Abɛi

14 Yoo ni hiɛ kã shi lɛɛlɛŋ lɛ, etswaa eshĩa emaa shi,+

Shi yoo buulu lɛ, ekɛ lɛ diɛŋtsɛ eniji kumɔɔ eshwieɔ shi.

 2 Mɔ ni nyiɛɔ yɛ jalɛ gbɛ nɔ lɛ, esheɔ Yehowa gbeyei,

Shi mɔ ni gbɛi ejaaa lɛ,* ebuuu Nyɔŋmɔ.

 3 Henɔwomɔ tso yɛ buulu daaŋ,

Shi hiɛshikalɔi anaabu baabu amɛhe.

 4 He ni tsinai bɛ lɛ, nɔ ni amɛyeɔ nii yɛ mli lɛ mli tse,

Shi tsinanuu hewalɛ hãa akpaa nii babaoo.

 5 Odasefonyo anɔkwafo maleee,

Shi amale odasefonyo maleɔ be fɛɛ be.+

 6 Buulu* taoɔ hiɛshikamɔ, shi enáaa eko,

Shi mɔ ni nuɔ nii ashishi lɛ, ewaaa akɛ eeená nilee.+

 7 Tsi ohe kɛje buulu he,

Ejaakɛ onáŋ nilee yɛ edaaŋ.+

 8 Hiɛtɛ̃lɔ lɛ, ehiɛshikamɔ hãa enuɔ gbɛ ni enyiɛ nɔ lɛ shishi,

Shi kwashiai lɛ, amɛbuulufeemɔ lɛ ni lakaa amɛ.*+

 9 Buului kɛ amɛtɔmɔi* feɔ shwɛmɔ,+

Shi jalɔi sumɔɔ ni amɛsaa amɛteŋ.*

10 Tsui lɛ pɛ le bɔ ni nɔ ko dɔɔ lɛ* ehãa,

Ni emiishɛɛ hu, mɔ ko mɔ ko nyɛŋ naa ana.

11 Abaakpãtã mɛi fɔji ashĩa hiɛ,+

Shi jalɔi amama tsũ lɛ mli baalɛɛ.

12 Gbɛ ko yɛ ni ja yɛ gbɔmɔ hiɛ,+

Shi yɛ naagbee lɛ, ekɛ mɔ yaa gbele mli.+

13 Be ni aaŋmɔ po lɛ, tsui lɛ baanyɛ anu piŋmɔ he,

Ni nyamɔ baanyɛ ayagbe naa yɛ awerɛhoyeli mli.

14 Mɔ ni eje eŋɛlɛ nɔ yɛ etsui mli lɛ, ebaakpa gbɛi ni enyiɛ nɔ lɛ amli yibii,+

Shi gbɔmɔ kpakpa kpaa enifeemɔi lɛ amli yibii.+

15 Mɔ ni jwɛŋmɔ esako* lɛ heɔ wiemɔ fɛɛ wiemɔ eyeɔ,

Shi hiɛtɛ̃lɔ kwɛɔ enajifaamɔi jogbaŋŋ.+

16 Hiɛshikalɔ kwɛɔ ehe nɔ jogbaŋŋ,* ni etsiɔ ehe kɛjeɔ efɔŋ he,

Shi kwashia lɛ, esheee nɔ ko nɔ ko gbeyei,* ni eheɔ ehe eyeɔ fe nine hu.

17 Mɔ ni mli fuɔ mra lɛ, efeɔ buuluianii,+

Shi mɔ ni jwɛŋɔ jogbaŋŋ* lɛ, anyɛɔ lɛ.

18 Mɛi ni jwɛŋmɔ esako* lɛ agboshinii ji buulufeemɔ,

Shi mɛi ni hiɛ tɛ̃ lɛ, akɛ nilee fiɔ amɛ akekere.+

19 Gbɔmɛi gbohii kotoɔ gbɔmɛi kpakpai,

Ni mɛi fɔji baakoto shi yɛ jalɔi agbói lɛ anaa.

20 Ohiafo lɛ, ehe gbɔmɛi po nyɛɔ lɛ,+

Shi niiatsɛ lɛ, eyɛ nanemɛi babaoo.+

21 Mɔ ni ebuuu enyɛmi gbɔmɔ lɛ, eefee esha,

Shi mɔ fɛɛ mɔ ni naa mɛi ni bɛ yelikɛbualɔ lɛ mɔbɔ lɛ, eyɛ miishɛɛ.+

23 Sɛɛnamɔ yɛ nitsumɔ ni wa fɛɛ nitsumɔ ni wa mli,

Shi naabu folo wiemɔ lɛ, ehãa mɔ yeɔ ohia.+

24 Hiɛshikalɔi akekere ji amɛnii ni amɛyɔɔ;

Shi nɔ ni kwashiai náa yɛ amɛbuulufeemɔ lɛ mli ji amɛbuulufeemɔ lɛ pɛ.+

25 Mɔ ni ji odasefonyo lɛɛlɛŋ lɛ hereɔ mɛi* ayiwala,

Shi amalelɔ lɛ, emaleɔ be fɛɛ be.

26 Mɔ ni sheɔ Yehowa gbeyei lɛ, ekɛ ehiɛ fɔ̃ɔ enɔ yɛ nɔ fɛɛ nɔ mli,+

Ni no baatsɔ abobaahe kɛhã ebii.+

27 Yehowa gbeyeishemɔ lɛ, wala nuhiŋmɛi ni,

Ni ejieɔ mɔ kɛjeɔ gbele tsɔnei amli.

28 Maŋtsɛ anunyam ji maŋbii babaoo,+

Shi nɔyelɔ ni bɛ shishi bii lɛ, eshigbeemɔ ji no.

29 Mɔ ni mli fuuu mra lɛ, ekɔɔ sane sɛɛ jogbaŋŋ,+

Shi mɔ ni etooo etsui shi lɛ, ejieɔ ebuulufeemɔ kpo.+

30 Tsui ni mli jɔ lɛ, eji wala kɛhã gbɔmɔtso lɛ,*

Shi awuŋayeli tamɔ hela ni hãa wuiaŋ kpɔtɔɔ.+

31 Mɔ ni shishiuɔ* mɔ ni bɛ yelikɛbualɔ lɛ, eejɛ e-Bɔlɔ* lɛ,+

Shi mɔ ni naa ohiafo mɔbɔ lɛ, eewo e-Bɔlɔ lɛ hiɛ nyam.+

32 Mɔ fɔŋ lɛ, efɔŋ ni efeɔ lɛ nɔŋŋ baahã egbee shi,

Shi jalɔ lɛ, enɔkwayeli lɛ mli ebaaba abo yɛ.+

33 Hiɛshikamɔ kãa shi diŋŋ yɛ mɔ ni nuɔ nii ashishi lɛ tsui mli,+

Shi ejieɔ ehe kpo yɛ kwashiai ateŋ.

34 Jalɛ nifeemɔ wóɔ jeŋmaŋ nɔ,+

Shi esha woɔ maŋ hiɛgbele.

35 Tsulɔ ni yɔɔ sɛɛyoomɔ lɛ, ehãa maŋtsɛ náa miishɛɛ,+

Shi mɔ ni feɔ hiɛgbejianii lɛ, ewoɔ maŋtsɛ mli fu.+