Ekpakpafeemɔ Su

1. Kɛ́ wɔle ekpakpafeemɔ,

Wɔbaaná miishɛɛ jogbaŋŋ.

Wɔ-Tsɛ Nyɔŋmɔ ni yɔɔ ŋwɛi lɛ,

Feɔ ekpakpa be fɛɛ be.

Nyɔŋmɔ mɔbɔnalɛ fa waa,

Fe bɔ ni sa wɔ tete;

Esa wɔtsui muu fɛɛ jamɔ,

Lɛ wɔkɛ miishɛɛ sɔmɔɔ.

2. Ebɔ wɔ yɛ esubaŋ nɔ

Koni wɔnyɛ wɔkase

Esui kpakpai lɛ fɛɛ jogbaŋŋ,

Ni wɔfee ekpakpa daa.

Nyɛhaa wɔkasea Nyɔŋmɔ waa,

Ni wɔjie esui akpo.

Nyɛhaa wɔbia mumɔ krɔŋkrɔŋ,

Ni wɔwo eyibii lɛ.

3. Saakɛ wɔjie mlihilɛ kpo

Yɛ gbɛ krɛdɛɛ nɔ bei fɛɛ

Wɔtsɔɔ nyɛmimɛi Kristofoi,

Ni wɔfee mɛi fɛɛ ej’rɔ.

Ha wɔshiɛ Maŋtsɛyeli lɛ

Kɛ wɔhiɛnɔkamɔ lɛ

Wɔtsɔɔ gbɔmɛi srɔtoi fɛɛ kwa;

Ha wɔfee ekpakpa daa.