Yitso 9
Afii Akpe Lɛ Sɛɛ Kaa Kɛha Adesai Fɛɛ
1. Mɛni ji naagbee taomɔnii kɛha adesai ni ásaa amɛ ekoŋŋ lɛ yɛ afii akpe Kojomɔ Gbi lɛ naagbee, no hewɔ lɛ mɛni ji nɔ ni kojolɔ Sɛɛkwɛlɔ Yesu Kristo baafee amɛ?
1 YƐ AFII akpe Kojomɔ Gbi lɛ naagbee lɛ, adesa weku lɛ ni akojo amɛ yɛ jalɛ naa lɛ damɔɔ shi yɛ Kojolɔ kɛ Kpɔlɔ, Yesu Kristo hiɛ. Shi anako abu amɛ mɛi ni sa naanɔ wala yɛ Paradeiso shikpɔŋ lɛ nɔ. Esa akɛ amɛkɛ jeŋ muu fɛɛ Kojomɔhe Wulu lɛ akpe, ni ji Yehowa Jeŋ Muu Fɛɛ Nuntsɔ kɛ Ŋwɛi Flooflo Nyɔŋmɔ lɛ nɔ lɛ. Yɛ nɔ ni kɛ naagbee taomɔnii nɛɛ kpaa gbee lɛ, esa ni Kojolɔ Sɛɛkwɛlɔ Yesu Kristo kɛ adesa weku lɛ ni agbɛnɛ amɛbaanyɛ amɛye jalɛsane yɛ emuuyeli mli lɛ aha e-Nyɔŋmɔ kɛ e-Tsɛ lɛ koni eto eyiŋ yɛ mɛi fɛɛ ni baajie amɛhe kpo lɛ kaa mli akɛ mɛi ni sa aloo mɛi ni esaaa nikeenii ni jara wa fe fɛɛ ni ji naanɔ wala yɛ toiŋjɔlɛ kɛ miishɛɛ emli lɛ aahe. Eyɛ mli akɛ amɛye emuu moŋ, shi amɛbaanyɛ amɛgboi
2. No mli lɛ mɛni eba Adam gbele le nɔ, no hewɔ lɛ te Yehowa baato eyiŋ yɛ adesai aŋkroaŋkroi le ahe eha tɛɛŋ?
2 Gbele shihilɛ ni ekpɛtɛ adesai ahe yɛ amɛ klɛŋklɛŋ adesa tse Adam esha yɛ Eden hewɔ lɛ efee nɔ ni ajie kɛtee agbɛnɛ, akpata hiɛ, etamɔ nɔ ni ashɛ afɔ “la kpaakpo” lɛ mli kɛtee lɛ diɛŋtsɛ egbele mli. (Kpoj. 20:14, 15) Shi kɛlɛ, ani adesai ni agbɛnɛ akpɔamɛ kɛjɛ Adam gbele kɛ emuu ni ayeee mli lɛ baafee nɔ ko amɛ diɛŋtsɛ, yɛ amɛ suɔmɔ mli, koni amɛfee mɛi ni sa naanɔ gbele yɛ Yehowa kojomɔ shishi? Mɛɛ aŋkroaŋkroi baajie amɛhe kpo akɛ amɛsa “gbele ni ji enyɔ” lɛ? Enɛ ji nɔ ni esa akɛ jeŋ muu fɛɛ Kojolɔ Yehowa atsɔɔ akɛ Naagbee Kojolɔ.
3. Taakɛ 1 Korintobii 15:24-28 tsoɔ lɛ, mɛɛ nibii atsakemɔ baa agbɛnɛ?
3 Kpaako nɔ ni bɔfo Paulo gba efɔ shi yɛ 1 Korintobii 15:24-28 lɛɛ baaba mli: “No sɛɛ dani naagbee lɛ baaba, beni eeeŋɔ maŋtsɛyeli lɛ eha Nyɔŋmɔ kɛ Tsɛ lɛ, ni eeefo nɔyeli fɛɛ kɛ hegbɛ fɛɛ kɛ hewalɛ fɛɛ sɛɛ lɛ. Shi ja eye maŋtsɛ kɛyashi beyinɔ ni eeeŋɔ henyɛlɔi lɛ fɛɛ eto enajiashi. Naagbee henyɛlɔ ni abaafo esɛɛ ji gbele. Ejaakɛ eŋɔ nibii fɛɛ kwa eto enajiashi. Shi kɛ ekɛɛ akɛ aŋɔ nibii fɛɛ ato eshishi lɛ, belɛ eyɛ faŋŋ akɛ mɔ ni ŋɔ nibii fɛɛ (Yehowa Nyɔŋmɔ) to eshishi lɛ bɛ mli. Shi beni aŋɔ nii fɛɛ ato bi lɛ shishi lɛ, no lɛ lɛ diɛŋtsɛ hu eeeŋɔ ehe eto mɔ ni ŋɔ nii fɛɛ to eshishi lɛ shishi, koni Nyɔŋmɔ afee nibii fɛɛ ayitso.”
4. Mɛɛ sanebimɔi esa akɛ Jeŋ Muu Fɛɛ Maŋtsɛ Nuntsɔ Yehowa ato eyiŋ yɛ he agbɛnɛ eha adesai ni amɛye emuu lɛ, ni mɛni nɔ ebaatsɔ efee nakai?
4 Kɛji akɛ Bi lɛ kɛ maŋtsɛyeli lɛ ha e-Nyɔŋmɔ kɛ Tsɛ lɛ, agbɛnɛ maŋtsɛyeli lɛ batsɔɔ Yehowa Nyɔŋmɔ nɔ̃. Maŋtsɛyeli ko ebahɔŋ Nuntsɔ Yehowa Maŋtsɛ lɛ kɛ adesai ateŋ dɔŋŋ. Belɛ te adesai aaafee amɛnii amɛha tɛɛŋ yɛ Nyɔŋmɔ ni yeɔ amɛ nɔ Maŋtsɛ diɛŋtsɛ nɛɛ hewɔ? Ani amɛfɛɛ amɛbaajaje akɛ eshishi bii anɔkwafoi ji amɛ kɛmiiya naanɔ? Ani amɛ diɛŋtsɛ amɛbaato amɛyiŋ akɛ Lɛ ji mɔ ni amɛhala akɛ Nyɔŋmɔ kɛmiiya naanɔ? Nɛkɛ jajemɔ ni aaajaje akɛ mɔ ko etsɔ jalɔ ni akɛ naanɔ wala he hegbɛ baaha lɛ lɛ ji sane ni hiɛdɔɔ yɔɔ mli, nɔ ko ni biɔ anɔkwayeli kwraa ni tsakeee yɛ mɔ ni nine shɛɔ nikeenii ni jara wa nɛkɛ nɛɛ nɔ. Mɛɛ gbɛ nɔ Nyɔŋmɔ aaatsɔ ni etsɔɔ mɔ ni esa akɛ egbɛi ahi “wala wolo” lɛ mli? Kɛtsɔ emuuyeli kɛ anɔkwayeli tsui he kaa nɔ, taakɛ eba yɛ blematsɛ Hiob ni hi shi yɛ Uz shikpɔŋ lɛ nɔ lɛ sane lɛ mli lɛ.
