Lalai

 2 Mi-Nyɔŋmɔ, bo onɔ mikɛ mihiɛ efɔ̃;+

Kaahã mihiɛ shwie shi.+

 3 Lɛɛlɛŋ, ohãaa mɛi ni hiɛ kã onɔ lɛ ateŋ mɔ ko mɔ ko hiɛ ashwie shi,+

Shi hiɛshishwiemɔ kã shi hã mɛi ni feɔ efɔŋ yakatswaa lɛ.+

 4 Ao Yehowa, hã male ogbɛi lɛ;+

Tsɔɔmɔ mi ogbɛi lɛ.+

 5 Hã manyiɛ onɔkwale lɛ mli, ni otsɔɔ mi nii,+

Ejaakɛ bo ji miyiwalaheremɔ Nyɔŋmɔ.

 6 Ao Yehowa, kaimɔ omɔbɔnalɛ lɛ kɛ osuɔmɔ ni tsakeee+

Ni ojieɔ lɛ kpo daa lɛ.*+

Ao Yehowa, kaimɔ mi yɛ osuɔmɔ ni tsakeee lɛ hewɔ,+

Kɛ ekpakpa ni ofeɔ lɛ hewɔ.+

 9 Ebaahã mɛi ni he jɔ* lɛ ale nɔ ni ja,*+

Ni ebaatsɔɔ mɛi ni he jɔ* lɛ egbɛ lɛ.+

10 Suɔmɔ ni tsakeee kɛ anɔkwayeli yɛ Yehowa gbɛi lɛ fɛɛ anɔ

Kɛhã mɛi ni yeɔ ekpaŋmɔ+ lɛ kɛ ekaimɔi+ lɛ anɔ lɛ.

11 Ao Yehowa, ogbɛ́i lɛ hewɔ lɛ,+

Okɛ mitɔmɔ lɛ ake mi, eyɛ mli akɛ eda moŋ.

13 Ebaahi ahã lɛ,*+

Ni shikpɔŋ lɛ baatsɔ eseshibii* anɔ.+

14 Yehowa lɛ, mɛi ni sheɔ lɛ gbeyei lɛ ekɛbɔɔ naanyo kpaakpa,+

Ni ehãa amɛleɔ ekpaŋmɔ lɛ.+

15 Mihiŋmɛii jwere Yehowa nɔ be fɛɛ be,+

Ejaakɛ lɛ ebaajie minaji kɛje yaa lɛ mli.+

16 Tsɔ ohiɛ ohã mi ni ona mi mɔbɔ,

Ejaakɛ eshwɛ mikome ni mibɛ yelikɛbualɔ ko.

17 Mitsui mli haomɔi lɛ efa;+

Jiemɔ mi kɛje mihaomɔ lɛ mli.

18 Kwɛmɔ mimanehulu lɛ kɛ minaagba lɛ,+

Ni okɛ mihe eshai lɛ fɛɛ ake mi.+

19 Kwɛmɔ bɔ ni mihenyɛlɔi lɛ ayi efa

Kɛ bɔ ni amɛnyɛɔ mi waa ni amɛmiitao amɛye mi awui lɛ.

21 Hã anɔkwayeli kɛ jalɛ abu mihe,+

Ejaakɛ bo onɔ mihiɛ kã.+