŋshɔŋ loi hu baajaje amɛtsɔɔ bo.
9 Amɛteŋ namɔ leee
Akɛ Yehowa nine fee enɛ?
12 Ani jeee mɛi ni egbɔlɔ lɛ yɔɔ hiɛshikamɔ,+
Ni walasɛɛtsɛlɛ hu hãa mɔ náa niiashishinumɔ?
14 Kɛ́ ekumɔ nɔ ko eshwie shi lɛ, anyɛŋ asaa atswa dɔŋŋ;+
Nɔ ni eŋa lɛ, mɔ ko mɔ ko nyɛŋ agbele.
16 Lɛ edɛŋ nyɛmɔ kɛ hiɛshikamɔ yɔɔ;+
Lɛ enɔ ji mɔ ni edu gbɛ kɛ mɔ ni hãa mɔ duɔ gbɛ lɛ fɛɛ;
17 Ehãa ŋaawolɔi nyiɛɔ kɛ amɛnane folo,*
Ni ehãa kojolɔi tsɔmɔɔ buului.+
18 Efɛneɔ kpãi ni maŋtsɛmɛi efimɔ lɛ,+
Ni ekɛ bɛlti fimɔɔ amɛhɛ.
19 Ehãa osɔfoi nyiɛɔ kɛ amɛnane folo,+
Ni ebutuɔ mɛi ni efi shi shiŋŋ yɛ hewalɛ mli lɛ;+
20 Ehãaa ŋaawolɔi ni amuɔ afɔ̃ɔ amɛnɔ lɛ anyɛ awie,
Ni eheɔ mɛi ni egbɔlɔ* lɛ ajwɛŋmɔ yɛ amɛdɛŋ;
21 Efɔseɔ heguɔgbee eshwieɔ abladei anɔ,+
Ni ehãa hewalɔi tsɔmɔɔ gbedelɔi;*
22 Ejieɔ nibii ni mli kwɔlɔ kpo kɛjɛɔ duŋ mli,+
Ni ekɛ duŋ kpii baa la hiɛ;
23 Ehãa jeŋmaji jeɔ agbo, bɔ ni afee ni ekpãtã amɛhiɛ;
Elɛɔ jeŋmaji amli, bɔ ni afee ni ekpala amɛ kɛya nomŋɔɔ mli.