Yesu Shihilɛ Kɛ Esɔɔmɔ Nitsumɔ

Ŋwanejee Te Shi

BENI shɛ gbɛkɛ lɛ, Yesu tsɔɔ nikasemɔ kpakpa ko yɛ heshibaa sɔɔmɔ mli kɛtsɔ ebɔfoi lɛ anaji ahe ni efɔ Iɛ nɔ. Yɛ no sɛɛ Iɛ, eje egbele ni baa Iɛ Kaimɔ Iɛ shishi. Shi agbɛnɛ, yɛ nɔ ni tee nɔ bianɛ Iɛ hewɔ lɛ, nɔ ko ni yɔɔ naakpɛɛ ba. Ebɔfoi Iɛ kɛ amɛhe wo ŋwanejee ni naa wa ni kɔɔ mɔ ni ji agbo yɛ amɛ fɛɛ amɛteŋ he Iɛ mli! Eka shi faŋŋ akɛ enɛ ji naataomɔ ko ni miiya nɔ yɛ amɛteŋ Iɛ fa.

Kaimɔ akɛ yɛ be mli ni Yesu tsake yɛ amɛhiɛ yɛ gɔŋ Iɛ nɔ lɛ, bɔfoi Iɛ je ŋwane yɛ amɛteŋ mɔ ni da fe fɛɛ he. Agbɛnɛ, Yakobo kɛ Yohane bi ni amɛna gbɛhei ni kwɔlɔ yɛ Maŋtsɛyeli Iɛ mli, ni enɛ kɛ naataomɔ ba bɔfoi Iɛ ateŋ ekoŋŋ. Agbɛnɛ yɛ naagbee gbɛkɛ ni ekɛ amɛ yɔɔ lɛ, kwɛ awerɛho ni Yesu baaye akɛ eena ni amɛmiibe ekoŋŋ! Mɛni ebaafee?

Ni eeeka bɔfoi Iɛ ahiɛ yɛ amɛsu Iɛ hewɔ Iɛ, Yesu kɛ amɛ susu saji ahe yɛ tsuishitoo mli akɛ: “Jeŋmaji Iɛ anɔ maŋtsɛmɛi Iɛ yeɔ amɛnɔ odehei asane, ni mɛi ni yeɔ amɛnɔ hewalɛ lɛ, atsɛɔ amɛ Ejurɔfeelɔi. Shi nyɛ Iɛ ebɛ nyɛ nakai. . . . Ejaakɛ te mɔ ni fe mɔ hu: Mɔ ni taa okpɔlɔ he lɛ, aloo mɔ ni sɔmɔɔ Iɛ? Ani jeee mɔ ni taa okpɔlɔ he Iɛ?” Kɛkɛ ni yɛ be mli ni ekaiɔ amɛ enɔkwɛmɔ nɔ Iɛ ekɛɛ: “Shi mi Iɛ miyɛ nyɛteŋ akɛ mɔ ni sɔmɔɔ.”

Yɛ emuu ni amɛyeee lɛ fɛɛ sɛɛ lɛ, bɔfoi Iɛ kɛ amɛhe ebɔ Yesu he yɛ ekaai Iɛ amli. No hewɔ Iɛ ekɛɛ amɛ akɛ: “Miito maŋtsɛyeli mahanyɛ taakɛ bɔ ni mi-Tsɛ eto eha mi Iɛ.” Enɛ ji teemɔŋ kpaŋmɔ ko ni ka Yesu kɛ esɛɛnyiɛlɔi anɔkwafoi lɛ ateŋ, ni enɛ haa amɛbafataa ehe koni amɛna nɔyeli yɛ emaŋtsɛyeli lɛ mli. Yɛ naagbee lɛ, kuu fioo ko ni aje he husu ni ji 144,000 aŋɔɔ amɛ awoɔ nɛkɛ kpaŋmɔ kɛha Maŋtsɛyeli nɛɛ mli.

Eyɛ mli akɛ akɛ nɛkɛ naakpɛɛ hegbɛ nɛɛ ha bɔfoi lɛ koni amɛbana gbɛfaŋnɔ yɛ Kristo Maŋtsɛyeli nɔyeli lɛ mli moŋ, shi no mli Iɛ amɛgbɔjɔ yɛ mumɔŋ. Yesu kɛɛ: ‘Nyɛ fɛɛ nyɛnane aaatɔtɔ yɛ mihewɔ ŋmɛnɛ gbɛkɛ nɛɛ.’ Yɛ be mli ni ekɛɔ Petro akɛ esɔle eha Iɛ lɛ, Yesu wo Iɛ hewalɛ akɛ: “Beni oookpale lɛ, wo onyɛmimɛi lɛ ahewalɛ.”

