Lalai

17 Ao Yehowa, bo mifaikpamɔ kɛhã jalɛ lɛ toi;

Ka otoi ohã mibolɔmɔ kɛhã yelikɛbuamɔ lɛ;

Bo sɔlemɔ ni mijɛɔ tsui krɔŋŋ mli misɔleɔ lɛ toi.+

 2 Ye misane lɛ ohã mi yɛ gbɛ ni ja nɔ;+

Hã ohiŋmɛii ana nɔ ni ja.

 3 Opɛiɔ mitsui mli, otaoɔ mimli nyɔɔŋ;+

Otsuɔ mihe,+

Ni onaa akɛ mitoko ŋaa fɔŋ ko,

Ni minaabu tɔ̃ko.

 4 Ekɔɔɔ he eko nɔ ni gbɔmɛi baafee lɛ,

Odaaŋ wiemɔ lɛ hewɔ lɛ, minyiɛɛɛ julɔi agbɛi anɔ.+

 5 Hã minajifaamɔi ahi ogbɛi lɛ anɔ

Koni minaji akatɛ.+

 7 Jiemɔ osuɔmɔ ni tsakeee lɛ kpo yɛ gbɛ ni yɔɔ naakpɛɛ nɔ,+

Bo mɔ ni ohereɔ mɛi ni baa abo yɛ oninejurɔ nɔ lɛ ayiwala

Kɛjeɔ mɛi ni tseɔ ohiɛ atua lɛ adɛŋ lɛ.

 8 Buu mihe tamɔ ohiŋmɛi mli ajaŋmalaatɛ;+

Okɛ mi ato ofiji ashishi hɔɔŋ lɛ mli.+

 9 Buu mihe kɛje mɛi fɔji ni tutuaa mi lɛ adɛŋ,

Kɛje mihenyɛlɔi ni miitao agbe mi* ni bɔleɔ mi lɛ adɛŋ.+

10 Amɛnuuu nii ahe amɛhãaa mɔ;*

Amɛkɛ amɛnaabu wieɔ wiemɔi wuji;

11 Agbɛnɛ amɛbɔle wɔ kɛkpe;+

Amɛmiitao hegbɛ koni amɛhã wɔgbee shi.*

12 Etamɔ jata ni miitao etserɛ kooloo ni emɔ lɛ mli,

Etamɔ jata* ni ewo antɛo yɛ teemɔhe.

13 Ao Yehowa, tee shi ni okɛ lɛ akpe+ ni otsi lɛ otswa shi;

Okɛ oklante lɛ ajie mi* kɛje mɔ fɔŋ lɛ dɛŋ;

14 Ao Yehowa, okɛ onine ajie mi,

Kɛje gbɔmɛi ni yɔɔ je* nɛɛ mli, ni taoɔ amɛgbɛfaŋnɔ yɛ shihilɛ nɛɛ mli lɛ adɛŋ,+

Mɛi ni etɔrɔ kɛ nibii kpakpai ni okɛhãa lɛ+

Ni shĩɔ gboshinii amɛhãa amɛbii babaoo lɛ.

15 Shi mi lɛ, mana ohiɛ yɛ jalɛ mli;

Kɛ́ mihiɛ tsɛ̃ ni mina bo lɛ,* mitsui nyɔɔ mimli.+