5. Yɛ mɛɛ gbɛ nɔ kaa ni akɛaaba adesai ni eye emuu lɛ anɔ lɛ aaatamɔ Hiob nɔ̃ lɛ, ni yiŋtoo ji ni akɛtsɔɔ mɛni?
5 Afii akpe nɛ, ni adesai ehi Nyɔŋmɔ Bi lɛ maŋtsɛyeli lɛ shishi ni ámɛna Nyɔŋmɔ mlihilɛ kɛ eduromɔ mli gbɛfaŋnɔ ni amɛmiina amɛhe yɛ paradeiso shikpɔŋ fɛfɛo nɔ. Yɛ Hiob sane lɛ mli lɛ, sanebimɔ lɛ ji akɛ, Ani amɛsumɔɔ ni amɛjaa Nyɔŋmɔ yɛ ekpakpa fɛɛ ni efee kɛha amɛ lɛ hewɔ, aloo yɛ mɔ ni Lɛ diɛŋtsɛ lɛ eji hewɔ, ákɛ anɔkwa Nyɔŋmɔ hiɛkalɔ kome kɛ Jeŋ Muu Fɛɛ Maŋtsɛ ni sa? Yɛ Hiob sane lɛ mli lɛ, aka emuuyeli mli ni ehiɛɔ ehaa Yehowa Nyɔŋmɔ lɛ akwɛ kɛtsɔ gbɛ ni aŋmɛ Satan Abonsam koni ehao lɛ shi ekagbe lɛ lɛ nɔ. No hewɔ lɛ agbɛnɛ, kɛtsɔ gbɛ ni aŋmɛɔ Satan Abonsam koni eka adesai ni asaa amɛ lɛ kɛyashi heni Nyɔŋmɔ Ofe ŋmɛɔ gbɛ Iɛ, eeenyɛ eha akɛ adesai ni amɛye emuu lɛ akwɛ ni amɛtsɔɔ akɛ, ákɛ aŋkroaŋkroi lɛ, amɛhiɛɔ amɛ emuuyeli mli amɛhaa Nyɔŋmɔ yɛ gbɛ ni yeɔ emuu diɛŋtsɛ nɔ. Nɛkɛ kaa nɛɛ baabi ni afɛne Satan kɛ edaimonioi lɛ kɛjɛ amɛ afii akpe tsuŋwoo yɛ bu kwɔŋkwɔŋ lɛ mli lɛ mli. Enɛ ji nɔ ni baaba
6. Mɛɛ gbɛ nɔ Kpojiemɔ 20:7-10 tsɔɔ nɔ ni baaba yɛ Kristo afii akpe nɔyeli lɛ naagbee lɛ mli?
6 Kpojiemɔ 20:7-10 kɛɔ wɔ nɔ ni baa yɛ Yesu Kristo kɛ ehefatalɔi odehei 144,000 lɛ afii akpe nɔyeli lɛ sɛɛ yɛ nɛkɛ wiemɔi nɛɛ amli: “Ni beni agbe afii akpe lɛ naa lɛ, aaafɛne Satan kɛaajɛ etsu lɛŋ, ni eeeje kpo, ni eyashishiu jeŋmaji lɛ ni yɔɔ shikpɔŋ koji ejwɛ lɛ mli lɛ, Gog lɛ kɛ Magog lɛ, koni ebua amɛnaa kɛkpe ni amɛya ta; mɛi ayibɔ ni tamɔ ŋshɔ naa shia lɛ. Ni amɛyiŋ kɛtee shikpɔŋ tɛtrɛɛ lɛ nɔ, ni amɛyabɔle mɛi krɔŋkrɔŋi lɛ aŋsra lɛ kɛ maŋ ni asumɔɔ lɛ kɛ-kpe. Ni la jɛ Nyɔŋmɔ ŋɔɔ kɛjɛ ŋwɛi, ni ebasha amɛ butuu. Ni Abonsam lɛ ni shishiuɔ amɛ lɛ, aŋɔ lɛ awo la kɛ swɔɔ kpaako lɛ mli, heni kooloo lɛ kɛ amale gbalɔ lɛ hu yɔɔ lɛ, ni aaapii amɛ nyɔɔŋ kɛ shwane kɛaatee naanɔi anaanɔ.”
7. Kɛ afɛne amɛ Iɛ, mɛni hewɔ ni Satan kɛ edaimonioi lɛ baaná hekɛnɔfɔɔ yɛ adesai ni aha amɛye emuu lɛ ahe, ni mɛɛ sane oti naataamɔ baate shi yɛ he ekoŋŋ lɛ?
7 Satan kɛ edaimonioi lɛ afɛnemɔ kɛmiijɛ bu kwɔŋkwɔŋ lɛ mli lɛ tsɔɔ akɛ abaaŋmɛ amɛ gbɛ ni amɛba shikpɔŋ lɛ nɔ ekoŋŋ heni amɛbaanyɛ amɛyɛ adesai ni baaba amɛhe shi amɛha amɛ lɛ anɔ ni anaaa amɛ. Yɛ jwɛŋmɔŋ, jeŋbaŋ, mumɔŋ kɛ gbɔmɔtsoŋ emuuyeli ni adesai ena lɛ fɛɛ sɛɛ lɛ, Satan Abonsam baaná hekɛnɔfɔɔ yɛ lɛ diɛŋtsɛ emli. Eji anɔkwale akɛ enyɛɛɛ eye omanye yɛ blematsɛ Hiob sane lɛ mli, shi enyɛ eye omanye nɔ ni fe afii ohai nyɔŋmai enyɔ kɛ ejwɛ ni tsɔ hiɛ lɛ mli, yɛ Adam kɛ Hawa sane lɛ mli yɛ emuu ni amɛyeɔ akɛ adesai yɛ Eden lɛ fɛɛ sɛɛ. Shi kɛlɛ, yɛ saji enyɔ nɛɛ fɛɛ mli lɛ, naataamɔ loo,nɔ ni ajeɔ he ŋwane lɛ ji hegbɛ ni Yehowa Nyɔŋmɔ yɔɔ akɛ eyeɔ nɔ akɛ maŋtsɛ, ni ebiɔ ni adesai ni ji bɔɔnii fɛɛ aba amɛhe shi kwraa amɛha Nyɔŋmɔ mlai kɛ nibii ni egu.
8. (a) Yɛ mɛɛ gbɛ nɔ atsɔɔ yɛ biɛ akɛ sane ni akɛ fɔɔ adesai fɛɛ ahiɛ Iɛ ji nɔ ni kɔɔ jeŋ muu fɛɛ maŋtsɛyeli he? (b) Namɛi ji “mɛi krɔŋkrɔŋi” lɛ ni mɛni ji “maŋ ni asumɔɔ” lɛ?
