Yesu Shihilɛ Kɛ Esɔɔmɔ Nitsumɔ

Hesaamɔ Koni Akɛ Yiwaa Akpe

Yɛ be mli ni etsɔɔ ebɔfoi lɛ gbɛi anɔ ni esa akɛ amɛtsɔ amɛtsu shiɛmɔ nitsumɔ lɛ, Yesu bɔ amɛ kɔkɔ yɛ shitee-kɛ-wolɔi ahe. Ekɛɛɛ “Naa, miitsu nyɛ tamɔ gwantɛŋi yɛ klaji ateŋ . . . Nyɛhiɛ ahia nyɛhe nɔ yɛ gbɔmɛi ahewɔ: Ejaakɛ amɛaaŋɔ nyɛ kɛaatee gwabɔi amli ni amɛaayi nyɛ yɛ kpee hei lɛ; ni lumɛi kɛ maŋtsɛmɛi ahiɛ po akɛnyɛ aaatee yɛ mihewɔ.”

Shi yɛ yiwaa ni naa wa ni esɛɛnyiɛlɔi lɛ kɛbaakpe lɛ fɛɛ sɛɛ lɛ, Yesu ma shiwoo nɛɛ nɔ mi kɛha amɛ: “Shi kɛ amɛŋɔnyɛ kɛtee lɛ, nyɛkahaoɔ nyɛhe yɛ bɔ ni aloo nɔ ni nyɛaakɛɛ hewɔ; shi aaaŋɔ nɔ ni nyɛaawie ahanyɛ yɛ nakai ŋmɛlɛtswaa lɛ mli nɔŋŋ. Ejaakɛ jeee nyɛ ji mɛi ni wieɔ lɛ, shi moŋ nyɛtsɛ lɛ mumɔ lɛ wieɔ yɛ nyɛmli.”

Yesu tee nɔ akɛ, “Shi nyɛmi aaaŋɔ nyɛmi aha gbele, ni tsɛ kɛ bi aha, ni bii aaate shi awo amɛfɔlɔi ni amɛaaha agbe amɛ.” Ní ekafata he akɛɛ “Ni mɛi fɛɛ aaanyɛnyɛ yɛ migbɛi lɛ hewɔ; mɔ ni hiɛɔ mli kɛ yawulaa shi lɛ, lɛ aaahere eyiwala.” Shiɛmɔ nitsumɔ lɛ he miihia fe fɛɛ, no hewɔ lɛ, Yesu ma bɔ ni nilee he hiaa yɛ enɛ mli lɛ nɔ mi bɔni afee ni amɛnyɛ amɛtsa nitsumɔ lɛ nɔ yɛ heyeli mli. Ekɛɛ: “Shi kɛ̃ amɛmiiwanyɛ yi yɛ maŋ nɛɛ mli lɛ, nyɛjoa foi nyɛyaa ekroko mli; shi lɛlɛŋ miikɛɛnyɛ akɛɛ “Nyɛgbeŋ Israel maji lɛ fɛɛ naa dani gbɔmɔ bi lɛ aaaba.”

Eji anɔkwale akɛ Yesu kɛ nɛkɛ famɔ, kɔkɔbɔɔ kɛ hewalɛwoo nɛɛ ha ebɔfoi 12 lɛ, shi edamɔ shi hu kɛha mɛi ni baana jeŋ muu fɛɛ shiɛmɔ nitsumɔ Iɛ mli gbɛfaŋnɔ yɛ egbele kɛ eshitee lɛ sɛɛ lɛ. Nɔ ni tsɔɔ enɛ ji anɔkwale ni ha ekɛɛ akɛ ‘Mɛi fɛɛ aaanyɛnyɛ,’ ni ji ekaselɔi lɛ, shi jeee Israelbii lɛ pɛ ni atsu bɔfoi lɛ kɛtee amɛŋɔɔ ni amɛyashiɛ amɛha amɛ lɛ. Agbɛnɛ hu, eka shi faŋŋ akɛ agbalaaa bɔfoi lɛ kɛyaaa amralofoi loo lumɛi kɛ maŋtsɛmɛi ahiɛ beni etsu amɛ kɛtee amɛshiɛmɔ nitsumɔ he tafaa kroko lɛ mli lɛ. Agbɛnɛ, heyelilɔi lɛ awekumɛi ejieee amɛ haaa koni agbe amɛ.

No hewɔ lɛ beni ekɛɛ akɛ ekaselɔi lɛ “egbeŋ lsrael maji lɛ fɛɛ naa dani gbɔmɔbi lɛ aaaba” lɛ, Yesu miikɛɛ wɔ yɛ gbalɛ naa akɛ ekaselɔi lɛ egbeŋ shikpɔŋ muu Iɛ fɛɛ nɔ shiɛmɔ ni kɔɔ Nyɔŋmɔ Maŋtsɛyeli ni ato ama shi lɛ he lɛ naa dani Maŋtsɛ Yesu Kristo ni awo ehiɛ nyam lɛ aaaba akɛ Yehowa blafo yɛ Harmagedon.

