Ani Oshwɛɔ Ni Ona Be Ni . . .

□ ooonu he akɛ obɛ oshara mli ni oyɛ shweshweeshwe yɛ oshia​—ni bɔ ni atswa kɔɔɔ he eko?

□ ehe ebahiaŋ ni ana kladowai, dade adabaŋi, shiai amli ŋmɛlɛi, fɔji ni afiliɔ mli, afabaŋi, bulɔi, gbeei, kɛ nibii krokomɛi ni akɛbuɔ he lɛ fɛɛ eko lɛ?

□ okometoo obaanyɛ onyiɛ gbɛjegbɛi anɔ shweshweeshwe yɛ jenamɔ mli po lɛ?

□ tsofai ni yeɔ mɛi awui kɛ naagbai ni jɛɔ mli baa lɛ baafee nibii ni amɛkaimɔ wa lɛ?

□ tai fɛɛ asɛɛ baafo, ni afeŋ tawuu nibii ni abuaŋ naa hu dɔŋŋ lɛ?

ehe ebahiaŋ ni ohao ohe yɛ niyenii, kɔɔyɔɔ kɛ nu ni akɛ ebɔɔ ewo amɛmli muji hewɔ lɛ?

□ abaajie hegbeyeiwoo, gbɔmɛi ni amɔmɔɔ amɛ atoɔ, kɛ okpɛlɛmii ahe gbeyei ni asheɔ lɛ fɛɛ kɛya kwraa lɛ?

□ abaabu shikpɔŋ lɛ mli adebɔɔ nibii ahe, ni abaa yi, ni akɛtsu nii jogbaŋŋ ni ehe aba sɛɛnamɔ kɛha mɛi fɛɛ lɛ?

□ adufude kɛ hiɛjoomɔ efeŋ hewalɛi ni kanyaa mɛi yɛ adesai ateŋ dɔŋŋ lɛ?

gbekɛbii baaya nɔ atsɔɔ akɛ amɛleee nɔ ko ni amɛbuɔ mɛi krokomɛi kɛ nibii ni amɛyɔɔ lɛ hu lɛ?

□ anyɛɛɛ yei anɔ ni awaaa amɛ yi hu dɔŋŋ lɛ?

□ abaawo mlai kɛ akpɔi ni hi ha mɛi fɛɛ ni abaatsu amɛhe nii yɛ jalɛ naa bɔni afee ni amɛhe aba sɛɛnamɔ aha mɛi fɛɛ lɛ?

□ nɔyelii lɛ baafee yiŋkpɛi ni damɔ hiamɔ nii diɛŋtsɛ anɔ ni jeee maŋkwramɔŋ susumɔi anɔ lɛ?

□ heyeli kɛ egbɔyeli efeŋ nibii ni aashiɛ kɛkɛ shi moŋ aafee hu lɛ?

□ ohia ehiŋ shi dɔŋŋ, shi moŋ mɔ fɛɛ mɔ baana nibii ni he hiaa lɛ kɛha ehewalɛnamɔ, ehilɛ, kɛ emiishɛɛnamɔ lɛ?

□ gbekɛbii baafee mɛi ni ataoɔ ni akwɛɔ amɛ hu, ni awaaa amɛ yi ni aaashi amɛ hu lɛ?

□ abaaye hela kɛ gbele nɔ kunim kwraa, ni tsɛŋemɔ helai ni he yɔɔ gbeyei ko ehiŋ shi dɔŋŋ lɛ?

□ mɔ fɛɛ mɔ ni okɛaakpe lɛ baafee mɔ ni mli hi, ni eyeɔ ebuaa mɔ, ni anyɛɔ akɛ he fɔɔ enɔ hu lɛ?

□ abuɔ mɔ fɛɛ mɔ wala akɛ ejara wa lɛlɛŋ, ni mɔ fɛɛ mɔ baanyɛ ana naanɔ miishɛɛ lɛ?

□ jamɔ efeŋ hewalɛ ko ni gbalaa mɛi ateŋ, ni ekɛ jamɔ mli shɛiifeemɔi, hetsɛ kɛ tai baaa dɔŋŋ lɛ?

□ mɔ fɛɛ mɔ baana he ko ni sa ni yɔɔ miishɛɛ hu ni ebaahi, ni shiai ni anaaa awɔ mli lɛ baafee nibii ni eho etee lɛ?

□ Kɛji obaanyɛ oha nibii ni atsɔɔ yɛ yiteŋgbɛ nɛɛ eko hetoo akɛ hɛɛ lɛ, no lɛ ebaaŋɔɔ onaa waa akɛ oookane saji ni nyiɛ sɛɛ nɛɛ.