Lalai

137 Wɔho wɔtara Babilon fai lɛ anaa.+

Wɔfó be ni wɔkai Zion lɛ.+

2 Popla tsei ni yɔɔ emli* lɛ anɔ

Wɔkɛ wɔsaŋkui lɛ tsotsoro.+

3 Jɛmɛ mɛi ni eŋɔ wɔ nom lɛ bi ni wɔlá wɔhã amɛ yɛ,+

Mɛi ni yeɔ wɔhe fɛo lɛ bi ni wɔjie amɛhiɛtserɛ,

Amɛkɛɛ akɛ: “Nyɛláa Zion lalai lɛ eko nyɛhãa wɔ.”

4 Te aaafee tɛŋŋ ni wɔɔlá Yehowa lala

Yɛ maŋsɛɛ shikpɔŋ nɔ lɛ?

5 Ao Yerusalem, kɛ́ mihiɛ kpa onɔ lɛ,

No lɛ, mininejurɔ hiɛ aje ehe nɔ.*+

6 Mililɛi hu akpɛtɛ midaaŋ,

Kɛ́ mikaiii bo,

Kɛ́ mihãaa Yerusalem afee nɔ ni hãa

Mináa miishɛɛ fe fɛɛ lɛ.+

7 Ao Yehowa, kaimɔ

Nɔ ni Edombii lɛ kɛɛ yɛ gbi ni Yerusalem gbee shi lɛ nɔ akɛ:

“Nyɛkumɔa lɛ nyɛshwiea shi! Nyɛkumɔa lɛ nyɛshwiea shi kɛyashi efaneshii lɛ anɔ tɔ̃ɔ!”+ lɛ.

8 Bo Babilon biyoo, bo mɔ ni etsɛŋ ni abaakpãtã ohiɛ lɛ,+

Mɔ ni baato bo najiaŋ

Tamɔ bɔ ni okɛ wɔ ye lɛ baaná miishɛɛ.+

9 Mɔ ni baamɔmɔ obii lɛ,

Ni ekɛ amɛ atswia tɛsai anɔ+ lɛ baaná miishɛɛ.