Kora—Atuatselɔ ní Yeɔ Awuŋa

 4. (a) Namɔ ji Kora, ni mɛɛ yinɔsane mli nifeemɔi komɛi ŋwanejee ko bɛ he akɛ efata he? (b) Mɛɛ nifeemɔ fɔŋ ko Kora wo he hewalɛ yɛ eshihilɛ naagbee gbɛ?

⁴ Kora ji Kahat Levinyo, ni ji Mose kɛ Aaron tsɛkwɛ binuu. Eka shi faŋŋ akɛ, ekɛ afii nyɔŋmai abɔ ye Yehowa anɔkwa. Kora ná hegbɛ akɛ eeefata mɛi ni ahere amɛyiwala yɛ naakpɛɛ gbɛ nɔ kɛtsɔ Ŋshɔ Tsuru lɛ mli lɛ ahe, ni ekolɛ, ená Yehowa kojomɔ ni atsu he nii ashi Israelbii ni já tsinabi amaga yɛ Sinai Gɔŋ lɛ nɔ lɛ mli gbɛfaŋnɔ. (2 Mose 32:26) Shi, yɛ naagbee lɛ, Kora bafee mɔ ni nyiɛ hiɛ ni ate shi awo Mose kɛ Aaron, ní Reubenbii ni ji Datan, Abiram, kɛ On, kɛ Israel lumɛi 250 fata he lɛ.a Amɛkɛɛ Mose kɛ Aaron akɛ: “Nyɛmiitsɛ nyɛhe pii tsɔ; ejaakɛ asafo lɛ fɛɛ kwa, mɛi krɔŋkrɔŋi sɔŋŋ ni, ni Yehowa yɛ amɛteŋ; ni mɛɛ ba nyɛwoɔ nyɛhe nɔ yɛ Yehowa asafo lɛ nɔ mɔ?”—4 Mose 16:1-3.