Saji Ni Atsɛ Yisɛɛ Yɛ Wɔshiɛmɔ Kɛ Wɔshihilɛ Kpee Nifeemɔ Wolo Lɛ Mli
MAY 3-9
NYƆŊMƆ WIEMƆ LƐ MLI JWETRII | 4 MOSE 27-29
Pɛimɔ Ŋmalɛi Lɛ Amli Jogbaŋŋ
it-2 528 kk. 5
Afɔlei
Dãa afɔlei. Mose Mla lɛ bi ni kɛ́ Israelbii lɛ yaashã afɔlei ni amɛshãa lɛ ateŋ babaoo lɛ, amɛkɛ dãa afɔlei afata he, ni ebi ni amɛfee nakai, titri lɛ, be ni amɛyashɛ Shiwoo Shikpɔŋ lɛ nɔ lɛ. (4Mo 15:2, 5, 8-10) Wain ji “dãa” ni akɛshãa dãa afɔle lɛ, ni afɔseɔ ashwieɔ afɔleshaa latɛ lɛ nɔ.—4Mo 28:7, 14; okɛto 2Mo 30:9; 4Mo 15:10 lɛ he.
MAY 10-16
NYƆŊMƆ WIEMƆ LƐ MLI JWETRII | 4 MOSE 30-31
“Ye Oshiwoo Nɔ”
it-2 1162
Shi Ni Awoɔ Nyɔŋmɔ
Mla Lɛ Biii Ni Mɔ Awo Nyɔŋmɔ Shi, Shi Kɛ́ Mɔ Ko Fee Nakai Lɛ, Bɔ Fɛɛ Bɔ Ni Fee Lɛ Esa Akɛ Eye Nɔ. Mɔ diɛŋtsɛ jɛɔ esuɔmɔ mli ewoɔ Nyɔŋmɔ shi. Shi kɛ́ mɔ ko fee nakai nɔŋŋ lɛ, Nyɔŋmɔ mla lɛ biɔ ni eye nɔ. No hewɔ lɛ, kɛ́ mɔ ko wo Nyɔŋmɔ shi lɛ, akɛɔ akɛ ekɛ ‘sɔ̃ efɔ̃ esusuma nɔ,’ ni tsɔɔ akɛ, kɛ́ eyeee nɔ lɛ ekɛ ewala baatse. (4Mo 30:2; kwɛmɔ Ro 1:31, 32 lɛ hu.) Akɛni enɛ ji wala kɛ gbele sane hewɔ lɛ, eja jogbaŋŋ akɛ Biblia lɛ woɔ wɔ hewalɛ ni wɔsusu nii ahe jogbaŋŋ dani wɔwo Nyɔŋmɔ shi. Aŋma yɛ Mla lɛ mli akɛ: ‘Kɛ́ owo Yehowa shi lɛ, Nyɔŋmɔ baabi shi yɛ odɛŋ; kɛ́ ofeee nakai lɛ, no baatsɔ esha ehã bo. Shi kɛ́ owooo shi lɛ, oyeŋ fɔ yɛ esha ko hewɔ.’—5Mo 23:21, 22.
it-2 1162
Shi Ni Awoɔ Nyɔŋmɔ
Eji shi ni awoɔ kɛ hiɛdɔɔ akɛ abaafee nɔ ko, akɛ afɔle loo nikeenii ko baahã, abaatsu nitsumɔ ko loo abaahi shi yɛ gbɛ ko nɔ, loo abaatsĩ he naa yɛ nibii komɛi ahe, tsɛbelɛ Mla lɛ eguuu nibii nɛɛ. Shi ni awoɔ Nyɔŋmɔ lɛ ji nɔ ko ni ajɛɔ suɔmɔ mli afeɔ. Akɛni shiwoo nɛɛ yɛ hiɛdɔɔ hewɔ lɛ, abuɔ lɛ tamɔ kitakamɔ nɔŋŋ.—4Mo 30:2; Mat 5:33.
Pɛimɔ Ŋmalɛi Lɛ Amli Jogbaŋŋ
it-2 28 kk. 1
Yefta
Abaanyɛ akɛ mɔ ko ahã Yehowa kwraa ni esɔmɔ yɛ jamɔhe lɛ. Eji hegbɛ ko ni fɔlɔi yɔɔ yɛ amɛbii anɔ. Dani abaafɔ Samuel lɛ, emami Hana wo Nyɔŋmɔ shi akɛ, ekɛ lɛ baahã koni esɔmɔ yɛ sɔlemɔ buu lɛ mli. Ewu Elkana kpɛlɛ shiwoo nɛɛ nɔ. Be ni Hana tse Samuel fufɔ nɔŋŋ lɛ, ekɛ lɛ tee sɔlemɔ buu lɛ naa. Hana kɛ lɛ kɛ kooloo ni ekɛbaashã afɔle hu tee.—1Sa 1:11, 22-28; 2:11.
