Hiob
40 Yehowa tee nɔ ejie Hiob naa akɛ:
2 “Ani mɔ ni taoɔ mɔ he tɔmɔ lɛ kɛ Ofe lɛ baataa naa?+
Mɔ ni taoɔ ejaje Nyɔŋmɔ lɛ, hã ehã hetoo.”+
3 Hiob hã Yehowa hetoo akɛ:
4 “Naa! Misaaa kwraa.+
Mɛɛ hetoo manyɛ mahã bo?
Mikɛ minine eto minaa.+
5 Miwie shi kome, shi mijieŋ naa dɔŋŋ;
Miwie shii enyɔ, shi miwieŋ dɔŋŋ.”
6 Kɛkɛ ni Yehowa jie Hiob naa kɛjɛ ahum lɛ mli ekɛɛ:+
7 “Ofainɛ, saamɔ ohe odamɔ shi tamɔ nuu;
Mabi bo nii, ní otsɔɔ mi.+
8 Ani ootsɔɔ akɛ sane yɛ mijalɛsaneyeli lɛ he?*
Ani obaabu mi fɔ, koni bo oye bem?+
10 Ofainɛ, okɛ anunyam kɛ agbojee awula ohe;
Okɛ woo kɛ hiɛnyam aha ohe.
11 Ŋmɛɛmɔ omlifu lɛ naawalɛ lɛ he;
Kwɛmɔ mɔ fɛɛ mɔ ni wóɔ ehe nɔ, ni oba lɛ shi.
12 Kwɛmɔ mɔ fɛɛ mɔ ni wóɔ ehe nɔ, ni oba lɛ shi,
Ní onaanaa mɛi fɔji anɔ yɛ he ni amɛdamɔ lɛ.
13 Ŋɔɔ amɛ fɛɛ otee yɛ sũ* mli;
Fĩimɔ amɛ* yɛ teemɔhe lɛ,
14 Kɛkɛ lɛ, mi hu makpɛlɛ nɔ mahã bo*
Akɛ oninejurɔ baanyɛ ahere oyiwala.
15 Agbɛnɛ, naa Behemot* ní mifee lɛ tamɔ mifee bo lɛ.
Eyeɔ jwɛi tamɔ tsina nɔŋŋ.
16 Kwɛmɔ hewalɛ ni yɔɔ ehɛ mli
Kɛ hewalɛ ni yɔɔ emusu tabai amli lɛ!
17 Ehãa elei shɔ̃ɔ tamɔ tseneduru tso;
Eshuɔji amli fãi lɛ, alo kɛtsara.
18 Ewui lɛ, akɔɔble paipii* ni;
Enaji tamɔ dadei.
19 Lɛ eyeɔ klɛŋklɛŋ gbɛhe* yɛ Nyɔŋmɔ nitsumɔi lɛ amli;
Mɔ ni fee lɛ lɛ pɛ baanyɛ ekɛ eklante abɛŋkɛ lɛ.
20 Ejaakɛ gɔji lɛ baa niyenii hãa lɛ,
Jɛmɛ ŋa mli kooloi lɛ fɛɛ shwɛɔ yɛ.
21 Ekãa shi yɛ lotus tsei ashishi,
Yɛ gãlãi ni yɔɔ hei ni nui taraa lɛ ahɔɔŋ lɛ mli.
22 Lotus tsei lɛ kɛ amɛhɔɔŋ lɛ haa enɔ,
Ni popla tsei ni yɔɔ jɔɔ* mli lɛ bɔleɔ lɛ kɛkpeɔ.
23 Kɛ́ faa lɛ fee hamahama lɛ, etsui efãaa.
Yordan+ lɛ hoɔ kɛ foi kɛbaa edaaŋ moŋ, shi kɛ̃lɛ, eyɛ ekãa.
24 Ani mɔ ko baanyɛ emɔ lɛ be ni eekwɛ mɔ lɛ,
Aloo ebaanyɛ ekɛ kpoŋ* agbu egugɔŋ?