Yɛ be mli ni etsaa eshiɛmɔ lɛ he sɔɔmɔ lɛ nɔ lɛ, Yesu kɛɛ: “Kaselɔ efeee etsɔɔlɔ, ni asaŋ sɔɔlɔ efeee enuŋtsɔ.” No hewɔ lɛ, esa akɛ Yesu sɛɛnyiɛlɔi lɛ akpa gbɛ akɛ abaafee amɛ niseniianii ni awa amɛyi taakɛ eba enɔ beni eshiɛɔ Nyɔŋmɔ Maŋtsɛyeli lɛ. Ni kɛlɛ, ewo amɛ ŋaa akɛ: “Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ agbeyei shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpataa yɛ Gehena mli lɛ gbeyei.”

Yesu to okadi yɛ nɛkɛ sane nɛɛ mli. Eŋmɛ etsui shi yɛ gbele mli ni esheee gbeyei fe ni eeeŋmɛɛ anɔkwale ni eyeɔ Mɔ ni yɔɔ hewalɛ fe fɛɛ, ni ji Yehowa Nyɔŋmɔ lɛ he ekɛsaa. Hɛɛ, Yehowa ji mɔ ni jeee akɛ lɛ pɛ enyɛɔ epataa mo ko “susuma”(ni tsɔɔ yɛ enɛ mli akɛ wɔsɛɛ be wala kɛ susuma ni hiɛ ka) lɛ hiɛ kɛkɛ, shi moŋ, lɛ ji mɔ ni baanyɛ atee gbɔmɔ lɛ shi koni ebana naanɔ wala mli ŋɔɔmɔ ekoŋŋ. Mɛɛ ŋwɛi Tsɛ ni yɔɔ suɔmɔ kɛ mɔbɔnalɔ fɛɛ Yehowa ji nɛkɛ!

Yɛ no sɛɛ lɛ, Yesu wo ekaselɔi lɛ hewalɛ kɛ nɔkwɛmɔ nɔ ko ni maa Yehowa suɔmɔ kwɛmɔ kɛha amɛ lɛ nɔ mi. Ebi akɛ: “Ani afilimatai enyɔ lɛ jeee hiɛobii nyɔŋma ahɔɔ aheɔ? Shi amɛteŋ ekomefolo enyɔŋ shikpɔŋ, ni nyɛ-Tsɛ lɛ leee. Nyɛyiteŋ tsɔi po lɛ akane fɛɛ. No hewɔ lɛ, nyɛkashea gbeyei; nyɛjara waa aahu fe aflimatai babaoo.”

Maŋtsɛyeli lɛ he sane lɛ ni Yesu kɛ ehe nitsumɔ fɔ ekaselɔi lɛ anɔ akɛ amajaje lɛ baagbala shiai amli, yɛ be mli ni weku lɛ mli bii komɛi kpɛlɛɔ nɔ ni mɛi krokomɛi kpoɔ lɛ. Etsɔɔ mli akɛ:”Nyɛkasusua akɛ miba ni mibaha hejɔlɛ aba shikpɔŋ lɛ nɔ; jeee hejɔlɛ hamɔ miba, shi klante moŋ.” No hewɔ Iɛ ákɛ weku mli nyo ko aaamɔ Biblia mli anɔkwale lɛ mli lɛ biɔ ekaa. Yesu kɛɛ: “Mɔ ni dɔɔ tsɛ loo nyɛ he fe mi lɛ, esaaa mi; ni mɔ ni dɔɔ binuu loo biyoo he fe mi lɛ, esaa mi.”

Yɛ be mli ni egbeɔ efamɔ lɛ naa lɛ, Yesu tsɔɔ mli akɛ mɛi ni heɔ ekaselɔi lɛ heɔ Iɛ hu. “Ni mɔ fɛɛ mɔ ni aaaha mɛi bibii nɛɛ ateŋ mɔ kome nu-hɔ kpulu kome pɛ enu yɛ kaselɔ gbɛi anɔ lɛ, lɛlɛŋ, miikɛɛnyɛ akɛ enyɔmɔwoo eŋmɛŋ lɛ gbi ko gbi ko.” Mateo 10:​16-42.

◆ Mɛɛ kɔkɔbɔɔ Yesu kɛha ekaselɔi lɛ?

◆ Mɛɛ hewalɛwoo kɛ miishɛjemɔ ekɛha amɛ?

◆ Mɛni hewɔ Yesu famɔ lɛ kɔɔ ŋmɛnɛŋmɛnɛ beaŋ Kristofoi lɛ hu he?

◆ Yesu kaselɔ efeee etsɔɔlɔ lɛ yɛ mɛɛ gbɛ nɔ?