Yoshua
15 Shikpɔŋ ni akɛhã*+ Yuda weku lɛ yɛ amɛtsɛmɛi ashĩai lɛ anaa lɛ kã shi kɛtee Edom+ husu lɛ naa, Zin ŋa lɛ nɔ, kɛtee Negeb lɛ yɛ ewuoyigbɛ naagbeehe lɛ. 2 Amɛwuoyigbɛ husu lɛ jɛ Ŋoo Ŋshɔ* lɛ naagbeehe lɛ,+ kɛjɛ ŋshɔnine bibioo* ni kã wuoyigbɛ lɛ naa. 3 Ni etee wuoyigbɛ kɛtee Akrabim kwɔɔhe lɛ,+ efo mli kɛtee Zin, ni kɛjɛ wuoyigbɛ lɛ, ekwɔ kɛtee Kadesh-barnea,+ ni efo mli kɛtee Hezron, ni ekwɔ kɛtee Adar, ni elɔgɔ shi kɛtee Karka gbɛ. 4 Ni husu lɛ yatsɔ Azmon,+ ni etsa nɔ kɛtee Ejipt Nujɔɔ*+ lɛ naa, ni eyagbe naa yɛ Ŋshɔ* lɛ naa. Enɛ ji amɛwuoyigbɛ husu lɛ.
5 Bokãgbɛ husu lɛ ji Ŋoo Ŋshɔ* lɛ kɛyashi Yordan lɛ naagbee lɛ, ni kooyigbɛ koŋ lɛ husu lɛ ji ŋshɔ lɛ nine bibioo* lɛ, yɛ Yordan lɛ naagbee lɛ.+ 6 Husu lɛ kwɔ kɛtee Bet-hogla,+ ni efo mli yɛ Bet-araba+ kooyi, ni husu lɛ kwɔ kɛtee Ruben binuu Bohan tɛ lɛ he.+ 7 Husu lɛ kwɔ kɛtee Debir yɛ Akor Jɔɔ+ lɛ mli, ni edɔ eyi kɛtsɔ kooyigbɛ kɛtee Gilgal,+ yɛ Adumim kwɔɔhe lɛ hiɛgbɛ, yɛ nujɔɔ* lɛ wuoyigbɛ, ni husu lɛ fo mli kɛtee En-shemesh+ nui lɛ ahe, ni eyagbe naa yɛ En-rogel.+ 8 Husu lɛ kwɔ kɛtee Hinom Binuu lɛ Jɔɔ+ lɛ mli kɛtee Yebusbii+ lɛ agɔŋ lɛ he yɛ wuoyigbɛ, ni ji Yerusalem,+ ni husu lɛ kwɔ kɛtee gɔŋ ni yɔɔ Hinom Jɔɔ lɛ hiɛ lɛ yiteŋ yɛ anaigbɛ, yɛ Refaim Jɔɔ ni kã kooyigbɛ lɛ naagbeehe lɛ. 9 Ni kɛjɛ gɔŋ lɛ yiteŋ lɛ, agbá husu lɛ kɛtee Neftoa nui lɛ anuhiŋmɛi lɛ he,+ ni etsa nɔ kɛtee Efron Gɔŋ lɛ nɔ maji lɛ ahe; ni agbá husu lɛ kɛtee Baala, ni ji Kiriat-yearim.+ 10 Kɛjɛ Baala lɛ, husu lɛ lɔgɔ shi kɛtee anaigbɛ kɛtee Seir Gɔŋ lɛ he, ni efo mli kɛtee Yearim Gɔŋ, ni ji Kesalon lɛ he yɛ kooyigbɛ, ni ekpeleke shi kɛtee Bet-shemesh,+ ni efo mli kɛtee Timna.+ 11 Ni husu lɛ tsa nɔ kɛtee Ekron+ gɔŋ lɛ he yɛ kooyigbɛ, ni agbá husu lɛ kɛtee Shikeron, ni efo mli kɛtee Baala Gɔŋ lɛ he, ni etsa nɔ kɛtee Yabneel, ni husu lɛ yagbe naa yɛ ŋshɔ lɛ naa.
