Nyɔmɔ Enyiɛ Obaasumɔ ni Owo yɛ Enɛ He?

Ani ole nɔ ko ni jara wa waa aahu akɛ obaasumɔ ni okɛ onii fɛɛ ni oyɔɔ asha afɔle yɛ he bɔni afee ni onine ashɛ nɔ? Yesu fee nakai, ni ekɛ esɛɛnyiɛlɔ lɛ wie he hu.

Ekɛɛ: “Ŋwɛi maŋtsɛyeli lɛ tamɔ guɔyelɔ ko ni taoɔ adiagbai fɛfɛji, ni beni eyana adiagba kome ni jara wa lɛ, etee ni eyahɔɔ nii fɛɛ ni eyɔɔ lɛ, ni ekɛhe.”​—Mateo 13 :​45, 46.

Nakai guɔyelɔ lɛ miisumɔ ni eŋmɛɛ nibii fɛɛ ni eyɔɔ lɛ he bɔni afee ni enine ashɛ nakai “adiagba,” ni ji Nyɔŋmɔ Maŋtsɛyeli lɛ nɔ. Mɛni hewɔ? Ejaakɛ nɔ ko kwraa bɛ je nɛŋ ni abaanyɛ akɛto he. Nyɔŋmɔ Maŋtsɛyeli lɛ baana tsabaa eha naagbai fɛɛ ni adesai nyɛɛɛ he nii atsu lɛ, tamɔ ta, hɔmɔ, awuiyeli, kɛ nɔnyɛɛ nɛkɛ. (Lala 72 : 4-8, 13, 14 ) Esha, hela, kɛ gbele tete po ehiŋ shi dɔŋŋ, yɛ Maŋtsɛyeli lɛ shishi. (Kpojiemɔ 21:​4, 5 ) Ebɛ naakpɛɛ akɛ faikpamɔ ni ji enyɔ yɛ Nuŋtsɔ lɛ Sɔlemɔ ( “Wɔ-Tsɛ ni Yɔɔ Ŋwɛi”) lɛ mli ji, “Ha omaŋtsɛyeli lɛ aba”!​—Mateo 6:​9, 10, New World Translation

Mɛni okɛbaaha koni ona Maŋtsɛyeli jɔɔmɔi lɛ amli gbɛfaŋnɔ? Yɛ anɔkwale mli lɛ, aheee nɔ ko yɛ jɔɔmɔi nɛɛ ahe. Shi esa akɛ ole nɔ ni Maŋtsɛyeli lɛ ji, ni ohe oye akɛ eyɛ shihilɛ mli lɛlɛŋ, ni oha eye klɛŋklɛŋ gbɛhe yɛ oshihilɛ mli, koni onyɛ ona mli gbɛfaŋnɔ. Ani obaanyɛ ofee nakai? Saji yɛ Biblia lɛ mli ni baanyɛ aye abua bo. Mɛni hewɔ oŋmɛɛɛ Yehowa Odasefoi agbɛ koni amɛye amɛbua bo ni okase Nyɔŋmɔ Maŋtsɛyeli lɛ he nii, ni onyɛ ole bɔ ni ehe baanyɛ aba sɛɛnamɔ aha bo bianɛ po.