MAY 17-23
NYƆŊMƆ WIEMƆ LƐ MLI JWETRII | 4 MOSE 32-33
“Nyɛshwiea Shikpɔŋ Lɛ Nɔ Bii Lɛ Fɛɛ”
w10 8/1 23
Ani Ole?
Mɛni ji “hei grɔŋŋi” lɛ ni atsĩ ta waa yɛ Hebri Ŋmalɛ lɛ mli lɛ?
Be ni eshwɛ fioo ni Israelbii lɛ baashɛ Shiwoo Shikpɔŋ lɛ nɔ lɛ, Yehowa kɛɛ amɛ ni amɛkpãtã hei fɛɛ ni Kanaanbii ni yɔɔ jɛmɛ lɛ jáa amɛnyɔŋmɔi lɛ yɛ lɛ ahiɛ. Efã amɛ akɛ: “Nyɛkpãtãa amɛtɛ amagai lɛ fɛɛ kɛ amɛdade amagai lɛ fɛɛ ahiɛ, ni nyɛkumɔa amɛhei grɔŋŋi lɛ fɛɛ nyɛshwiea shi.” (4 Mose 33:52) Hei grɔŋŋi nɛɛ ni amɛjá amɛmale nyɔŋmɔi lɛ yɛ lɛ baanyɛ afee gɔŋkpɔi anɔ, loo jamɔhei ni amɛmamɔ yɛ hei krokomɛi yɛ tsei ashishi loo maji amli. (1 Maŋtsɛmɛi 14:23; 2 Maŋtsɛmɛi 17:29; Ezekiel 6:3) Amɛkɛ nibii komɛi tamɔ afɔleshaa latɛi, wɔŋ tɛi loo wɔŋ tsei, amagai, tsofa-kɛ-ŋmashãa latɛi, kɛ nibii krokomɛi ni amɛkɛjáa amɛnyɔŋmɔi lɛ wo hei nɛɛ.
it-1 404 kk. 2
Kanaan
Yɛ famɔ ni akɛhã akɛ akpãtã Kanaanbii lɛ ahiɛ lɛ gbɛfaŋ lɛ, “nibii fɛɛ ni Yehowa fã Mose lɛ, Yoshua shiii emli eko eko ní etsuuu he nii,” ni nilee yɛ nɔ ni efee lɛ mli. (Yos 11:15) Shi Israel maŋ lɛ ekaseee enɔkwɛmɔnɔ kpakpa lɛ ni amɛbaajie nibii fɛɛ ni hãa amɛbafeɔ mɛi ni he tseee yɛ Nyɔŋmɔ hiɛ lɛ kɛje shikpɔŋ lɛ nɔ. Kanaanbii lɛ ni Israelbii lɛ hã amɛtee nɔ amɛhi amɛteŋ lɛ, hã amɛhe wo muji yɛ Nyɔŋmɔ hiɛ, ni be ni be shwie mli lɛ, ehã amɛteŋ mɛi babaoo gboi fe bɔ ni kulɛ amɛbaagboi kɛ́ amɛye famɔ ni akɛhã amɛ akɛ amɛkpãtã Kanaanbii lɛ fɛɛ ahiɛ lɛ nɔ. Jeee gboimɔ kɛkɛ amɛgboi, shi ehã efɔŋfeemɔ, jeŋba sha, kɛ amagajamɔ hu he shi. (4Mo 33:55, 56; Koj 2:1-3, 11-23; La 106:34-43) Yehowa bɔ Israelbii lɛ kɔkɔ akɛ, ebaaye jalɛ sane, ni kɛ́ eekojo lɛ ekwɛŋ hiɛiaŋ. Ehã amɛle hu akɛ, kɛ́ amɛkɛ Kanaanbii lɛ bɔ, amɛkɛ amɛ bote gbãla mli, amɛkɛ amɛjamɔ lɛ futu Yehowa jamɔ lɛ, ni amɛkase amɛjamɔŋ kusumii kɛ jeŋba ni ekpɔtɔ lɛ, no lɛ, bɔ fɛɛ bɔ ni fee lɛ, abaakpãtã amɛhiɛ tamɔ bɔ ni afã akɛ akpãtã Kanaanbii lɛ ahiɛ lɛ nɔŋŋ, ni ‘shikpɔŋ lɛ baashwe amɛ eshwie.’—2Mo 23:32, 33; 34:12-17; 3Mo 18:26-30; 5Mo 7:2-5, 25, 26.