12 Anaigbɛ husu lɛ ji Ŋshɔ Wulu*+ lɛ kɛ enaanaa lɛ. Enɛ ji Yuda seshibii lɛ ahusu lɛ koji lɛ fɛɛ, yɛ amɛwekui lɛ anaa.
13 Ni Yefune binuu Kaleb+ lɛ, ehã lɛ gbɛfaŋnɔ yɛ Yuda seshibii lɛ ateŋ, yɛ famɔ ni Yehowa kɛhã Yoshua lɛ naa, no ji Kiriat-arba (Arba ji Anak tsɛ), ni ji Hebron+ lɛ. 14 No hewɔ lɛ, Kaleb shwie Anak bihii+ etɛ lɛ kɛje jɛmɛ, ni amɛji: Sheshai kɛ Ahiman kɛ Talmai,+ ni ji Anak seshibii lɛ. 15 No sɛɛ lɛ, ejɛ jɛmɛ ekwɔ kɛtee ni ekɛ Debirbii lɛ yawu.+ (Tsutsu lɛ, atsɛɔ Debir akɛ Kiriat-sefer.) 16 Ni Kaleb kɛɛ: “Mɔ ni baatswia Kiriat-sefer nii ní ebaaŋɔ maŋ lɛ, mikɛ mibiyoo Aksa baahã lɛ akɛ eŋa.” 17 Ni Otniel,+ ni ji Kaleb nyɛmi nuu Kenaz+ binuu lɛ yaŋɔ maŋ lɛ. No hewɔ lɛ, ekɛ ebiyoo Aksa+ hã lɛ akɛ eŋa. 18 Be ni Aksa yaa shĩa lɛ, ekɛɛ ewu lɛ koni ebi epapa ní ehã lɛ shikpɔŋ. Kɛkɛ ni Aksa yi shi kɛjɛ eteji lɛ nɔ.* Kaleb bi lɛ akɛ: “Mɛni otaoɔ?”+ 19 Aksa kɛɛ: “Ofainɛ, jɔɔmɔ mi,* ejaakɛ ohã mi shikpɔŋ yɛ wuoyigbɛ;* okɛ Gulot-maim* hu ahã mi.” No hewɔ lɛ, ehã lɛ Gɔŋnɔgbɛ Gulot kɛ Jɔɔŋgbɛ Gulot.
20 Enɛ ji Yuda weku lɛ gboshinii yɛ amɛtsɛmɛi ashĩai lɛ anaa.
21 Maji ni yɔɔ Yuda weku lɛ shikpɔŋ lɛ naagbeehe kɛmiiya Edom+ husu lɛ naa yɛ wuoyigbɛ lɛ ji: Kabzeel kɛ Eder kɛ Yagur 22 kɛ Kina kɛ Dimona kɛ Adada 23 kɛ Kedesh kɛ Hazor kɛ Itnan 24 kɛ Zif kɛ Telem kɛ Bealot 25 kɛ Hazor-hadata kɛ Keriot-hezron, ni ji Hazor, 26 kɛ Amam kɛ Shema kɛ Molada+ 27 kɛ Hazar-gada kɛ Heshmon kɛ Bet-pelet+ 28 kɛ Hazar-shual kɛ Beer-sheba+ kɛ Biziotia 29 kɛ Baala kɛ Yim kɛ Ezem 30 kɛ Eltolad kɛ Kesil kɛ Horma+ 31 kɛ Ziklag+ kɛ Madmana kɛ Sansana 32 kɛ Lebaot kɛ Shilhim kɛ Ain kɛ Rimon+—fɛɛ feɔ maji 29 kɛ amɛhe akrowai.*
