Sanebimɔi Ni Jɛ Kanelɔi Adɛŋ

◼ Te esa akɛ hiɛdɔɔ ni Kristofonyo Iɛ kɛaate shi awo Ia ni afa loo kojomɔ he ko efa akɛ akɛha Iɛ Iɛ mli awa aha tɛŋŋ?

Esoro shihilɛi Iɛ fɛɛ eko, no hewɔ Iɛ mla ko bɛ ni tsuɔ fɛɛ he nii. Ale Kristofoi jogbaŋŋ akɛ ‘amɛkɛ Kaisare nii haa Kaisare,’ ni amɛboɔ nɔyeli Iɛ mlai atoi. Ni kɛlɛ, amɛle akɛ amɛ gbɛnaa nii titri ni fe fɛɛ ji ni amɛkɛ “Nyɔŋmɔ nii aha Nyɔŋmɔ,” koni amɛkaku emla mli​—Marko 12:⁠17

Romabii 13:​1-7 wieɔ wekukpaa ni ka Kristofonyo lɛ kɛ “hegbɛi ni yeɔ nɔ” lɛ teŋ Iɛ he. Nɔyelii nɛɛ yɛ hegbɛ akɛ amɛfeɔ mlai loo amɛkɛ famɔi haa, titri Iɛ koni ahi aha gbɔmɛi lɛ fɛɛ. Ni nɔyelii lɛ hu ‘hiɛ tsi’ ni amɛkɛkwɛɔ koni aye mla nɔ ‘ni amɛjieɔ mlifu kpo yɛ mɔ ni feɔ efɔŋ yɛ amɛmla naa Iɛ nɔ.’ Akɛni Kristofoi yɔɔ hegbɛi ni yeɔ nɔ lɛ ashishi hewɔ lɛ, amɛsumɔɔ ni amɛye mlai kɛ kojomɔ he famɔi anɔ, shi esa akɛ heshibaa nɛɛ afee nɔ ni husu yɔɔ mli. Kɛ abi ni Kristofonyo aba ehe shi eha nɔ ko ni ele akɛ ebaaku Nyɔŋmɔ mla ni nɔ kwɔ lɛ mli lɛ, ŋwɛi mla lɛ ji nɔ ni baa klɛŋklɛŋ; no ji otu.

Abaanyɛ akɛ ŋmɛnɛŋmɛnɛ beaŋ mlai komɛi ni hi atsu nii yɛ gbɛ ni ejaaa nɔ ni abaanyɛ atsɔ nɔ akɛ famɔ aha ni anyɛ Kristofonyo ko nɔ ni aha Iɛ la. Yɛ shihilɛ ni tamɔ nɛkɛ mli lɛ, esa akɛ Kristofoi akɔ shidaamɔ ni bɔfo Petro kɔ Iɛ nɔŋŋ: “Esa akɛ aboɔ Nyɔŋmɔ moŋ toi fe gbɔmɛi.”​—Bɔfoi lɛ Asaji 5:⁠29.

Yehowa fa Israelbii lɛ akɛ: “Tswaa ofai shi shiŋŋ akɛ oyeŋ Ia, ejaakɛ la lɛ ji susuma Iɛ ni kaaye susuma lɛ kɛ loo lɛ fɛɛ.” (5 Mose 12:​23, NW) Yudafoi a-Biblia ko ni atsɔɔ shishi yɛ 1917 mli lɛ kaneɔ nɛkɛ: “Daamɔ shi shiŋŋ kɛkɛ yɛ la lɛ ni oyeŋ lɛ mli.” Ni lsaac Leeser tsɔɔ kuku nɛɛ shishi akɛ: “Tswaa ofai shi shiŋŋ kɛkɛ koni okaye la lɛ.” Ani etamɔ nɔ ni Nyɔŋmɔ tsuji baafee mɛi ni mla nɛɛ nɔ yeli jeee amɛhe sane ko?

Kristofoi efee mɛi ni amɛtswa amɛfai shi shiŋŋ kɛ yiŋtoo kpakpa hu, akɛ amɛbaabo Nyɔŋmɔ toi, kɛji akɛ nɔyeli ko tsɔɔ nɔ kroko ni esa akɛ amɛfee po. Nilelɔ Robert L. Wilken ŋma akɛ: “Jeee akɛ Kristofoi kpooɔ [Roma] asraafoi anitsumɔ kɛkɛ, shi amɛkpɛlɛŋ maŋ lɛ mli nitsumɔ gbɛhe loo gbɛnaa nii ko ni aaaha amɛye maji lɛ anɔ Iɛ nɔ.” (The Christians as the Romans Saw Them) Ekpoomɔ baaha atsɛ amɛ akɛ mla mlikulɔi Ioo abu amɛ gbele fɔ akɛ akɛ amɛ aya Roma shwɛmɔ he lɛ.

