Gbɛ Ni Aaatsɔ Nɔ Akpa Sigaret Shɛremɔ

KLƐŊKLƐŊ kwraa lɛ esa ni shɛrelɔ lɛ afee mɔ ni sumɔɔ diɛŋtsɛ akɛ eeekpa shɛremɔ Kanyamɔ ni mliwa he miihia lɛ. Jacquelyn Rogers ni to Smokenders kuu lɛ, ni ji gbɛjianɔtoo ni akɛyeɔ abuaa sigaret shɛrelɔi koni amɛkpa lɛ kɛɛ akɛ eyɛ kanyamɔ nitsumɔ le mli. Y oo nɛɛ kɛɛ ak . “Wɔhaa gbɔmɛi heɔ yoɔ akɛ amɛbaanyɛ amɛkpa Sigaret shɛrelɔi pii nyɛɛɛ akpa yɛ yiŋkɔshikɔshifeemɔ hewɔ​—amɛheee amɛyeee akɛ amɛaaye omanye yɛ mli.

Ani gbɛjianɔ sɔrɔtoi ni atoɔ kɛ tsofai sɔrɔtoi ni akɛfataa he lɛ baanyɛ aye ebua ni akpa shɛremɔ? Eka shi faŋŋ akɛ eye ebua mɛi komɛi. Mɔ ko ni shɛreɔ waa lɛ kɛɛ akɛ: “Eji jeee yelikɛbuamɔ kulɛ minyɛŋ makpa shɛremɔ. Shi taakɛ Dr. Neil Solomon ni kɛ tsofai kɛ niyenii sɔrɔtoi ye bua yɛ tsamɔ lɛ mli lɛ kpɛlɛ nɔ yɛ nɛkɛ tsamɔ nɛɛ he lɛ: “Nɔ ko ni yɔɔ naakpɛɛ bɛ he. Kɛji akɛ osumɔɔɔ ni okpa shɛremɔ lɛ, sɛɛnamɔ baŋ he.”

Nyɛmɔ Ni Akɛaakpa Shɛremɔ

Hɛɛ, omanyeyeli lɛ damɔ shɛrelɔ kɛ faishitswaa kɛ enyɛmɔ pɛ nɔ. Kɛji akɛ nɛkɛ faishitswaa nɛɛ bɛ lɛ, tsofa fɛɛ tsofa, ni akɛaaku naa lɛ yeŋ omanye. Shi kɛ enɛ yɛ lɛ, mɔ ko baanyɛ akpa kwraa ni efiteŋ shika babaoo yɛ tsofai ni akɛkuɔ naa lɛ he. Mɛi ni tsutsu lɛ amɛshɛreɔ lɛ ateŋ 90 yɛ oha mli kpa shɛremɔ ni jeee yɛ tsofai komɛi ahewɔ. Taakɛ World Health wolo tɛtrɛɛ lɛ kɛɛ lɛ: “Nɔ titri ni damɔ omanye loo yaka ni eeefee lɛ nɔ ji shɛrelɔ lɛ nyɛmɔ hewalɛ. Nɔ ni eshwɛ lɛ saa he kɛkɛ.” Shi mɛɛ gbɛ mɔ ko aaatsɔ nɔ ni ena nyɛmɔ ni akɛkpaa shɛremɔ nɛɛ?

Mɛi pii yɛ ni kaimɔ ni amɛkaiɔ amɛhe daa nɛɛ akɛ sigaret shɛremɔ gbeɔ mɔ lɛ kɛ nakai nyɛmɔ lɛ eha amɛ. Taakɛ Miami wuoyigbɛ tsofafeelɔ ko ni kpɛlɛɔ nɔ akɛ esumɔɔ sigaret shɛremɔ lɛ kɛɛ lɛ: “Gbeyeishemɔ hewɔ mishɛreee lɛ.” Gbɛjianɔtooi ni akɛkuɔ naa lɛ ekomɛi teeɔ nɛkɛ gbeyeishemɔ nɛɛ shi, ni amɛmaa awui babaoo ni sigaret shɛremɔ yeɔ gbɔmɔtso lɛ nɔ mi. Jwɛŋmɔ he nilelɔ, David M. Fineman tsɔɔ bɔni nɛkɛ gbeyeishemɔ nɛɛ ye bua lɛ kɛ mɛi krokomɛi lɛ mli: “Mifũɔ sigaret lɛ mikwɛɔ ni amrɔ nɔŋŋ lɛ misusuɔ awui ni eye migbɔmɔtso lɛ he. Mijeɔ gbɛ misusuɔ nɛkɛ nibii ni baanyɛ aba nɛɛ ahe mifeɔ amɛ mfoniri yɛ mijwɛŋmɔ mli.”