8 Ákɛ anyɛɔ adesai fɛɛ nɔ awoɔ nakai sane lɛ nɔŋŋ shishi yɛ afii akpe lɛ naagbee lɛ, wɔnaa enɛ kɛtsɔɔ anɔkwale ni eji akɛ mɛi ni agbɛnɛ Satan kɛ edaimonioi Iɛ shishiuɔ amɛ lɛ tutuaa shikpɔŋ muu lɛ fɛɛ ni amɛyagbaa amɛbɔleɔ “mɛi krɔŋkrɔŋi lɛ aŋsra lɛ kɛ maŋ ni asumɔɔ lɛ” he kɛkpeɔ. Hɛɛ, “mɛi krɔŋkrɔŋi” baahi shikpɔŋ lɛ nɔ yɛ nakai be lɛ mli. Satan kɛ eshikpɔŋ nɔ tabilɔi loo asafoi lɛ bɔleɔ amɛ ejaakɛ amɛkpɛlɛɛɛ nɔ akɛ amɛaaha Satan kɛ edaimonioi lɛ alaka amɛ. Nɛkɛ “mɛi krɔŋkrɔŋi” nɛɛ ji adesai ni asaa amɛ ekoŋŋ ni hiɛɔ amɛ emuuyeli mli amɛhaa Nyɔŋmɔ yɛ nɛkɛ naagbee kaa nɛɛ mli. Amɛtamɔ mɛi ni yɔɔ ŋsraŋ ni henyɛlɔi asafoi miitutua amɛ. Átsɔɔ akɛ esoro “mɛi krɔŋkrɔŋi” lɛ yɛ “maŋ ni asumɔɔ” lɛ he. Amɛbɛ mli shi moŋ amɛyɛ ‘ŋsra’ lɛ mli. Eka shi faŋŋ akɛ belɛ nɛkɛ “maŋ” nɛɛ jeee maŋ ko ni atswa ama shikpɔŋ nɔ akɛ jeŋ muu fɛɛ maŋtiase. Enɛ baafee maŋ ni Yesu Kristo ni awo ehiɛ nyam lɛ wie he etsɔɔ esɛɛnyiɛlɔi lɛ, yɛ Kpojiemɔ 3:12, ni etsɛɔ no akɛ “mi-Nyɔŋmɔ lɛ maŋ ni ji Yerusalem hee ni jɛɔ ŋwɛi kpelekeɔ shi kɛjɛɔ mi-Nyɔŋmɔ lɛ ŋɔɔ” lɛ.
9. Namɛi ‘sumɔɔ’ maŋ lɛ, ni yɛ mɛɛ gbɛ nɔ ekpelekeɔ shi kɛjɛɔ ŋwɛi yɛ Nyɔŋmɔ ŋɔɔ?
9 Nɛkɛ “maŋ” nɛɛ ji nɔ ni Nyɔŋmɔ kɛ agbɛnɛ “mɛi krɔŋkrɔŋi” lɛ ‘sumɔɔ.’ Aŋma nɛkɛ “Yerusalem hee” nɛɛ gbɛi yɛ Yesu Kristo hefatalɔi niyelɔi 144,000 lɛ anɔ. Ebɛ shikpɔŋ nɔ tamɔ maŋtiase ko ni akɛ niji tswa, shi moŋ eji ŋwɛi maŋtiase ni kpelekeɔ shi kɛtsɔɔ ehewalɛ ni ekpaa mli kɛbaa shikpɔŋ lɛ nɔ bii anɔ lɛ nɔ.
10. Ani Satan ni efɛne lɛ lɛ nyɛɔ eboteɔ “maŋ ni asumɔɔ” lɛ mli diɛŋtsɛ, no hewɔ lɛ mɛni ji yiŋtoo ni yɔɔ maŋ ni etutua nɛɛ sɛɛ?
10 Nɛkɛ “maŋ” nɛɛ efeŋ basaa ni afiteŋ lɛ yɛ afii akpe-ni ekɛaaye adesai anɔ lɛ naagbee, shi moŋ jalɛ nibii kpakpai ni ejɛ mli eba lɛ baaya nɔ ahi “mɛi krɔŋkrɔŋi” lɛ anɔ yɛ shikpɔŋ nɔ. Kɛtsɔ ta ni ewuɔ eshiɔ “maŋ ni asumɔɔ” nɛɛ hewɔ lɛ, belɛ Satan Abonsam yiŋtoo ji ni efite nibii kpakpai fɛɛ ni Yerusalem Hee lɛ efee lɛ. Esumɔɔɔ ni adesai anine ashɛ nɛkɛ sɛɛnamɔi nɛɛ anɔ kɛya naanɔ. Akɛni atsi enaa yɛ shikpɔŋ nɛɛ nɔ heko,ni gbɛhe ko kwraa bɛ dɔŋŋ kɛha lɛ yɛ ŋwɛi ni ashwie lɛ kɛ edaimonioi lɛ kɛjɛ jɛmɛ hewɔ lɛ, enyɛŋ ebote “maŋ ni asumɔɔ” ni yɔɔ ŋwɛi lɛ mli. No hewɔ lɛ ewuɔ eshiɔ enɛ ni eefee nakai kɛyashi be mli ni eeebɔ mɔdɛŋ ni eha jalɛ ni ato ama shikpɔŋ nɛɛ nɔ lɛ afee efolo.
11. (a) Te abaawuu “ta” lɛ aha tɛɛŋ? (b) Yɛ mɛɛ gbɛ nɔ atsɔɔ akɛ jeee Nyɔŋmɔ hewalɛ shi moŋ hegbɛ ni eyɔɔ yɛ jeŋ muu fɛɛ akɛ maŋtsɛ lɛ moŋ ji sane ni ka shi lɛ?
11 Anyɛŋ akpa gbɛ ákɛ akɛ jeŋ nilee mli tawuunii tamɔ nuklea okpɛlɛmii kɛ tawuu nibii krokomɛi ni afee yɛ wɔ afii ohai nyɔŋmai enyɔ nɛɛ mli lɛ baawuu nɛkɛ “ta” nɛɛ. Shikpɔŋ lɛ nɔ bii lɛ nyɛŋ amɛbua tawuunii ni tamɔ nɛkɛ naa aloo ni amɛaakase gbɛ ni amɛaatsɔ nɔ amɛkɛ enɛ awuu ta yɛ afii akpe lɛ mli. (Yes. 2:2-4) Efeŋ tawuu ni akɛmiijie tawuu mli hewalɛ kpo. Shishiumɔ, amale, lakamɔ, pɛsɛmkunya nibii asɛɛdii koni akaye Jeŋ Muu Fɛɛ Maŋtsɛ lɛ anɔkwale ji tawuunii wuji ni ebaanyɛ ekɛye gbɔmɛi anɔ kunim. Ákɛ sane lɛ baafee nɔ ni kɔɔ ja ni Yehowa ja akɛ jeŋ muu fɛɛ maŋtsɛ lɛ he moŋ fe Nyɔŋmɔ hewalɛ he lɛ ji nɔ ni jeɔ kpo yɛ bu kwɔŋkwɔŋ lɛ mli ni akɛ Satan wo afii akpe ni agbɛnɛ áku sɛɛ ajie lɛ lɛ, ni tsɔɔ hewalɛ babaoo ni Nyɔŋmɔ yɔɔ kɛ akɛto hewalɛ ni Satan Abonsam yɔɔ lɛ he lɛ. Akɛni eka he eji atuatselɔ ni teɔ shi woɔ Yehowa maŋtsɛyeli hewɔ lɛ, eto eyiŋ akɛ ebaaye nɔ ni eha adesai atsɔmɔ atuatselɔi tamɔ lɛ.