Yesu tsɔɔ mli akɛ: “Bii bibii, be fioo kɛkɛ eshwɛ ni mikɛnyɛ baahi shi; nyɛaatao mi, ni bɔ ni mikɛɛ Yudafoi lɛ akɛ: He ni miyaa lɛ, nyɛ lɛ nyɛnyɛŋ jɛmɛ nyɛba lɛ, nakai mikɛɔ nyɛ hu agbɛnɛ nɛɛ. Kita hee miŋɔhaa nyɛ lɛ, akɛ nyɛsumɔ nyɛhe; taakɛ bɔ ni misumɔ nyɛ lɛ, nakai nyɛ hu nyɛsumɔa nyɛhe. Kɛji nyɛsumɔɔ nyɛhe lɛ, no mɛi fɛɛ kɛaale akɛ mikaselɔi ji nyɛ.”

Petro bi lɛ akɛ: “Nuŋtsɔ, nɛgbɛ oyaa?”

Yesu ha hetoo akɛ, “he ni miyaa lɛ, onyɛŋ misɛɛ onyiɛ amrɔ nɛɛ, shi ooonyiɛ misɛɛ wɔsɛɛ ko.”

Petro miisumɔ ni ele lolo. “Nuŋtsɔ, mɛɛ hewɔ minyɛŋ osɛɛ manyiɛ amrɔ nɛɛ? Miwala tete maŋɔ ŋmɛ shi yɛ ohewɔ.”

Yesu bi Iɛ akɛ, “oooŋɔ owala oŋmɛ shi yɛ mihewɔ? Lɛlɛŋ, Iɛlɛŋ, miikɛɛo akɛ: Wuɔ naŋ agbɛɛ ni oookpa yɛ misɛɛ shii etɛ.”

Petro te shi wo enɛ ekoŋŋ akɛ: “Kɛji gbo mikɛo aaagbo tete lɛ, mikpaŋ yɛ osɛɛ!” Ni yɛ be mli ni bɔfoi krokomɛi Iɛ fata ehe kɛkɛɛ nakai nɔŋŋ lɛ, Petro shwã akɛ: “Kɛji mɛi krokomɛi Iɛ anane aaatɔtɔ yɛ ohewɔ lɛ, mi lɛ, minane etɔtɔŋ!”

Yɛ be mli ni ewieɔ beni etsu amɛ koni amɛshiɛ yɛ Galilea ni amɛhiɛɛɛ fotro kɛ niyenii Iɛ he lɛ, Yesu bi amɛ akɛ: “Ani nɔ ko hianyɛ?”

Amɛha hetoo akɛ: “Dabi!”

Kɛkɛ ni ekɛɛ amɛ akɛ: “Shi agbɛnɛ lɛ mɔ ni yɔɔ fotro lɛ, ha ni ekɔ, nakai nɔŋŋ mɔ ni yɔɔ kotoku hu; ni mɔ ni bɛ klante lɛ, ha ni ehɔɔ etade ni ekɛhe eko. Ejaakɛ miikɛɛnyɛ akɛ, nɔ ni aŋma nɛɛ hu, ja eba mli yɛ mihewɔ akɛ: ‘Ni abu lɛ ashi mlatɔlɔi anɔ,’ ejaakɛ mihe saji Iɛ ja eba mli.”

Yesu miitsɔɔ be mli ni abaasɛŋ Iɛ kɛ efɔŋfeelɔi loo mlakwalɔi lɛ. Eetsɔɔ hu akɛ yɛ no sɛɛ Iɛ esɛɛnyiɛlɔi Iɛ kɛ yiwaa ni mli wa baakpe. Kɛkɛ ni amɛkɛɛ lɛ akɛ: “Nuŋtsɔ, naa, klantei enyɔ nɛ.”

Kɛkɛ ni eha hetoo akɛ: “Efa.” Taakɛ wɔbaana lɛ, klantei Iɛ ni amɛyɔɔ lɛ baaha Yesu ana hegbɛ koni etsɔɔ amɛ nɔ kroko ni he hiaa ni sa kasemɔ. Mateo 26:​31-35; Marko 14:​27-31; Luka 22:​24-38; Yohane 13:​31-38; Kpojiemɔ 14:​1-3.

◆ Mɛni hewɔ bɔfoi lɛ anaataomɔ loo ŋwanejee lɛ yɔɔ naakpɛɛ waa nakai Iɛ?

◆ Te Yesu tsu nɛkɛ naataomɔ loo bei nɛɛ he nii eha tɛŋŋ?

◆ Kpaŋmɔ ni Yesu kɛ ekaselɔi Iɛ fee Iɛ tsuɔ mɛni he nii?

◆ Mɛɛ kita hee Yesu kɛha, ni te enɛ he hiaa ha tɛŋŋ?

◆ Mɛɛ shwãa loo hepupuumɔ Petro jie lɛ kpo, ni mɛni Yesu kɛɛ?

◆ Mɛni hewɔ Yesu famɔ akɛ amɛhiɛ fotro kɛ niyenii lɛ yɔɔ sɔrɔto yɛ tsutsu nɔ ni ekɛha lɛ he Iɛ?