Nyɛhãa Wɔdua Maŋtsɛyeli Dumɔwui Lɛ

1. Nyɛbatsua Nuŋtsɔ lɛ nitsumɔ;

Nyɛherea etsɛmɔ lɛ nɔ.

Enyiɛɔ wɔhiɛ, eyeɔ ebuaa wɔ;

Enitsɔɔmɔ hãa wɔleɔ gbɛ.

Anɔkwale wui lɛ baanyɛ akwɛ̃

Yɛ tsui ni yɔɔ krɔŋŋ diɛŋtsɛ mli.

Hewɔ, okɛ ohewalɛ fɛɛ atsu

Ogbɛfaŋnɔ yɛ nidumɔ lɛŋ.

2. Bɔ ni oshiɛɔ hãa baanyɛ atsɔɔ

Kɛji obaaye omanye.

Hewɔ, ye obua mɛi ni boɔ toi

Ni amɛnyiɛ jalɛ gbɛ nɔ.

Satan kɛ naagbai baaba amɛnɔ;

Wa amɛ ni amɛfi shi.

Obaaná miishɛɛ kɛ́ otee nɔ odu;

Onitsumɔ lɛ baawo yibii.