Yesu Shihilɛ Kɛ Esɔɔmɔ Nitsumɔ

Shimɔ Be Mli Ŋaawoo

AYE kaimɔ niyenii Iɛ agbe naa, shi Yesu kɛ ebɔfoi Iɛ yɛ ŋwɛitsu lɛ nɔ lolo. Eyɛ mli akɛ etsɛŋ ni Yesu baaya moŋ, shi eyɛ nibii pii ni ebaakɛɛ amɛ lolo. Eshɛje amɛmii akɛ: “Nyɛkayea nyɛtsuii; nyɛhea Nyɔŋmɔ nɔ nyɛyea.” Shi babaoo he miihia lolo. Ekɛfata he akɛ: “Ni mi hu nyɛhea minɔ nyɛyea.”

Yesu tee nɔ akɛ: “Shihilɛ hei pii yɛ mitsɛ we Iɛ; jeee nakai kulɛ, mikɛɛ momo; ejaakɛ miiya ni mayasaa gbɛhe mato nyɛ, . . . koni he ni miyɔɔ lɛ, nyɛ hu nyɛhi jɛi. Ni he ni miyaa lɛ, nyɛle.” Bɔfoi Iɛ nuuu shishi akɛ Yesu miiwie ŋwɛi ni ebaaya lɛ he, no hewɔ Iɛ Toma bi Iɛ akɛ: “Nuŋtsɔ, wɔleee he ni oyaa, ni te aaafee tɛŋŋ ni wɔɔnyɛ gbɛ lɛ wɔle hu?”

Yesu ha hetoo akɛ: “Mi nɔŋŋ ji gbɛ Iɛ kɛ anɔkwale lɛ kɛ wala lɛ.” Hɛɛ, ja mɔ ko kpɛlɛɔ enɔ ni enyiɛɔ eshihilɛ gbɛ lɛ sɛɛ dani mɔ Iɛ aaanyɛ abote Tsɛ Iɛ ŋwɛi shihilɛ he lɛ, ejaakɛ, taakɛ Yesu kɛɛ lɛ: “Mɔ ko baaa Tsɛ Iɛ ŋɔɔ, akɛ ja etsɔ minɔ.”

Ni Filipo bi lɛ akɛ: “Nuŋtsɔ, tsɔɔmɔ wɔ Tsɛ lɛ, ni no fa ha wɔ.” Eka shi faŋŋ akɛ Filipo miitao ni Yesu aha amɛ Nyɔŋmɔ okadi ko ni baajie Nyɔŋmɔ kpo etsɔɔ yɛ faŋŋ mli, taakɛ afee yɛ blema bei amli yɛ ninaai amli aha Mose, Elia, kɛ Yesaia lɛ. Shi, yɛ faŋŋ mli lɛ, bɔfoi Iɛ yɛ nɔ ko ni hi kwraa fe ninaai ni tamɔ nomɛi, taakɛ Yesu tsɔɔ mli lɛ: “Jeeŋmɔ ni mikɛ nyɛ yɔɔ nɛɛ, oleko mi lolo, Filipo? Mɔ ni ena mi lɛ, ena Tsɛ lɛ.”

Yesu jieɔ e-Tsɛ Iɛ su kpo yɛ gbɛ ni mɔɔ shi jogbaŋŋ nɔ aahu akɛ kɛ akɛ lɛ hi shi ni ayɔse lɛ lɛ, etamɔ nɔ ni mɔ Iɛ ena Tsɛ lɛ nɔŋŋ. Shi kɛlɛ, Tsɛ lɛ nɔ kwɔ fe Bi lɛ, taakɛ Yesu kpɛlɛɔ nɔ lɛ: “Wiemɔi ni mikɛ nyɛ wieɔ lɛ, jeee mi diɛŋtsɛ miyiŋ mitoɔ miwieɔ.” Yesu kɛ yijiemɔ ni jɛɔ enitsɔɔmɔ lɛ mli baa lɛ fɛɛ haa eŋwɛi Tsɛ lɛ yɛ gbɛ ni ja nɔ.