HENI AFII AKPE LƐ SƐƐ ATUATSEMƆ LƐ BAAYA AYASHƐ
12. Ákɛ eji anɔkwale akɛ mɛi ni Satan shishiuɔ amɛ lɛ tamɔ “ŋshɔ naa shia” lɛ tsɔɔ mɛni?
12 Akɛɛ mɛi ayibɔ ni Satan kɛ edaimonioi lɛ nyɛɔ amɛlakaa amɛ yɛ sane titri lɛ he lɛ ayibɔ “tamɔ ŋshɔ naa shia,” ni ji akɛ etamɔ nɔ ni anyɛɛɛ akane amɛ. (Kpoj. 20:8) Enɛ etsɔɔɔ adesai ateŋ mɛi ni fa yɛ gbɛ ko kwraa nɔ. Ákɛ nɔkwɛmɔ nɔ lɛ, abɔ amaniɛ akɛ henyɛlɔi ni fee ekome ni wuu kɛshi Kojolɔ Yoshua lɛ ayifalɛ tamɔ ŋshɔ naa shia. (Yosh. 11:4) Akɛɛ henyɛlɔi ni batutua Israel shikpɔŋ lɛ yɛ Gideon, Yoash bi lɛ gbii lɛ amli lɛ ayomai lɛ “aleee amɛyibɔ, amɛyifalɛ tamɔ ŋshɔ naaa shia.” (Kpoj. 7:12) Nakai nɔŋŋ hu aleee mɛi ni Satan baalaka amɛ lɛ ayifalɛ lɛ naa, amɛyifalɛ lɛ agbaaa afɔɔɔ shi, shi efa bɔni amɛaanyɛ amɛfee asafo babaoo. No hewɔ lɛ kunim fioo ko pɛ Satan Abonsam ye.
13. Ani “jeŋmaji lɛ ni yɔɔ shikpɔŋ koji ejwɛ lɛ mli” ni pue yɛ Paradeiso shikpɔŋ Iɛ nɔ lɛ ba kɛtsɔ gbohiiashitee nɔ?
13 Awieɔ mɛi ni Satan nyɛɔ eshishiuɔ amɛ lɛ ahe akɛ “jeŋmaji lɛ ni yɔɔ shikpɔŋ koji ejwɛ lɛ mli lɛ, Gog lɛ kɛ Magog lɛ.” Puemɔ ni amɛpue yɛ Paradeiso shikpɔŋ lɛ nɔ lɛ jeee kɛtsɔ gbohiiashitee ni “mɛi ni ejaaa” lɛ fata he lɛ nɔ, shi moŋ ejɛ shishiumɔ ni Satan shishiu adesai ni ásaa amɛ lɛ ayibɔ ko ni aleee hewɔ.
14. Belɛ aaanyɛ atsɛ amɛ “jeŋmaji” yɛ mɛɛ shishinumɔ mli, ni mɛɛ gbɛ nɔ aaanyɛ akɛɛ akɛ amɛjɛ “shikpɔŋ koji ejwɛ lɛ mli?
14 Adesai gbalaaa amɛteŋ ákɛ majimaji sɔrɔtoi, ni asaŋ maŋ nɔ ni mɔ ko jɛ hu naaa hewalɛ yɛ amɛ kojomɔ be lɛ mli yɛ afii akpe Kojomɔ Gbi lɛ mli. Anɔkwale ni eji akɛ atsɛɔ mɛi ni Satan ni afɛne lɛ lɛ shishiuɔ amɛ lɛ akɛ “jeŋmaji” lɛ tsɔɔ akɛ amɛkpɛlɛɛɛ nɔ akɛ amɛaayɔse jeŋ muu fɛɛ maŋtsɛ ni Yehowa ji lɛ shi moŋ amɛhala akɛ amɛaato amɛ diɛŋtsɛ amɛ shikpɔŋ nɔ maŋtsɛyeli, tamɔ maŋ ko ni eye ehe tamɔ Satan nɔŋŋ. Ekolɛ amɛnáŋ nɔyeli kome yɛ amɛnɔ, ni akɛni amɛ diɛŋtsɛ lɛ amɛmli egbala hewɔ lɛ, amɛbaana nɔyelii sɔrɔtoi. Shi yɛ bɔni nakai pɛ enɛ aaaji lɛ fɛɛ sɛɛ lɛ, amɛfɛɛ amɛfee ekome amɛkɛte-shi amɛshi maŋtsɛ ni Yehowa ji lɛ. Bɔni atsɛɔ amɛ akɛ “jeŋmaji ni yɔɔ shikpɔŋ koji ejwɛ lɛ mli” lɛ tsɔɔ akɛ amɛkɛ “maŋ ni asumɔɔ” lɛ teŋ jɛkɛ waa. No hewɔ lɛ, yɛ su ni amɛhiɛ yɛ maŋtsɛyeli he lɛ hewɔ lɛ, mɛi ni ashishiu amɛ nɛɛ etsi amɛhe kɛtee shɔŋŋ kwraa kɛjɛ Yehowa Nyɔŋmɔ maŋtsɛyeli lɛ he. Yehowa Nyɔŋmɔ efeŋ “nibii fɛɛ ayitso” kɛhaŋ amɛ.
15, 16.(a) Mɛɛ gbɛi anɔ mɛi ni yɔɔ maŋhedɔɔ su ni ashishiuɔ amɛ lɛ tamɔ “Gog kɛ Magog” yɛ bɔni ato be lɛ he gbɛjianɔ aha kɛ yiŋtoo ni yɔɔ amɛtutuamɔ lɛ sɛɛ lɛ hewɔ? (b) Yɛ mɛɛ gbɛ nɔ mɛi ni ashishiu amɛ lɛ hu tamɔ Gog ni Yehowa kɛ kpoŋ etsɛrɛ amɛdaaŋ ekɛmiikudɔ amɛ koni amɛbatutua mɛi?