Shi gbɛ nɛɛ nyɛɛɛ akanya mɛi pii ni amɛkpa Taakɛ New York yoo shiakwɛlɔ ko kɛɛ lɛ: Eji mitee tsofafeelɔ lɛ ko ŋɔɔ ni ekɛɛmi akɛ kɛ mikpaaa sigaret shɛremɔ lɛ heloo mli fala ni gbooo baagbe mi kulɛ mikpa shɛremɔ “Sigaret shɛremɔ ji nɔ titri yɛ mishihilɛ mli, nɔ ko ni he hiaa mi fe niyenii. Mishɛreɔ yɛ be fɛɛ mli. Kɛ́ minyiɛ shia po lɛ mihiɛɔ apaawa bibioo ni akɛ enaa lamlu lɛ woɔ mli lɛ kɛkpaa shi.” Mɛɛ kanyamɔ ni mli wa waa baanyɛ aye abuɔ mɛi ni enɛ eka amɛhe lɛ?

Nɛkɛ New York yoogbayoo nɛɛ je shishi ekɛ Yehowa Odasefoi bɔi nikasemɔ. Shi kasemɔ ni ekase akɛ sigaret shɛremɔ teɔ shi woɔ Nyɔŋmɔ mla lɛ diɛŋtsɛ wooo lɛ hewalɛ ni ekpa. Ekɛɛ akɛ: “Miisumɔ ni makpa, shi bɔni ena minɔ hewalɛ eha lɛ haaa manyɛ mafee nakai.”

Etsɔɔ nɔ ni yɛ naagbee lɛ eha etswa efai shi akɛ ebaakpa “Miwu lɛ kpɛlɛ Biblia mli anɔkwale lɛ ni ekaseɔ lɛ nɔ, ekpa shɛremɔ ni abaptisi lɛ. Eŋɔɔ minaa jogbaŋŋ! Misumɔɔɔ mafee nɔ ko ni baatsi Yehowa Nyɔŋmɔ ni wɔɔsɔmɔ lɛ yɛ gbɛ ni aaasa ehiɛ kɛ naanɔ wala ni wɔbaana yɛ egbɛjianɔtoo hee lɛ mli lɛ naa, no hewɔ lɛ mitswa mifai shi akɛ makpa shɛremɔ.” Ni efee nakai hu!

Nibii Ni Yeɔ Buaa Ekpamɔ

Nibii yɛ ni baanyɛ akanya bo ni ona nyɛmɔ ni okɛaakpa. Titri fe fɛɛ ji yelikɛbuamɔ ni Nyɔŋmɔ kɛhaa lɛ. New York yoogbayoo ni atsɔ hiɛ atsi eta lɛ tsɔɔ mli akɛ: “Misɔle miha Yehowa ni mikpaaa ni kɛtsɔ eyelikɛbuamɔ nɔ lɛ mimɔ miyiŋ ni mikpɛ akɛ mishɛreŋ dɔŋŋ lɛ mli.” Shi mɛi komɛi sɔleɔ ni amɛnyɛɛɛ amɛkpa hu. Mɛni ji ɛnaagba lɛ?

Ebaanyɛ efee be ni amɛkɛ-sɔleɔ lɛ. Shɛrelɔ ko sɔleɔ lebi kɛ gbɛkɛ, ni kɛ egbɔjɔ ni eshɛre lɛ, esɔleɔ ehaa Yehowa ni ekɛɔ Lɛ akɛ eedɔ lɛ waa yɛ nɔ ni efee lɛ he. Enaanyo ko ni ji Kristofonyo bi lɛ akɛ: “Ani jeee be ni Nyɔŋmɔ yelikɛbuamɔ he hiaa bo waa ji be mli ni oyaafa sigaret lɛ he lɛ?” Beni nuu nɛɛ sɔle yɛ nɛkɛ be nɛɛ mli lɛ enine shɛ yelikɛbuamɔ ni ha ekpa lɛ nɔ!

