Maŋtsɛyeli Jajelɔi Bɔ Amaniɛ
Sanekpakpa lɛ Shiɛmɔ yɛ “Shikpɔŋ lɛ Naagbee Hei Lɛ”
“Nl AAASHIƐ maŋtsɛyeli Iɛ he sanekpakpa nɛɛ atsɔɔ je nɛŋ fɛɛ, ni akɛye jeŋmaji lɛ fɛɛ odase; ni no dani naagbee lɛ aaaba.” Nakai ji bɔ ni Yesu kɛɛ ekaselɔi Iɛ beni eshwɛ fioo ni ebaagbo lɛ. Beni atee lɛ shi kɛjɛ gbohii ateŋ lɛ sɛɛ nɔŋŋ lɛ, etee nɔ ekɛɛ akɛ: “Nyɛaatsɔmɔ midasefoi yɛ Yerusalem kɛ Yudea kɛ Samaria fɛɛ, kɛyashi shikpɔŋ lɛ naagbee hei Iɛ.” (Mateo 24:14; Bɔfoi lɛ Asaji 1:8) Ŋmɛnɛ, nɛkɛ gbalɛi nɛɛ miiba mli yɛ shikpɔji ni fa fe 200 mli, ni Amerika Wuoyigbɛ maŋ ni ji Peru lɛ hu fata he.
Odasefoi fe 32,000 miishiɛ sanekpakpa lɛ yɛ nakai maŋ fɛfɛo lɛ mli, ni eka shi faŋŋ akɛ shikpɔŋ lɛ naagbee hei lɛ ekomɛi fata amɛshikpɔŋkuku lɛ he: Andes gɔji ni nɔ kwɔlɔ, ni amɛnɔkwɔlɛ yashɛɔ aaafee ninetalɔi 14,000 kɛmiishɛ 15,000 lɛ, kɛ agbɛnɛ Amazon koo hayii ni mli dɔɔ, ni faa hiɛ lɛji pɛ anɔ atsɔɔ akɛshɛɔ gbɔmɛi lɛ aŋɔɔ lɛ hu. Peru nitsumɔ he nine lɛ bɔ amaniɛ akɛ:
◻ “Wɔyɛ gbɛgbalɔi krɛdɛɛi kpaanyɔ yɛ koo hayii lɛ afa ko, ni aha amɛ faa hiɛ lɛji bibii ni atsɛɔ Iɛ Ianchas lɛ enyɔ. Nɛkɛ lɛji bibii nɛɛ nyɛɔ amɛnyiɛɔ nu ni mli kwɔlɛ shɛɔ ninetalɔ kome pɛ hiɛ, no hewɔ lɛ anyɛ alɛɛ shiɛmɔ nitsumɔ lɛ mli kɛtee hei pii kɛtsɔ faai bibii lɛ anɔ. Kɛbashi bianɛ lɛ, nyɛmimɛi ni kɛ lɛji nɛɛ tsuɔ nii lɛ kɛ woji tɛtrɛbii, woji wuji, kɛ Biblia fe akpei ohai abɔ eha yɛ Perubii Amazon Jɔɔ lɛ niiaŋ fɛɛ. Nɔ ni ejɛ mli eba pɔtɛɛ ji akɛ, ato asafoi heei ejwɛ shishi, kɛ kui bibii enumɔ ni etse amɛhe banee ni buɔ amɛnitsumɔ he akɔntaa ni amɛfeɔ kpeei hu. Wɔhiɛ ka nɔ akɛ etsɛŋ ni nɛkɛ kui nɛɛ baatsɔmɔ asafoi.”
◻ Koo hayii lɛ mli maji Iɛ ekome he shi yɛ he ni Trans-Andean mutsaa nitsumɔ he Iɛ jɛɔ amɛshiɔ mu kɛtsɔɔ paip mli, ni mu Iɛ nyiɛɔ mli kɛjɛɔ kooi Iɛ mli kɛkwɔɔ Andes gɔji Iɛ kɛyaa Anaigbɛ Ŋshɔ lɛ naa Iɛ masɛi. Akɛni nitsulɔi ni kwɛɔ paip ni mu lɛ tsɔɔ mli lɛ yɛ maŋ nɛɛ mli hewɔ lɛ, maŋ Iɛ yɛ daanumɔ hei 20 ni abale maŋ lɛ akɛ he ko ni atɔɔ daa waa yɛ ni anaa miishɛɛ yɛ hu. Shi, beni gbɛgbalɔi krɛdɛɛi lɛ ye odase ni emɔ shi sɛɛ lɛ, mɛi pii here Maŋtsɛyeli shɛɛ sane Iɛ nɔ, ni amrɔ nɛɛ eshwɛ daanumɔ hei lɛ ejwɛ pɛ yɛ maŋ Iɛ mli! Beni kpokpaa nɔkwɛlɔ lɛ basara jɛmɛ nyɛsɛɛ nɛɛ, mɛi 189 babo maŋshiɛmɔ lɛ toi. Amrɔ nɛɛ kuu ko ni shiɛlɔi 7 yɔɔ mli yɛ maŋ lɛ mli, ni mɛi fe 45 baa amɛkpeei fɛɛ ashishi. Etsɛŋ, ni Yehowa jɔɔmɔ baaha etsɔ asafo.
◻ Nuu ko ni eye afii 29, ni jɛ asafoi 221 ni yɔɔ Peru maŋtiase ni ji Lima lɛ ekome mli lɛ gba bɔ ni fee ni ena anɔkwale lɛ. Beni ekpa skul yɛ be mli ni eye afii 13 lɛ, eyafata gbekɛbii ni feɔ basabasa lɛ ahe ni ebɔi nɔmɔ, kɛ tsofai fɔji kɛ nitsumɔ, ni ekɛ ehe wo jeŋba shara hu mli. Beni ekɛ afii enyɔ eyasɔmɔ yɛ asraafoi anitsumɔ mli sɛɛ yɛ bɔ ni mla biɔ lɛ naa lɛ, ebɔi jwɛŋmɔŋ naagbai namɔ. Kɛkɛ ni yɛ 1983 lɛ, nyɛmiyoo heshibalɔ ko tee eŋɔɔ yɛ eshia-kɛ-shia sɔɔmɔ nitsumɔ lɛ mli. Ni enɛ ji klɛŋklɛŋ kwraa ni ekɛnu jeŋ hee ni suɔmɔ kɛ toiŋjɔlɛ baahi mli Iɛ he. Amɛje Biblia mli nikasemɔ shishi, ni kɛtsɔ yelikɛbuamɔ ni asafo lɛ jɛ suɔmɔ mli amɛkɛha lɛ kɛ Yehowa hewalɛ hu nɔ lɛ, enyɛ eye jeŋbai gbohii lɛ fɛɛ anɔ kunim. Abaptisi Iɛ yɛ 1986 ni amrɔ nɛɛ eesɔmɔ akɛ asafoŋ sɔɔlɔ yɛ asafo lɛ mli.
Lɛlɛŋ, wiemɔ ni Yesu wie akɛ abaashiɛ Maŋtsɛyeli lɛ kɛyashi “shikpɔŋ Iɛ naagbee hei lɛ” miiba mli yɛ Peru, ni naakpɛɛ nibii miijɛ mli miiba, ni ehe miiba sɛɛnamɔ kɛmiiha mɛi babaoo ni yɔɔ nakai maŋ lɛ mli ni anɔkwale lɛ he hɔmɔ kɛ kumai yeɔ amɛ lɛ.