FÃ 5
Nu Afua Kpeteŋkpele Lɛ—Namɛi Bo Nyɔŋmɔ Toi? Namɛi Booo Lɛ Toi?
Mɛi ni hi shi yɛ Noa gbii lɛ amli lɛ ateŋ mɛi babaoo fee nibii fɔji. 1 Mose 6:5
Adam kɛ Hawa fɔ, ni gbɔmɛi ayi bafa yɛ shikpɔŋ lɛ nɔ. Sɛɛ mli lɛ, ŋwɛibɔfoi komɛi hu tse atua ni amɛyafata Satan he.
Amɛba shikpɔŋ lɛ nɔ ni amɛtsɔmɔ amɛhe gbɔmɛi bɔ ni afee ni amɛnyɛ amɛkɛ yei abote gbalashihilɛ mli. Bii ni yei lɛ fɔ lɛ je oblaŋ, amɛhiɛ yɛ laŋlaŋ ni amɛhe wala.
Je lɛ mli bayi kɛ gbɔmɛi ni feɔ nibii fɔji sɔŋŋ. Biblia lɛ kɛɔ akɛ: “Yehowa na akɛ gbɔmɔ nɔfɔŋfeemɔ lɛ efa babaoo yɛ shikpɔŋ lɛ nɔ, ni etsuiŋ susumɔ fɛɛ susumɔ lɛ, be fɛɛ be lɛ efɔŋ sɔŋŋ ni.”
Noa bo Nyɔŋmɔ toi ni ekpɛ adeka. 1 Mose 6:13, 14, 18, 19, 22
Noa ji gbɔmɔ kpakpa. Yehowa kɛɛ Noa akɛ ekɛ nu afua kpeteŋkpele ko baakpãtã mɛi fɔji lɛ ahiɛ.
Nyɔŋmɔ kɛɛ Noa hu koni ekpɛ lɛlɛ agbo ko ní atsɛɔ lɛ akɛ adeka, koni lɛ kɛ eweku lɛ kɛ kooloi srɔtoisrɔtoi lɛ eko fɛɛ eko abote mli.
Noa bɔ mɛi kɔkɔ yɛ Nu Afua ni baa lɛ he, shi amɛbooo lɛ toi. Amɛteŋ mɛi komɛi ŋmɔ lɛ, ni mɛi komɛi hu ahe tsɛ̃ lɛ.
Be ni Noa gbe adeka lɛ naa lɛ, ekɛ kooloi lɛ wo mli.