33 Maji ni yɔɔ Shefela+ lɛ nɛ: Eshtaol kɛ Zora+ kɛ Ashna 34 kɛ Zanoa kɛ En-ganim kɛ Tapua kɛ Enam 35 kɛ Yarmut kɛ Adulam+ kɛ Soko kɛ Azeka+ 36 kɛ Shaaraim+ kɛ Aditaim, kɛ Gedera kɛ Gederotaim*—maji 14 kɛ amɛhe akrowai.*
37 Zenan kɛ Hadasha kɛ Migdal-gad 38 kɛ Dilean kɛ Mizpe kɛ Yokteel 39 kɛ Lakish+ kɛ Bozkat kɛ Eglon 40 kɛ Kabon kɛ Lamam kɛ Kitlish 41 kɛ Gederot kɛ Bet-dagon kɛ Naama kɛ Makeda+—maji 16 kɛ amɛhe akrowai.*
42 Libna+ kɛ Eter kɛ Ashan+ 43 kɛ Ifta kɛ Ashna kɛ Nezib 44 kɛ Keila kɛ Akzib kɛ Maresha—maji nɛɛhu kɛ amɛhe akrowai.*
45 Ekron, kɛ maji ni baa lɛ abo* lɛ, kɛ ehe akrowai* lɛ; 46 kɛjɛ Ekron kɛyaa anaigbɛ, kpokpaa fɛɛ ni kã Ashdod masɛi lɛ kɛ amɛhe akrowai* lɛ.
47 Ashdod,+ kɛ maji ni baa lɛ abo* lɛ kɛ ehe akrowai* lɛ; Gaza,+ kɛ maji ni baa lɛ abo lɛ kɛ ehe akrowai* lɛ, aahu kɛyashi Ejipt Nujɔɔ* lɛ naa, Ŋshɔ Wulu* lɛ, kɛ kpokpaa ni kã ehiɛ lɛ.+
48 Ni maji ni yɔɔ gɔji lɛ anɔ lɛ ji, Shamir kɛ Yatir+ kɛ Soko 49 kɛ Dana kɛ Kiriat-sana, ni ji Debir, 50 kɛ Anab kɛ Eshtemo+ kɛ Anim 51 kɛ Goshen+ kɛ Holon kɛ Gilo+—maji 11 kɛ amɛhe akrowai.*
52 Arab kɛ Duma kɛ Eshan 53 kɛ Yanim kɛ Bet-tapua kɛ Afeka 54 kɛ Humta kɛ Kiriat-arba, ni ji Hebron,+ kɛ Zior—maji nɛɛhu kɛ amɛhe akrowai.*
55 Maon+ kɛ Karmel kɛ Zif+ kɛ Yuta 56 kɛ Yezreel kɛ Yokdeam kɛ Zanoa 57 kɛ Kain kɛ Gibea kɛ Timna+—maji nyɔŋma kɛ amɛhe akrowai.*
58 Halhul kɛ Bet-zur kɛ Gedor 59 kɛ Maarat kɛ Bet-anot kɛ Eltekon—maji ekpaa kɛ amɛhe akrowai.*
60 Kiriat-baal, ni ji Kiriat-yearim,+ kɛ Raba—maji enyɔ kɛ amɛhe akrowai.*
61 Maji ni yɔɔ ŋa lɛ nɔ lɛ ji, Bet-araba+ kɛ Midin kɛ Sekaka 62 kɛ Nibshan kɛ Ŋoo Maŋ lɛ kɛ En-gedi+—maji ekpaa kɛ amɛhe akrowai.*
63 Shi Yebusbii+ ni yɔɔ Yerusalem lɛ,+ Yudabii lɛ nyɛɛɛ amɛ ashwie,+ no hewɔ lɛ, Yebusbii lɛ kɛ Yudabii lɛ hi Yerusalem kɛbashi ŋmɛnɛ.