Esa akɛ Kristofoi ni yɔɔ ŋmɛnɛ lɛ hu adamɔ shi shiŋŋ, ni amɛtswa amɛfai shi akɛ, amɛkuŋ ŋwɛi mla Iɛ mli, kɛji akɛ enɛ kɛ amɛ baawo oshara ko mli yɛ jeŋ nɔyelii Iɛ ahiɛ. Mla ni kwɔ fe fɛɛ yɛ je muu fɛɛ​—Nyɔŋmɔ mla lɛ​—biɔ ni Kristofoi atsi amɛhe kɛjɛ la he, taakɛ bɔ ni afa amɛ akɛ amɛtsi amɛhe kɛjɛ ajwamaŋbɔɔ (bɔlɛnamɔ mli jeŋba shara) he lɛ. Biblia lɛ tsɛɔ nibii ni agu nɛɛ akɛ “nii ni he hiaa.” (Bɔfoi lɛ Asaji 15:​19-21, 28, 29) Esaaa akɛ abuɔ ŋwɛi mla ni tamɔ nɛkɛ akɛ nɔ ko ni he ehiaaa, akɛ nɔ ko ni ebaabo toi kɛ hegbɛ yɛ he loo ekɛ naagbai komɛi baaa. Esa akɛ abo Nyɔŋmɔ mla toi!

Belɛ wɔbaanyɛ wɔnu nɔ hewɔ ni Kristofonyo obalayoo fioo ni wɔtsi eta yɛ baafa 12 lɛ kɛɛ kojomɔ he Iɛ akɛ “ebuɔ la ni aaagbala awo emli Iɛ akɛ aatutua egbɔmɔtso lɛ ni ekɛ enɛ to kabonaatoo loo mɔ ni amɔɔ lɛ ekaa naa akɛ lɛ wɔɔ lɛ he” lɛ. Ani Kristofonyo yoo, gbekɛ loo onukpa, aaaŋmɛɛ ehe eha ni ato Iɛ kabonaa loo amɔ Iɛ ekaa naa ni akɛ lɛ awɔ, kɛji akɛ mla eŋmɛ gbɛ po akɛ atsu ajwamaŋbɔɔ kɛtsɔ tutuamɔ nɔ nɛɛ he nii Iɛ?

Nakai nɔŋŋ hu yiŋkɔshikɔshifeemɔ ko bɛ gbekɛyoo ni eye afii 12 ni wɔtsi eta yɛ nakai baafa lɛ nɔŋŋ lɛ jwɛŋmɔ mli akɛ ‘ekɛ ehewalɛ fɛɛ ni eeenyɛ ebua naa baawuu ashi famɔ ni kojomɔ he ko kɛaaha akɛ anyɛ enɔ akɛ la aha Iɛ lɛ, ni akɛ ebaabolɔ waa ni ekɛ amɛ anɔ, akɛ ebaata abui ni akɛ Ia tsɔɔ mli lɛ kɛjɛ eniji ahe faji lɛ amli ni ebaabɔ mɔdɛŋ ni efite kotoku ni la lɛ yɔɔ mli ni akɛtsotsoro esaatso Iɛ nɔ Iɛ.’ Etswa efai shi shiŋŋ akɛ ebaabo ŋwɛi mla Iɛ toi.

Yesu gbala ehe shi kɛjɛ asafo babaoo ko ni miitao amɛwo Iɛ maŋtsɛ Iɛ ahe. Nakai nɔŋŋ kɛji akɛ kojomɔ he ko efa ni aha lɛ Ia ni eka shi faŋŋ akɛ enɛ baaba nɔ Iɛ, Kristofonyo lɛ baahala ehe ni eeetsi kɛaajɛ nɔ ni aaaha nine ashɛ enɔ koni eku Nyɔŋmɔ mla mli nɛɛ he. (Mateo 10:​16; Yohane 6:15) Yɛ nakai beaŋ nɔŋŋ Iɛ, Kristofonyo lɛ kɛ nilee baatao tsamɔ kroko ni ekɛto enɛ najiaŋ, koni ekɛbɔ mɔdɛŋ diɛŋtsɛ ni ehi wala mli ni enine ashɛ egbɔmɔtsoŋ hewalɛnamɔ nɔ ekoŋŋ.

Kɛji akɛ Kristofonyo ko bɔ mɔdɛŋ waa koni ekwa Nyɔŋmɔ mla ni kɔɔ la he lɛ mlikuu lɛ, nɔyelɔi lɛ baanyɛ abu lɛ mlatɔlɔ loo akɛ lɛ baaya saneyeli he. Kɛ nɔ ni jɛ mli ba ji toigbalamɔ Iɛ, Kristofonyo lɛ baanyɛ abu enɛ akɛ eena amanehulu yɛ jalɛ hewɔ. (Okɛto 1 Petro 2:​18-20 he.) Shi Kristofoi tsiɔ amɛhe kɛjɛɔ la ni akɛaaha amɛ lɛ he yɛ saji lɛ pii amli, ni tsofafeemɔ ni hi jogbaŋŋ eha amɛhe ewa amɛ, ni enɛ kɛ mla naa saji ni sɛɛ tsɛɔ baaa. Ni nɔ ni he hiaa fe lɛɛ Iɛ, amɛhiɛ amɛ emuuyeli mli amɛha amɛ Ŋwɛi Wala-Halɔ kɛ Kojolɔ lɛ.