Lalai
Kɛhã lalatsɔɔlɔ lɛ. Lala ni David fo.
Kaawo mi hiɛgbele gbi ko gbi ko.+
Jiemɔ mi yɛ ojalɛ lɛ hewɔ.+
2 Ba otoi shi ohã mi.*
Ba oya ni obajie mi.+
Tsɔ teemɔhe yɛ gɔŋ nɔ ohã mi,
He ko ni yɔɔ shweshweeshwe koni ohere mi.+
5 Bo odɛŋ mikɛ mimumɔ lɛ woɔ.+
Ao Yehowa, anɔkwale Nyɔŋmɔ,* bo okpɔ̃ mi.+
6 Minyɛɔ mɛi ni jáa amagai ni sɛɛnamɔ ko bɛ amɛhe lɛ,
Shi mi lɛ, mikɛ mihiɛ efɔ̃ Yehowa nɔ.
8 Okɛ mi woko mihenyɛlɔ lɛ dɛŋ,
Shi okɛ mi eyadamɔ he ko ni yɔɔ shweshweeshwe.*
9 Ao Yehowa, naa mi mɔbɔ, ejaakɛ mihao.
Awerɛhoyeli ehã mihiŋmɛi nɔ eha,+ migbɔmɔtso muu lɛ fɛɛ* egbɔjɔ.+
Mitɔmɔ lɛ hewɔ lɛ, mihewalɛ miitã;
Miwui lɛ amli hu egbɔjɔ.+
11 Mihenyɛlɔi lɛ fɛɛ yeɔ mihe fɛo,+
Titri lɛ, mɛi ni bɛŋkɛ mi kpaakpa lɛ.
Ni mɛi ni le mi lɛ sheɔ mi gbeyei;
Kɛ́ amɛna mi yɛ maŋ lɛ mli lɛ, amɛjoɔ foi.+
12 Amɛjie mi kɛje amɛtsui* mli ni amɛhiɛ ekpa minɔ, oookɛɛ migbo;
Mitsɔ tamɔ gbɛ́ ni ejwa.
13 Minu nibii gbohii babaoo ni mɛi wieɔ lɛ;
Nibii ni yɔɔ gbeyei ebɔle mi.+
14 Shi mi lɛ, Ao Yehowa, bo onɔ mikɛ mihiɛ efɔ̃.+
Miikɛɛ akɛ: “Bo ji mi-Nyɔŋmɔ.”+
15 Migbii* lɛ yɛ odɛŋ.
Jiemɔ mi kɛje mihenyɛlɔi kɛ mɛi ni waa mi yi lɛ adɛŋ.+
16 Tse ohiɛ ohã otsulɔ.+
Okɛ osuɔmɔ ni tsakeee lɛ ahere mi.
17 Ao Yehowa, kɛ́ mibo mitsɛ bo lɛ, kaawo mi hiɛgbele.+
18 Hã amale naabui lɛ afee diŋŋ,+
Naabui ni kɛ henɔwomɔ wieɔ nibii wuji amɛshiɔ jalɔi ni amɛbuuu amɛ amɛhãaa nɔ ko lɛ.
19 Ekpakpa ni ofeɔ lɛ fa babaoo diɛŋtsɛ!+
20 Okɛ amɛ baato teemɔhe ni yɔɔ ohiɛ lɛ+
Kɛje mɛi ni tsɔɔ ŋaa lɛ ahiɛ;
Okɛ amɛ baato oshihilɛhe lɛ
Kɛje lilɛii ni béɔ lɛ ahiɛ.+
21 Ajie Yehowa yi,
Ejaakɛ ejie esuɔmɔ ni tsakeee lɛ kpo yɛ naakpɛɛ gbɛ nɔ etsɔɔ mi+ yɛ maŋ ni awo he ka mli.+
22 Mi lɛ, mitsui fã ni mikɛɛ akɛ:
“Mihiɛ baakpãtã yɛ ohiɛ.”+
Shi be ni mibo mitsɛ bo lɛ, onu mifaikpamɔi kɛhã yelikɛbuamɔ lɛ.+