Kwɛ bɔ ni ebaawo bɔfoi lɛ hewalɛ waa akɛ amɛaanu ni Yesu miikɛɛ amɛ nɛkɛ: “Mɔ ni heɔ minɔ yeɔ lɛ, nitsumɔi ni mitsuɔ lɛ, lɛ hu eeetsu, ni eeetsu nii ni fe nomɛi tete”! Yesu etsɔɔɔ akɛ esɛɛnyiɛlɔi lɛ baatsu hewalɛ nibii ni yɔɔ naakpɛɛ fe bɔ ni Iɛ etsu lɛ. Dabi, shi moŋ eetsɔɔ akɛ amɛbaaya nɔ amɛtsu sɔɔmɔ nitsumɔ Iɛ yɛ be babaoo mli, kɛyashɛ shɔŋŋ, kɛyashɛ mɛi babaoo hu aŋɔɔ.

Kɛ Yesu shi amɛ etee lɛ, ekuŋ ehiɛ efɔŋ ekaselɔi Iɛ anɔ. Ewo amɛ shi akɛ: “Nɔ fɛɛ nɔ ni nyɛaakpa he fai yɛ migbɛi anɔ lɛ, no mafee.” Ekɛɛ kɛfata he hu akɛ: “Mi Iɛ mabi Tsɛ lɛ, ni eeeha nyɛ hefatalɔ kroko, koni ekɛ nyɛ ahi shi kɛya naanɔ; anɔkwale mumɔ lɛ.” Yɛ sɛɛ mli, beni ekwɔ kɛtee ŋwɛi Iɛ sɛɛ lɛ, Yesu fɔse mumɔ krɔŋkrɔŋ lɛ, ni ji hefatalɔ kroko nɛɛ eshwie ekaselɔi lɛ anɔ.

Be eshɛ ni Yesu baaku esɛɛ eya, taakɛ ekɛɛ lɛ: “Eshwɛ fioo kɛkɛ ni je Iɛ enaŋ mi dɔŋŋ.” Yesu baatsɔ mumɔŋ bɔɔnɔ ni adesai ko nyɛŋ ana lɛ. Shi Yesu wo ebɔfoi anɔkwafoi lɛ ashi ekoŋŋ akɛ: “Shi nyɛ lɛ, nyɛmiina mi; ejaakɛ mihiɛ kã, ni nyɛ hu nyɛhiɛ aaakã.” Hɛɛ, jeee akɛ Yesu baajie ehe kpo etsɔɔ amɛ yɛ adesa su mli yɛ eshitee kɛjɛ gbohii ateŋ lɛ sɛɛ kɛkɛ, shi moŋ yɛ be ni sa mli Iɛ ebaatee amɛ shi kɛba wala mli yɛ emasɛi yɛ ŋwɛi akɛ mumɔŋ bɔɔnii.

Kɛkɛ ni Yesu jaje nɛkɛ mla ni yɔɔ mlɛo nɛɛ: “Mɔ ni mikitai Iɛ yɔɔ edɛŋ ni eyeɔ nɔ lɛ, lɛ ji mɔ ni sumɔɔ mi; ni mɔ ni sumɔɔ mi lɛ, mi-Tsɛ aaasumɔ lɛ, ni mi hu masumɔ lɛ, ni majie mihe shi matsɔɔ lɛ.”

Kɛkɛ ni bɔfo Yuda, mɔ ni atsɛɔ lɛ akɛ Tadeo hu lɛ, fo mli ni ekɛɛ: “Nuŋtsɔ, mɛni eba hewɔ ni wɔ kɛkɛ ebaajie ohe shi otsɔɔ, ni ojieŋ otsɔŋ je lɛ?”