Nɔ ni kɛ mɛi pii asusumɔ kpaaa gbee ji akɛ, akase ana akɛ tsutsu sigaret shɛrelɔi ni kpa trukaa lɛ nyɛ amɛdamɔ emli naagbai lɛ anaa jogbaŋŋ. Nilelɔi Saul M. Shiffman kɛ Murray E. Jarvik ni yɔɔ California University yɛ Los Angeles lɛ tsɔɔ mli, akɛ abɔ ni ashɛreɔ lɛ nɔ ni ayaafo fiofio lɛ “gbalaa [shɛrelɔi] lɛ anaagba lɛ shi ni ewajeɔ amɛhenumɔi. Etsɛɛ ni ehaa amɛjeɔ eshɛremɔ shishi.”

Ekpamɔ lɛ sɛɛ gbii fioo lɛ baafee nɔ ni mli wa waa. No hewɔ lɛ nɔ ni baanyɛ aye abuɔ ji ni ooosusu sɛɛnamɔi ni aaajɛ ekpamɔ lɛ mli aba lɛ ahe. Ekome ji shika ni abaa yi. Ebaanyɛ efa babaoo! Nuu ko ŋma akɛ: “Mikɛ Amerika shika dɔla 2 woɔ susu adeka ko mli nɔ ni kulɛ mikɛ baahe sigaret lɛ. Yɛ afi pɛ mli lɛ mana dɔla 700 ni mikɛhe atade ko ni yɔɔ fɛo ni jara wa maha miŋa.”

Mɛi pii kɛ nyɛmɔ ni mliwa kpaa shɛremɔ kwraa aaafee otsi loo nɔ̃, ni amɛnyɛɔ amɛdamɔɔ emli naagbai lɛ anaa. Shi taakɛ World Health lɛ kɛɛ lɛ: “Eshɛɔ heko ni mliwa, yɛ klɛŋklɛŋ otsi lɛ kɛ nɔ ni ji etɛ lɛ teŋ. No beaŋ anyɛɔ ajeɔ eshɛremɔ shishi ekoŋŋ.” No hewɔ lɛ esa akɛ aya nɔ awuu ta lɛ!

Be fɛɛ be ni eeeba otsine lɛ, muu kɔɔyɔɔ kpakpa waa shii enyɔ loo etɛ. Taomɔ nɔ ko ohiɛ odɛ yɛ be fɛɛ mli, tamɔ ŋkatiɛ, carrot, chew gum, sikletɛ kɛ nibii krokomɛi ni tamɔ nakai. Nuu nu pii, tamɔ aduawai amli nu, akutu ni oye niyenii kpakpa.

Kpɔiaŋgbɔlemɔ he hiaa waa. Bɔɔ foijee bibii, baesekre nɔ tamɔ, ŋshɔ loo faa wumɔ he mɔdɛŋ. Jɔɔmɔ ohe. Wɔ mra, beni afee ni ekatɔo tsɔ. Kɛ́ oosumɔ ni okpa sigaret shɛremɔ lɛ obaanyɛ ofee nakai!

Nɔ Hewɔ Ni Ekpamɔ He Mɔdɛŋbɔɔ Sa

Ekpamɔ mli sɛɛnamɔi lɛ fa babaoo. Nɔ ni fata he ji gbɔmɔtsoŋ hewalɛnamɔ kɛ wala sɛɛkɛlɛ he gbɛkpamɔ, shi babaoo hu yɛ. Mɔ ko ni shɛreɔ tsutsu kɛɛ akɛ: “Mikpa adebɔɔ mli nibii ni ŋɔɔ ni yɔɔ lɛ shi ekoŋŋ, tamɔ naasaa nɛkɛ. Miyoo yɛ koo mli nyiɛmɔ mli akɛ nibii ahe ŋma ni minuɔ lɛ sorosoro kwraa; etamɔ shihilɛhe hee ko mlibotemɔ.”

Shi sɛɛnamɔ ni da fe fɛɛ lɛ ji akɛ, kɛ́ okpa lɛ belɛ oojie su ko ni Nyɔŋmɔ sumɔɔɔ ni okuuŋbii hu sumɔɔɔ lɛ kɛmiijɛ ohe. Kɛji akɛ oosumɔ ni aye abuao ni okpa akɛ́ni oosumɔ ni ofee Yehowa Nyɔŋmɔ suɔmɔnaa nii ni ona ehiɛ duromɔ hewɔ lɛ, no lɛ ŋmaa oyaha mɛi ni fee Buu-Mɔɔ lɛ. Ebaŋɔɔ amɛ naa akɛ amɛaatsu sɔɔlɔ ko ni he esa kɛba oshia ni ebaye ebuao yɛ ŋmalɛ lɛ mli ni onyɛ okpa sigaret shɛremɔ