Shishigbɛ Niŋmaa

a Enɛɛmɛi fɛɛ tee nɔ yɛ “otsii nyɔŋmai kpawo” ni ji afii ni awie he yɛ Daniel 9:​24-27a lɛ naagbee otsi lɛ fã lɛ mli. Nakai “otsii” 70 lɛ mli Yehowa tee nɔ emɔ Abraham kpaŋmɔ lɛ mli eha heloo naa Israelbii lɛ, nɔni Israelbii lɛ na amɛhe yɛ mli yɛ Abraham seshibii ni amɛji diɛŋtsɛ hewɔ lɛ. (1 Mose 12:​1-3; 22:18) Nɔni kɛ Filipo ni jo foi yɛ yiwaa lɛ naa ketee Samaria lɛ kpaaa gbee lɛ, Bɔfoi lɛ Asaji 11:19 kɛɛɔ akɛ: “Agbɛnɛ mɛi ni gbɛ shwa yɛ Stefano amanehulu lɛ mli lɛ fo mli kɛtee Foinike kɛ Kipro [ŋshɔkpɔ lɛ nɔ] ko Antiokia [ni yɔɔ Siria] tɔ̃ɔ, shi amɛjajeee wiemɔ lɛ amɛtsɔɔɔ mɔkomɔko akɛ ja Yudafoi lɛ kɛkɛ.” “Otsii” 70 ni ji duromɔ be titri kɛha heloo naa Yudafoi yɛ Abraham kpaŋmɔ lɛ hewɔ lɛ ba naagbee yɛ afi 36 Ŋ.B. lɛ shishijee mli, ni enɛ kɛ Yesu baptisimɔ lɛ kɛ mumɔ ni akɛfɔlɛ mu yɛ afi 29 Ŋ.B. lɛ mli lɛ fɛɛ je shishi. Nohewɔ lɛ kplɛmɔ ni akplɛ Samariabii ni abaptisiamɛ lɛ nɔ koni amɛbote ŋwɛi Maŋtsɛyeli lɛ hegbɛi sɔrɔtoi amli lɛ gbeleee gbɛ kɛhaaa mɛikrokomɛi fɛɛ ni jeee Yudafoi lɛ “kɛyashi shikpɔŋ lɛ naagbeehei lɛ.” ni eleee Jeŋmajiaŋbii ni afokoamɛ ketia ni amɛaaho yuu amɛba Kristofoi asafo lɛ ni akɛ mumɔ efɔamɛ lɛ asafoi lɛ amli lɛ ashiashi.