Yesu ha hetoo akɛ: “Kɛji mɔ ko miisumɔ mi lɛ, eeeye miwiemɔi lɛ nɔ, ni mitsɛ aaasumɔ lɛ, . . . Mɔ ni sumɔɔɔ mi lɛ, eyeee miwiemɔi Iɛ anɔ.” Je lɛ tamɔɔɔ esɛɛnyiɛlɔi ni boɔ Iɛ toi lɛ, ejaakɛ amɛkuɔ amɛhiɛ amɛshwieɔ Yesu tsɔɔmɔi lɛ anɔ. No hewɔ lɛ ejieee ehe kpoo etsɔɔɔ amɛ.

Yesu tsɔɔ ebɔfoi lɛ nibii pii yɛ eshikpɔŋ nɔ sɔɔmɔ nitsumɔ Iɛ mli. Te aaafee tɛŋŋ ni amɛkai enɛɛmɛi fɛɛ, titri Iɛ, akɛni kɛbashi amrɔ nɛɛ, amɛnuuu nibii pii ashishi lolo lɛ? Shi miishɛɛ sane ji akɛ, Yesu wo amɛ shi akɛ: “Shi hefatalɔ Iɛ, ni ji mumɔ krɔŋkrɔŋ Iɛ, mɔ ni Tsɛ Iɛ baatsu yɛ migbɛi anɔ lɛ, lɛ eeetsɔɔ nyɛ nii fɛɛ, ni eeekai nyɛ nii fɛɛ ni mikɛɛ nyɛ lɛ.”

Beni eshɛjeɔ amɛmii ekoŋŋ lɛ, Yesu kɛɛ: “Hejɔlɛ mishiɔ maha nyɛ, hejɔlɛ ni ji minɔ Iɛ miŋɔhaa nyɛ, . . Nyɛtsuii akayea, ni asaŋ ekafãa.” Eji anɔkwale, Yesu miiya, shi etsɔɔ mli akɛ: “Nyɛmiisumɔ mi kulɛ, nyɛaana miishɛɛ akɛ miiya Tsɛ lɛ ŋɔɔ, ejaakɛ mi-Tsɛ da fe mi.”

Be ni eshwɛ ni Yesu kɛ amɛ baahi shi Iɛ faaa dɔŋŋ, Ekɛɛ: “Mikɛ nyɛ ewieŋ nibii pii dɔŋŋ, ejaakɛ je lɛŋ lumɔ Iɛ miiba, ni ebɛ nɔ ko yɛ mimli.” Satan Abonsam, mɔ ni nyɛ ebote Yuda mli ni enine nyɛ eshɛ enɔ Iɛ ji je lɛŋ lumɔ Iɛ. Shi eshafeemɔ he gbɔjɔmɔ ko bɛ Yesu mli ni Satan nine baanyɛ ashɛ nɔ ni ejie lɛ kɛjɛ Nyɔŋmɔ sɔɔmɔ he. Yohane 14:​1-31; 13:​27; Luka 22:​3, 4; 2 Mose 24:​10; 1 Maŋtsɛmɛi 19:​9-13; Yesaia 6:​1-5.

▪ Nɛgbɛ Yesu yaa, ni mɛɛ hetoo Toma nine shɛ nɔ ni kɔɔ gbɛ ni yaa jɛmɛ lɛ he?

▪ Eka shi faŋŋ akɛ, mɛni Filipo taoɔ ni Yesu afee, kɛtsɔ nii ni ebi lɛ nɔ?

▪ Mɛni hewɔ ni mɔ ni ena Yesu Iɛ, ena Tsɛ Iɛ hu lɛ?

▪ Mɛɛ gbɛ nɔ Yesu sɛɛnyiɛlɔi Iɛ tsuɔ nitsumɔi wuji fe bɔ ni lɛ etsu Iɛ yɛ?

▪ Mɛɛ shishinumɔ naa Satan nine nyɛɛɛ ashɛ Yesu nɔ yɛ lɛ?