15 Atsɛɔ mɛi ni hiɛ maŋhedɔɔ su ni ashishiu amɛ nɛɛ akɛ “Gog lɛ kɛ Magog lɛ” yɛ gbɛ ni ja nɔ. Yɛ shishijee “Gog ni jɛ Magog shikpɔŋ lɛ nɔ” lɛ ni agba ehe sane afɔ shi yɛ Ezekiel gbalɛ lɛ mli lɛ gbɛfaŋ lɛ, ekɛ enaagbee tutuamɔ ba Yehowa jalɔi lɛ anɔ. Efee enɛ yɛ be mli ni asaa nɛkɛ jálɔi nɛɛ ato amɛ gbɛhe ni ja yɛ shikpɔŋ lɛ nɔ ni amɛshikpɔŋ lɛ ebatsɔ tamɔ “Eden trom” lɛ. (Ezek. 36:35) Taakɛ eji lɛ amɛhiɔ shi yɛ “shikpɔŋ ni naa ka lɛ nɔ” ni amɛyɛ “kpoo, ni amɛhiɔ shi shweshweeshwe, ni amɛfɛɛ amɛhiɔ shi ni amɛbɛ gbogbo,” ni “amɛbɛ agbo sɛɛ adabaŋi loo agboi hu” (Ezek. 38:11) Agbɛnɛ hu, gbɔmɛi ni yɔɔ “Magog shikpɔŋ lɛ nɔ” lɛ fĩ amɛ lumɔ lɛ sɛɛ yɛ tutuamɔ ni amɛtutua Yehowa jálɔi ni tamɔ nɔ ni amɛbɛ hebuu ko kwraa nɛɛ mli. Shi Gog jɛɔ shɔŋŋ ebatutuaa amɛ diɛŋtsɛ, ejaakɛ Yehowa kɛɛ akɛ: “Ni malakao, ni mikɛ kpoji aaatsɛrɛ okadai amli, ni magbalao kɛaaje kpɔ kɛ ota lɛ fɛɛ, Ni naagbee afii lɛ amli lɛ oooha shikpɔŋ ni ajie kɛjɛ klante naa kɛku sɛɛ kɛba lɛ anɔ.”—Ezek. 38:4-8.
16 Mɛi ni Satan Abonsam shishiuɔ amɛ yɛ afii akpe Kojomɔ Gbi lɛ sɛɛ lɛ baanyiɛ lumɔ ni Yehowa Nyɔŋmɔ ejie lɛ kɛjɛ bu kwɔŋkwɔŋ lɛ mli lɛ sɛɛ ni eŋmɛ lɛ gbɛ ni eyatutua adesai ni aku sɛɛ asaa amɛ lɛ ekoŋŋ lɛ. Jiemɔ ni ajie amɛ kɛjɛ bu kwɔŋkwɔŋ lɛ mli lɛ tsɔɔ akɛ aŋmɛɔ Satan Abonsam kɛ edaimonioi lɛ agbɛ koni amɛyatutua shikpɔŋ lɛ ekoŋŋ ni amɛbɛŋkɛ adesai ahe kpaakpa yɛ Paradeiso shikpɔŋ ni agbɛnɛ etamɔ Eden trom lɛ nɔ. No hewɔ lɛ, yɛ tutuamɔ nɛɛ mli lɛ, belɛ Satan Abonsam ni ajie lɛ lɛ etsɔ tamɔ nɔ ni akɛ kpoji etsɛrɛ ekadai amli ni Yehowa miikudɔ lɛ kɛmiiba. Ni mɛi ni yɔɔ shikpɔŋ nɔ ni Satan Abonsam shishiuɔ amɛ lɛ hu tamɔ mɛi ni feɔ tamɔ nɔ ni akɛ kpoji etsɛrɛ amɛkadai amli ni akɛmiigbala amɛ koni amɛyatutua “mɛi krɔŋkrɔŋi lɛ aŋsra lɛ kɛ maŋ ni asumɔɔ lɛ.” (Kpoj. 20:7-9) No hewɔ lɛ abaanyɛ akɛ gbɛi ni ji Gog kɛ Magog ato adesai ateŋ mɛi ni diɔ maŋhedɔɔ sɛɛ ni ashishiu amɛ nɛɛ ni amɛtutuaa mɛi ni kɛ amɛhe kpɛtɛɔ Yehowa Nyɔŋmɔ jeŋ muu fɛɛ maŋtsɛyeli lɛ he yɛ anɔkwayeli mli ni amɛbɔɔ mɔdɛŋ ni amɛkpata amɛhiɛ lɛ ahe.
17, 18. (a) Ani nɛkɛ mɛi ni ashishiu amɛ nɛɛ yɛ hewalɛ ni amɛaanyɛ amɛkɛtutua “maŋ ni asumɔɔ” lɛ diɛŋtsɛ, ni mɛni haa amɛnyɛɔ amɛtutuaa amɛ lɛ? (b) Mɛni ji nɔ ni Kristo bii ni ji lumɛi ni yɔɔ shikpɔŋ lɛ nɔ lɛ baafee yɛ Kristo afii akpe nɔyeli lɛ naagbee ni yɛ mɛɛ yiŋtoo hewɔ?
17 Akɛni adesai ateŋ mɛi ni ashishiu amɛ nɛɛ ji adesai kɛkɛ yɛ shikpɔŋ nɔ hewɔ lɛ, amɛnyɛŋ amɛtutua ŋwɛi Yerusalem Hee lɛ, ni nakai nɔŋŋ hu amɛ hiɛnyiɛlɔ Satan Abonsam nyɛŋ afee. Shi amɛnine baanyɛ ashɛ mɛi ni yɔɔ shikpɔŋ nɔ ni amɛkɛ anɔkwayeli edamɔ ŋwɛi Mesia maŋtsɛyeli lɛ najiaŋ lɛ, ni ji “lumɛi yɛ shikpɔŋ lɛ nɔ fɛɛ” lɛ. Akɛni Yerusalem Hee lɛ Maŋtsɛ, Naanɔ Tsɛ, Yesu Kristo hala mɛnɛɛmɛi akɛ lumɛi hewɔ lɛ, amɛsɔmɔ akɛ “maŋ ni asumɔɔ” lɛ najiaŋdamɔlɔi lumɛi ni anaa amɛ. No hewɔ lɛ beni yɛ afii akpe nɔyeli lɛ naagbee lɛ Nyɔŋmɔ Bi odehe lɛ “ŋɔ nii fɛɛ to [Tsɛ] eshishi lɛ,” ebaabi ni nɛkɛ lumɛi ni yɔɔ shikpɔŋ nɔ lɛ hu afee nakai nɔŋŋ. Esa akɛ ámɛkase Nyɔŋmɔ Bi lɛ “ni lɛ diɛŋtsɛ hu eeeŋɔ ehe eto Mɔ ni ŋɔ nii fɛɛ to eshishi lɛ shishi” ni ji ŋwɛi Tsɛ lɛ.
18 No hewɔ lɛ nɛkɛ Naanɔ Tsɛ Yesu Kristo “bii” ni ji lumɛi nɛɛ kaseɔ lɛ yɛ gbɛ ni ja nɔ ni amɛbaa amɛhe shi amɛhaa Nyɔŋmɔ kɛ Tsɛ lɛ akɛ jeŋ muu fɛɛ Nɔyelɔ ni ja. Ní amɛkɛ henɔwomɔ aaatse atua amɛshi nɔ ni eba amɛshihilɛ ni etsake lɛ mli moŋ lɛ, amɛfeɔ amɛnii tamɔ Kristo ni amɛbaa amɛhe shi amɛhaa Yehowa jeŋ muu fɛɛ maŋtsɛyeli lɛ. Mɛi ni Satan Abonsam shishiuɔ amɛ lɛ kɛ ŋwanejee tutuaa amɛ ni amɛnyɛɔ amɛnɔ koni amɛkɛlaka “maŋ ni asumɔɔ” lɛ shikpɔŋ nɔ najiaŋ damɔlɔi lɛ, shi mɛnɛɛmɛi eto emɛyiŋ akɛ amɛfeŋ nakai. Amɛhiɛɔ amɛ emuuyeli amli amɛhaa Ŋwɛi Flooflo Nyɔŋmɔ lɛ ni amɛkɛ amɛhe kpɛtɛɔ maŋtsɛ ni eji yɛ shikpɔŋ muu lɛ nɔ kɛ jeŋ muu fɛɛ yɛ gbɛ ni ja nɔ lɛ he yɛ anɔkwayeli mli. Amɛhala akɛ amɛaaha Yehowa Nyɔŋmɔ afee “nibii fɛɛ ayitso” yɛ amɛ diɛŋtsɛ amɛ sane lɛ mli ni shishashaomɔ ko kwraa bɛ mli.—1 Kor. 15:24-28.
