ODASEYELI YƐ SKUI

Naa niiashikpamɔ ko ni jɛ Sweden he ni afɔ nine atsɛ nyɛmimɛi yɛ akɛ amɛbashiɛ yɛ skul sɔrɔtoi amli lɛ. Afɔ nine atsɛ Yehowa Odasefoi asɔɔlɔ gbɛgbalɔ krɛdɛɛ ko akɛ ebaha maŋshiɛmɔi sɔrɔtoi yɛ klas ko. Tsɔɔlɔ lɛ kɛɛ: “Osɔfoi komɛi eba biɛ, shi amɛbatswaa ‘giitaa’ pɛ ni amɛkɛɔ skulbii lɛ akɛ amɛfee gbekɛbii kpakpai. Kɛkɛ lɛ no nɔŋŋ fa.” Shi “miifao ni skulbii nɛɛ akase nɔ ko diɛŋtsɛ.” No hewɔ lɛ, amɛfo gbɛjianɔ koni Odasefoi lɛ kɛamɛ abafee Biblia mli nikasemɔ be fɛɛ be.

◻ Nikaselɔi ni yɔɔ skultsu mli kɛ gbɔmɛi ni yɔɔ he fɛɛ he yɛ je lɛŋ ŋmɛnɛ lɛ yɛ sanebimɔi pii ni kɔɔ je lɛ mli shihilɛ aloo weku kɛ kuuŋ shihilɛ he naagbai ahe ni ebiɔ ni aha amɛ hetoo. Mɛɛ hegbɛ po ji enɛ kɛha Yehowa Odasefoi ni yaa skul bianɛ lɛ akɛ amɛaakase nii jogbaŋŋ yɛ asafoŋ kpeei ashishi bɔni afee ni amɛnu Biblia lɛ shishi jogbaŋŋ ni eye ebua amɛ koni amɛna hetooi ni Biblia kɛhaa lɛ, Biblia abɛ nɛɛ woɔ ŋaa akɛɛ “Mɛi ni sa ejurɔfeemɔ lɛ, kaakama amɛ, kɛji efeemɔ yɛ odɛŋ hewalɛ mli lɛ.”​—Abɛi 3:⁠27.