Yoshua
16 Ni shikpɔŋ ni atsɔ oshikifɔɔ nɔ akɛhã*+ Yosef seshibii+ lɛ jɛ Yordan lɛ naa yɛ Yeriko kɛtee nui ni yɔɔ Yeriko bokãgbɛ lɛ anaa, ni etsɔ ŋa ni jɛ Yeriko ni kwɔɔ kɛyaa Betel gɔji lɛ anɔ lɛ nɔ.+ 2 Ni husu lɛ jɛ Betel ni yɔɔ Luz masɛi lɛ, ni etsa nɔ kɛtee Arkibii lɛ ahusu lɛ naa yɛ Atarot, 3 ni ekpeleke shi kɛtsɔ anaigbɛ kɛtee Yafletbii lɛ ahusu lɛ naa, aahu kɛtee Jɔɔŋgbɛ Bet-horon+ husu lɛ naa, ni etsa nɔ kɛtee Gezer+ ni eyagbe naa yɛ ŋshɔ lɛ naa.
4 No hewɔ lɛ, Yosef seshibii lɛ,+ ni ji Manase kɛ Efraim, ŋɔ amɛshikpɔŋ lɛ.+ 5 Efraim seshibii lɛ ahusu yɛ amɛwekui lɛ anaa nɛ: Amɛgboshinii lɛ husu yɛ bokãgbɛ ji Atarot-adar,+ aahu kɛyashi Gɔŋnɔgbɛ Bet-horon,+ 6 ni husu lɛ tsa nɔ kɛtee ŋshɔ lɛ naa. Mikmetat+ yɛ kooyigbɛ, ni husu lɛ lɔgɔ shi kɛtsɔ bokãgbɛ kɛtee Taanat-shilo, ni efo mli kɛtsɔ bokãgbɛ kɛtee Yanoa. 7 Ni kɛjɛ Yanoa lɛ, husu lɛ kpeleke shi kɛtee Atarot kɛ Naara, ni eyashɛ Yeriko,+ ni etsa nɔ kɛtee Yordan lɛ naa. 8 Husu lɛ jɛ Tapua+ ni etsɔ anaigbɛ kɛtee Kana Nujɔɔ* lɛ naa, ni eyagbe naa yɛ ŋshɔ lɛ naa.+ Enɛ ji Efraim weku lɛ gboshinii yɛ amɛtsɛmɛi ashĩai lɛ anaa; 9 ajie maji komɛi hu ato ahã Efraim seshibii lɛ yɛ Manase weku lɛ gboshinii lɛ mli,+ akɛ maji lɛ fɛɛ kɛ amɛhe akrowai* lɛ hã amɛ.
10 Shi amɛshwieee Kanaanbii ni yɔɔ Gezer lɛ,+ ni Kanaanbii lɛ hi Efraim teŋ kɛbashi ŋmɛnɛ,+ ni anyɛ amɛnɔ koni amɛtsu nitsumɔ ni wa.+