JIEMƆ NI MAJIE “GOG KƐ MAGOG” KƐ AMƐ HIƐNYIƐLƆ SHISHIULƆ LƐ KƐYA
19. Yɛ mɛɛ gbɛ nɔ jeee hemɔkɛyeli yɛ Nyɔŋmɔ mli pɛ anɔkwafoi lɛ jieɔ lɛ kpo yɛ be mli ni mɛi ni ashishiu amɛ lɛ tutuaa amɛ lɛ, shi moŋ emuuyeli mli ni amɛhiɛɔ amɛhala e-Jeŋ muu fɛɛ maŋtsɛyeli lɛ hu?
19 “Mɛi krɔŋkrɔŋ lɛ aŋsra” lɛ kɛ “maŋ ni asumɔɔ” lɛ najiaŋdamɔlɔi ni yɔɔ shikpɔŋ lɛ nɔ lɛ kɛ heloo mli tawuunii wuuu ta yɛ nɛkɛ “ta” ni Satan Abonsam ebua mɛi ni eshishiu amɛ lɛ anaa yɛ shikpɔŋ nɔ nɛɛ mli. Eji anɔkwale akɛ amɛnyɛŋ amɛgbe Satan Abonsam kɛ edaimonioi bɔfoi lɛ ni amɛnaaa amɛ ni amɛnine hu shɛɛɛ amɛnɔ lɛ. Eyɛ mli akɛ amɛ baana mɛi ni ashishiu amɛ lɛ ni feɔ “Gog kɛ Magog” lɛ yɛ shikpɔŋ nɔ moŋ, shi anɔkwafoi ni amɛhala Yehowa jeŋ mu fɛɛ maŋtsɛyeli lɛ egbeee nɛkɛ mɛi ni ashishiu amɛ nɛɛ, tamɔ nɔ ni amɛmiifee amɛhe blafoi yɛ mɛi ni ashishiu amɛ nɛɛ anɔ. Akɛni amɛhala akɛ amɛaaadamɔ Yehowa masɛi hewɔ lɛ, amɛŋmɛɔ lɛ gbɛ koni ejaje jeŋ muu fɛɛ maŋtsɛ ni eji lɛ etsɔɔ amɛ ni eye ehe odase etsɔɔ mɛi ni yeee anɔkwale ni ashishiu amɛ nɛɛ. Amɛhaa ta lɛ feɔ Yehowa nɔ̃, no hewɔ lɛ amɛfeee amɛnii tamɔ amɛji E-tai ni amɛkɛ tawuunii diɛŋtsɛ baawuu. Jeee hemɔkɛyeli kpo pɛ amɛjieɔ yɛ amɛgbɛfaŋ, shi moŋ emuuyeli mli ni amɛhiɛɔ kɛhaa Yehowa Nyɔŋmɔ kɛ ejeŋ muu fɛɛ maŋtsɛyeli lɛ. Aha Lɛ diɛŋtsɛ ehere amɛ ni ekpata mɛi ni yeee anɔkwale lɛ ahiɛ! Amɛkɛ hekɛnɔfɔɔ damɔɔ shi shiŋŋ ni amɛkwɛɔ “Yehowa yiwalaheremɔ” ni yɔɔ amɛgbɛfaŋ lɛ.—2 Kron. 20:15-17.
20. Mɛni anɔkwafoi lɛ baana hegbɛ ni amɛná yɛ ŋwɛi yibaamɔ shishi? (b) Mɛni nɛkɛ ŋwɛi nifeemɔ nɛɛ tsɔɔ kɛhaa mɛi ni yeee anɔkwale Iɛ?
20 Mɛi ni hiɔ “Ofe lɛ hɔɔŋ lɛ shishi” lɛ ni amɛbaa amɛhe shi amɛhaa Yehowa jeŋ muu fɛɛ maŋtsɛyeli lɛ baana kɛ amɛhiŋmɛi kɛkɛ, ni amɛkwɛ ni amɛaana mɛi fɔji anyɔmɔwoo. (Lala 91:1, 8) Amɛbaana nɔ ni agba afɔ shi yɛ Kpojiemɔ 20:9 ni kɔɔ afii akpe lɛ sɛɛ “Gog kɛ Magog” he lɛ mlibaa: “Ni amɛyiŋ kɛtee shikpɔŋ tɛtrɛɛ lɛ nɔ, ni amɛyabɔle mɛi krɔŋkrɔŋi lɛ aŋsra lɛ kɛ maŋ ni asumɔɔ lɛ kɛkpe. Ni la jɛ Nyɔŋmɔ ŋɔɔ kɛjɛ ŋwɛi, ni ebasha amɛ butuu.” Nɛkɛ adesai ateŋ mɛi ni yeee anɔkwale nɛɛ anine shɛɔ la baptisimɔ nɔ, ni no tsɔɔ amɛ naanɔ hiɛkpatamɔ Nyɔŋmɔ ebuuu amɛ jalɔi ni amɛgbɛi ahi “wala wolo” lɛ mli. (Rom. 8:33) Enɛ jeee Yehowa jeŋ muu fɛɛ maŋtsɛyeli lɛ kɛ nitsumɔ yɛ gbɛ ni ejaaa nɔ, shi moŋ ejieɔ lɛ kpo etsɔɔ ehenyɛlɔi nɛɛ yɛ gbɛ ni ja nɔ.
21. (a) Be enyiɛ Satan fɛnemɔ kɛmiijɛ bu kwɔŋkwɔŋ lɛ mli lɛ baaye ni ani átsu yiŋtoo lɛ he nii ágbe naa agbɛnɛ? (b) Mɛni bu kwɔŋkwɔŋ lɛ mli ni aaaku sɛɛ akɛ lɛ awo lɛ baatsɔɔ?
