NIKASEMƆ 4

Kpa Ŋmalɛi Ahiɛ Jogbaŋŋ

Mateo 22:41-45

NƆ NI ESA AKƐ OFEE: Dani obaakane ŋmalɛ ko lɛ, saamɔ otoibolɔi lɛ ajwɛŋmɔ.

Susumɔ nɔ hewɔ ni obaakane ŋmalɛ lɛ he. Kpa ŋmalɛ fɛɛ ŋmalɛ hiɛ yɛ gbɛ ni baahã otoibolɔi lɛ kɛ amɛjwɛŋmɔ aya oti ni otaoɔ owie he yɛ mli lɛ nɔ.

Kɛ́ obaakane ŋmalɛ ko lɛ, susumɔ kukuji ni tsɔ hiɛ kɛ nɔ ni nyiɛ sɛɛ lɛ ahe. Kɛ́ otsɛ ŋmalɛ ko ni ootsɔɔ mɔ ni wie nakai sane lɛ, loo mɔ ni ŋma nakai Biblia mli wolo lɛ, kwɛmɔ ni okatsɛ mɔ kroko gbɛ́i.
Hã ana akɛ nɔ ni owieɔ lɛ jɛ Biblia lɛ mli. Kɛ́ okɛ mɛi ni heɔ Nyɔŋmɔ nɔ amɛyeɔ miigba sane lɛ, okɛ Nyɔŋmɔ Wiemɔ, ni ji Biblia lɛ atsu nii, ni nakai ni obaafee lɛ baahã ana akɛ nɔ ni otsɔɔ lɛ jɛ Nyɔŋmɔ ŋɔɔ.
Teemɔ mɛi amiishɛɛ shi kɛhã ŋmalɛ ni obaakane lɛ. Bi sane ko ni ŋmalɛ lɛ baahã hetoo, wiemɔ naagba ko ni ŋmalɛ lɛ baahã ana nɔ ni esa akɛ afee yɛ he, loo wiemɔ anɔkwa sane ko ni ŋmalɛ lɛ baahã anu shishi lɛ he.

Susumɔ nɔ ni otoibolɔi lɛ le momo yɛ sane lɛ kɛ ŋmalɛ lɛ he lɛ he. Kpa ŋmalɛi ni amɛle momo lɛ po ahiɛ yɛ gbɛ ni baahã amɛná he miishɛɛ nɔ, ni owa amɛ ni amɛnu emli oti ko shishi jogbaŋŋ fe tsutsu lɛ.