Hosea

11 “Be ni Israel ji gbekɛ nuu lɛ, misumɔ lɛ,+

Ni Ejipt mitsɛ mibinuu lɛ kɛjɛ.+

 2 Babaoo ni amɛtsɛɔ* amɛ lɛ,

Babaoo ni amɛshiɔ amɛŋɔɔ kɛyaa ji no.+

Amɛtee nɔ amɛshã afɔlei amɛhã Baal amagai lɛ,+

Ni amɛtee nɔ amɛkɛ afɔlei hã amagai.+

 3 Shi miji mɔ ni tsɔɔ Efraim nyiɛmɔ,+ ni miwó amɛ ni mihiɛ amɛ;+

Ni amɛyɔseee akɛ mitsa amɛ.

 4 Mitee nɔ mikɛ gbɔmɛi akpãi* gbala amɛ, mikɛ suɔmɔ kpãi gbala amɛ;+

Ni mitamɔ mɔ ko ni wóɔ kɔɔŋtso kɛjeɔ amɛkadai anɔ kɛhã amɛ,

Ni mijɛ mlihilɛ mli mikɛ niyenii bahã amɛteŋ mɔ fɛɛ mɔ.

 5 Amɛkuŋ amɛsɛɛ kɛyaŋ Ejipt shikpɔŋ lɛ nɔ, shi Asiria baatsɔ amɛmaŋtsɛ,+

Ejaakɛ amɛsumɔɔɔ ni amɛbaaku amɛsɛɛ kɛba miŋɔɔ.+

 6 Ni klante baabɔle ehe ewo emaji lɛ+

Ni ebaafite edabaŋi* lɛ, ni ebaakpãtã amɛhiɛ yɛ amɛŋaatsɔi lɛ ahewɔ.+

Mitsake mijwɛŋmɔ;*

Nakai beiaŋ nɔŋŋ lɛ, mimusuŋ miitsɔ mi.*+

Mikpãtãŋ Efraim hiɛ dɔŋŋ,+

Ejaakɛ Nyɔŋmɔ ji mi, jeee gbɔmɔ,

Mɔ Krɔŋkrɔŋ ni yɔɔ oteŋ lɛ;

Ni mibaŋ onɔ kɛ mlifu.

10 Amɛbaanyiɛ Yehowa sɛɛ, ni ebaahũu tamɔ jata;+

Ni kɛji ehũu lɛ, ebii lɛ ahe baakpokpo kɛaajɛ anaigbɛ kɛba.+

11 Amɛkɛ hekpokpomɔ aaajɛ Ejipt aba tamɔ loofɔlɔ,

Kɛjɛ Asiria shikpɔŋ lɛ nɔ kɛba tamɔ okpo;+

Ni mahã amɛbahi amɛshĩai lɛ amli,” Yehowa kɛɛ.+

12 “Efraim kɛ amalei ebɔle mihe kɛkpe,

Ni Israel shĩa lɛ ebɔle mi kɛ lakamɔ.+

Shi Yuda kã he ekɛ Nyɔŋmɔ yaa ni ekɛ lɛ baa,*

Ni eyeɔ Mɔ Krɔŋkrɔŋ Fe Fɛɛ lɛ anɔkwa.”+