21 Shi kɛlɛ, mlakwalɔi ni hiɔ nɔ ni hĩ nɛɛ anaanɔ hiɛkpatamɔ lɛ ejieee Satan Abonsam kɛ edaimonioi bɔfoi lɛ kɛjɛɛɛ shikpɔŋ lɛ nɔ. Aŋmɛɛ ehe kɛjɛ bu kwɔŋkwɔŋ lɛ mli etsɛ bɔni sa. Nyɔŋmɔ yiŋtoo hewɔ ni eŋmɛɛ ehe lɛ átsu he nii agbe naa; ehe ehiaaa ni aŋmɛ lɛ gbɛ ni ekɛ edaimonioi lɛ afo shi dɔŋŋ. Wɔkaiɔ nɔ ni aŋma ni kɔɔ be mli ni ashɛ lɛ afɔ bu kwɔŋkwɔŋ lɛ mli afii akpe lɛ: “Ni no sɛɛ lɛ ja afɛne lɛ be fioo ko.” (Kpoj. 20:3) Nakai “be fioo ko” ni Satan Abonsam ebɔ mɔdɛŋ akɛ eeeshishiu adesai ni asaa amɛ ekoŋŋ lɛ ateŋ mɛi ni fa bɔni eeenyɛ, ni amɛsusu akɛ Yehowa Nyɔŋmɔ kɛ maŋtsɛ ni eji yɛ shikpɔŋ lɛ nɔ lɛ miitsu nii yɛ gbɛ ni ejaaa kɛ henɔwomɔ nɔ lɛ eshɛ ota. Agbɛnɛ mɛni? Ani akuɔ sɛɛ ashɛreɔ Satan kɛ edaimonioi lɛ awoɔ bu kwɔŋkwɔŋ lɛ mli ekoŋŋ? Nakai feemɔ baatsɔɔ kɛkɛ, akɛ abaafene amɛ ekoŋŋ, tamɔ bɔni afɛne Yesu Kristo diɛŋtsɛ kɛjɛ bu kwɔŋkwɔŋ lɛ mli ni okadifeemɔ mli baalabii lɛ hu je kpo kɛjɛ bu kwɔŋkwɔŋ lɛ mli, ni “kooloo” lɛ ni Babilon Kpeteŋkpele lɛ ta enɔ lɛ hu fa kpo kɛjɛ bu kwɔŋkwɔŋ lɛ mli lɛ.—Rom. 10:7; Kpoj. 9:1-3; 17:8; ekɛto Kpojiemɔ 11:7 he.
22, 23. (a) Yɛ mɛɛ gbɛ nɔ aha Satan naafolɔmɔ ni koo gbɔmɔ he lɛ hetoo, ni namɔ ye bem yɛ naataamɔ kakadaŋŋ ni ebɛ naagbee lɛ mli? (b) Mɛni baa Satan kɛ edaimonioi lɛ anɔ agbɛnɛ?
22 Satan Abonsam kɛ edaimonioi lɛ afii kɛ bu kwɔŋkwɔŋ lɛ mli ni akɛ amɛ wo lɛ ji piimɔ yɛ be fioo ko mli kɛha amɛ. Ani piimɔ ni ji naatsii nɛɛ hu aaatee be fioo kɛha amɛ, aloo yɛ be fɛɛ mli? Mɛni baa amɛnɔ yɛ be mli ni amɛna bɔni akɛ la hiɛkpatamɔ kpata mɛi ni amɛshishiu amɛ yɛ shikpɔŋ lɛ nɔ lɛ ahiɛ lɛ? Aha naafolɔmɔ ni Abonsam tee lɛ shi yɛ be kakadaŋŋ mli lɛ hetoo agbɛnɛ, ákɛ gbɔmɛi ni yɔɔ shikpɔŋ nɔ lɛ sɔɔmɔ Yehowa Nyɔŋmɔ kɛkɛ yɛ nɔ ni amɛnaa yɛ edaŋ lɛ hewɔ, ni gbɔmɔ ko gbɔmɔ ko yeŋ Yehowa Nyɔŋmɔ anɔkwale yɛ suɔmɔ krɔŋŋ ni mɔ lɛ yɔɔ kɛha lɛ lɛ hewɔ yɛ Satan Abonsam kaa ni mliwa po shishi Nɛkɛ hii kɛ yei ni hiɛɔ amɛ emuuyeli mli ni shwɛɔ yɛ shikpɔŋ nɔ akɛ hiɛkalɔi yɛ be mli ni akɛ la ekpata mɛi ni yeee anɔkwale lɛ ahiɛ lɛ sɛɛ lɛ damɔɔ shi akɛ hetoo ni hiɛ ka ni wala yɔɔ mli diɛŋtsɛ kɛha Abonsam, ni eyeɔ enaafolɔmɔ lɛ he odase akɛ eji amale ni ákɛ amalelɔ ji lɛ. Afii akpei kpawo naataamɔ lɛ eba naagbee ni anɔkwale Nyɔŋmɔ lɛ eye bem, no hewɔ lɛ ehe ehiaaa ni aha Satan Abonsam kɛ edaimonioi lɛ aya nɔ ahi shi. Tsuishitoo ni Nyɔŋmɔ nya kɛha amɛ lɛ eba naagbee agbɛnɛ. Yɛ enɛ hewɔ lɛ ekɛ nɛkɛ bɔfoi atuatselɔi nɛɛ wooo bu kwɔŋkwɔŋ lɛ mli dɔŋŋ. No hewɔ lɛ mɛni baa amɛnɔ?
23 “Ni abonsam lɛ ni shishiuɔ amɛ lɛ, aŋɔ lɛ awo la kɛ shwɛɔ kpaakpo lɛ mli, heni kooloo lɛ kɛ amɛle gbalɔ hu yɔɔ lɛ, ni aaapii amɛ nyɔɔŋ kɛ shwane kɛaatee naanɔi anaanɔ.”—Kpoj. 20:10.
24, 25. (a) La kpaakpo lɛ ni ashɛreɔ amɛ awoɔ mli lɛ feɔ mɛni he mfoniri kɛhaa Satan kɛ edaimonioi lɛ? (b) Mɛni hewɔ enɛ ji gbele kroko lɛ?
24 Satan Abonsam ni aaapii lɛ yɛ la kɛ swɔɔ kpaakpo lɛ mli lɛ tsɔɔ nakai nɔŋŋ kɛhaa edaimonioi lɛ, taakɛ eji kɛha mfonirifeemɔ mli kooloo lɛ kɛ amale gbalɔ lɛ. Ní mɛni ji no? Hiɛkpatamɔ kɛmiiya naanɔi anaanɔ. (Kpoj.19:20) Satan Abonsam kɛ amɛmaa lɛ enɔ shi dɔŋŋ taakɛ bɔni kooloo lɛ kɛ amale gbalɔ lɛ hu ehiŋ shi dɔŋŋ lɛ. Aŋmaaa amɛ gbɛi yɛ Nyɔŋmɔ “wala wolo” ko mli. Wala lɛ, wala ni. Kɛ ahi mli yɛ miishɛɛ loo piimɔ mli jio. No hewɔ lɛ shɛ ni ashɛrɛ amɛ awo mfoniri-feemɔ mli “la kɛ swɔɔ kpaakpo” lɛ mli lɛ etsɔɔɔ akɛ ahaahaa amɛyi yɛ wala mli koni amɛpii akɛ hiɛkalɔi yɛ gbɔmɔtsoŋ kɛ jwɛŋmɔŋ.
25 Nakai okadi “kpaakpo” lɛ efeee nɔ ni atsɛɔ lɛ akɛ “gbele ni wala yɔɔ mli” lɛ he mfoniri. Efeɔ gbele kroko he mfoniri, nɔ ni yɔɔ sɔrɔto yɛ nɔ ni baa adesai fɛɛ ni afɔ amɛ akɛ mɛi ni na esha kɛjɛ Adam kɛ Hawa ŋɔɔ akɛ gboshinii ni eka shi faŋŋ akɛ no ji klɛŋklɛŋ gbele ni bote nibɔɔ fɛɛ mli, yɛ mɛi ni abɔ amɛ yɛ Nyɔŋmɔ subaŋ nɔ lɛ ateŋ lɛ. Nɛkɛ gbele ni ana akɛ gboshinii nɛɛ fee tamɔ nɔ ko ni hiɔ shi be fioo, ahaa etsɔɔ ‘wɔɔ yɛ gbele mli’ yɛ gbohiiashitee ni Yesu Kristo gbele kɛ eshitee lɛ kɛba lɛ hewɔ.—1 Kor. 15:20-22.
26. Mɛni hewɔ ni atsɛɔ nɛkɛ gbele ni esoro no nɛɛ akɛ “gbele ni Ji enyɔ” lɛ, ni aŋmaaa adesai ni Anaa nɔ̃ yɛ enɛ mli lɛ agbɛi yɛ nɛgbɛ?
26 Gbele ni “la kɛ swɔɔ kpaakpo” lɛ feɔ he mfoniri lɛ yɛ sɔrɔto yɛ nɔ ni adesai na akɛ gboshinii kɛjɛ Adam ŋɔɔ lɛ he, ejaakɛ eta mɔɔɔ wɔɔ ni tsiɛmɔ foɔ sɛɛ lɛ, shi moŋ eji hiɛkpatamɔ kwraa, gbele ni agboɔ kwraa kɛmiiya naanɔ. Gbele ni ana kɛjɛ Adam ŋɔɔ akɛ gboshinii lɛ ji ‘klɛŋklɛŋ gbele.’ Shi nɛkɛ gbele ni yɔɔ sɔrɔto ni “la kɛ swɔɔ kpaakpo” lɛ feɔ he mfoniri lɛ ji nɔ ni atsɛɔ lɛ akɛ “gbele ni ji enyɔ” lɛ yɛ gbɛ ni ja nɔ. Enɛ ji nɔ ni edamɔ shi kɛha yɛ nakai adesai lɛ ni yɔɔ shikpɔŋ nɔ ni boteɔ afii akpe Kojomɔ Gbi lɛ mli ni yɛ sɛɛ mli lɛ aŋmaaa amɛ gbɛi yɛ Nyɔŋmɔ “wala wolo” lɛ mli lɛ agbɛfaŋ Ŋmalɛ ni jɛ mumɔ mli lɛ tsɔɔ wɔ nɔ ni nɛkɛ “Ia kɛ swɔɔ kpaakpo” nɛɛ ji kɛha mɛi ni naanɔ wala esaaa amɛ lɛ, akɛ: “Ni gbele kɛ gbohiiaje lɛ, ashɛrɛ amɛ ashwie la kpaakpo lɛ mli. Enɛ ji gbele ni ji enyɔ lɛ, la kpaakpo lɛ nɛ. Ni kɛ mɔ ko yɛ ni anaaa akɛ aŋma egbɛi yɛ wala wolo lɛ amli lɛ, ashɛɔ lɛ afɔɔ la kpaakpo lɛ Kpoj. 20:14, 15.
27, 28. (a) “Mɛni hewɔ ni Satan kɛ edaimonioi lɛ baanyɛ ana nɔ yɛ gbele ni ji “enyɔ” lɛ mli lɛ? (b) Belɛ mɛni ji nɔ ni piimɔ ni aaapii amɛ yɛ la kpaakpo lɛ mli kɛya naanɔi anaanɔ lɛ tsɔɔ?
27 Ayeɔ nɔ ni ŋwɛi sane mlitsɔɔmɔ ni kɔɔ nɔ ni “la kpaakpo” nɛɛ feɔ he mfoniri lɛ ji lɛ he odase ekoŋŋ, nɔ ni ji shii enyɔ, yɛ kukuji fioo ko ni nyiɛ sɛɛ lɛ amli, heni wɔkaneɔ yɛ akɛ: “Kunimyelɔ lɛ aaatsɔ nɛkɛ nii nɛɛ fɛɛ yelɔ, ni matsɔ e-Nyɔŋmɔ, ni lɛ hu eeetsɔ mibi. Shi mɛi ni tsui faa kɛ mɛi ni heee yeee kɛ mɛi ni feɔ nihiinii kɛ awuyelɔi kɛ ajwamaŋbɔlɔi kɛ sũlɔi kɛ wɔŋjalɔi kɛ amalelɔi fɛɛ lɛ, amɛaana amɛgbɛnaa yɛ kpaakpo lɛ ni tsoɔ kɛ la kɛ swɔɔ lɛ mli, nɔ ni ji gbele ni ji enyɔ lɛ.” (Kpoj. 21:7, 8) Akɛni nɛkɛ wiemɔi ni kɔɔ “la kpaakpo” lɛ he lɛ bɛŋkɛ amɛhe kpaakpa, yɛ wiemɔtso kometoo lɛ nɔŋŋ mli yɛ Kpojiemɔ yitsei 19-21 hewɔ lɛ, belɛ nɔ ni “la kpaakpo” lɛ tsɔɔ kɛha adesai ni anaaa amɛgbɛi yɛ “wala wolo” lɛ mli lɛ hu tsɔɔ nakai nɔŋŋ kɛha, Satan Abonsam kɛ edaimonioi lɛ. Etsɔɔ “gbele ni ji enyɔ.” Etsɔɔɔ kɛkɛ akɛ aagbo nɔ ni ji shii enyɔ, shi moŋ ni aaagbo gbele ko ni Biblia lɛ wieɔ he, ni ji akɛ gbele ni bɛ naagbee.
28 No hewɔ lɛ, Satan kɛ edaimonioi lɛ baanyɛ agbo gbele ni tamɔ nɛkɛ, eyɛ mli akɛ amɛgboiko dã. Wala bibioo ko po bɛ nakai klɛŋklɛŋ gbele lɛ ni tsɔ klɛŋklɛŋ gbɔmɔ lɛ esha nɔ kɛba lɛ mli. Nakai nɔŋŋ hu wala hu bɛ “gbele ni ji enyɔ” ni ji naanɔ hiɛkpatamɔ kɛha mɛi ni jɛɔ amɛsuɔmɔ mli amɛgbóɔ nɔ toi, ni amɛfiteɔ amɛ emuuyeli po yɛ nakai feemɔ mli lɛ mli. Ŋmalɛ naa mlai lɛ fɛɛ tsɔɔ akɛ belɛ Satan kɛ edaimonioi lɛ apiimɔ yɛ la kɛ swɔɔ kpaakpo lɛ mli kɛmiiya naanɔi anaanɔ lɛ tsɔɔ akɛ amɛbaalaaje kwraa amɛhiŋ shi dɔŋŋ, abaatsumɔ amɛ kɛjɛ mumɔŋ wala mli kɛya naanɔ. Nɔ ni baajɛ mli aba ji akɛ, Nyɔŋmɔ baaná jeŋ muu fɛɛ ni daimonioi bɛ mli, aŋmɛŋ gbɛ ni daimɔnioi lɛ apue dɔŋŋ.