Pɛimɔ Ŋmalɛi Lɛ Amli Jogbaŋŋ
it-1 359 kk. 2
Husu
Be ni oshikifɔ̃ɔ lɛ ehã ana he ni weku fɛɛ weku baaná eshikpɔŋ yɛ lɛ, no sɛɛ lɛ, adamɔɔ weku fɛɛ weku dalɛ nɔ atsɔɔ he ni eshikpɔŋ lɛ naa baayawa. Afã amɛ akɛ: “Nyɛfɔ̃a oshiki kɛjaa shikpɔŋ lɛ nyɛhãa nyɛwekui lɛ akɛ amɛgbɛfaŋnɔ. Kui ni dara lɛ, nyɛhãa amɛgboshinii lɛ afaa, ni kui ni daraaa lɛ, nyɛtsea amɛgboshinii lɛ nɔ. Mɔ fɛɛ mɔ lɛ, he ni eshiki lɛ baagbee lɛ, jɛmɛ baatsɔ egboshinii.” (4Mo 33:54) Atsakeee he ni oshikifɔ̃ɔ lɛ hã ana akɛ weku fɛɛ weku baaná eshikpɔŋ yɛ lɛ, shi atsake he ni wekui lɛ ekomɛi ashikpɔji anaa yawaa. Enɛ hewɔ lɛ, be ni ana akɛ Yuda weku lɛ shikpɔŋ lɛ da tsɔ lɛ, akɛ shikpɔji komɛi ni yɔɔ enɔ lɛ mli lɛ, hã Simeon weku lɛ.—Yos 19:9.
KASEMƆ BƆ NI ASHIƐƆ JOGBAŊŊ
Mɛni Hewɔ Yehowa Hã Blema Israel Wu Ta Lɛ?
w09 10/1 30, akrabatsa
Tai Ni Nyɔŋmɔ Hã Awu
Blema Israel ji jeŋmaŋ ko ni Nyɔŋmɔ diɛŋtsɛ to shishi afii pii dani ato Kristojamɔ shishi, ni bei komɛi lɛ efãa amɛ ni amɛbua asraafoi anaa ni amɛyawu ta. Nyɔŋmɔ wo Abraham shi akɛ ekɛ Kanaan shikpɔŋ lɛ baahã Israelbii lɛ, shi be ni eshwɛ fioo ni amɛbaabote shikpɔŋ lɛ nɔ lɛ, ekɛɛ amɛ akɛ: “Yehowa, o-Nyɔŋmɔ lɛ, baaŋɔ [jeŋmaji kpawo] ewo odɛŋ, ni obaaye amɛnɔ kunim. Bɔ fɛɛ bɔ ni fee lɛ, kpatamɔ amɛhiɛ. Okɛ amɛ akakpaŋ kpaŋmɔ ko, ni kaana amɛ mɔbɔ hu.” (5 Mose 7:1, 2) No hewɔ lɛ, Tatsɛ Yoshua, ni ji Israelnyo lɛ, ye jeŋmaji nɛɛ ni ji amɛhenyɛlɔi lɛ anɔ kunim “tamɔ bɔ ni Yehowa, Israel Nyɔŋmɔ lɛ, efã lɛ pɛpɛɛpɛ.”—Yoshua 10:40.
Ani Israelbii lɛ ahiɛ ni kɔ̃ jeŋmaji nɛɛ ashikpɔŋ lɛ nɔ lɛ hewɔ amɛkɛ amɛwu ta ni amɛye amɛnɔ kunim lɛ? Dabi kwraa. Jeŋmaji nɛɛ kɛ amɛhe wo amagajamɔ, lashishwiemɔ, kɛ bɔlɛnamɔ jeŋba sha srɔtoi amli vii. Amɛkɛ gbekɛbii po shã afɔle yɛ la mli. (4 Mose 33:52; Yeremia 7:31) Akɛni Nyɔŋmɔ yɛ krɔŋkrɔŋ, eyeɔ jalɛ sane, ni esumɔɔ ewebii lɛ hewɔ lɛ, no tsirɛ lɛ koni ejie nibii fɛɛ ni he tseee lɛ kɛje nakai shikpɔŋ lɛ nɔ. Fɛɛ sɛɛ lɛ, Yehowa tao mɛi ni yɔɔ nɔ lɛ atsui mli, ni mɛi ni ena akɛ amɛmiitao amɛtsi amɛhe kɛje amɛgbɛi gbohii lɛ ahe lɛ, ehãaa akpãtã amɛhiɛ, ni enɛ ji nɔ ko ni tatsɛmɛi ni yɔɔ ŋmɛnɛ lɛ nyɛŋ afee.
MAY 31-JUNE 6
HII SHI AKƐ KRISTOFONYO
Yaa Nɔ Osaa Ohe Oto Yɛ ‘Naagbee Gbii Lɛ’ Anaagbee Gbii Lɛ Amli
nwtsty lɛ mli sane ni kɔɔ Mateo 24:8 lɛ he
kɔ̃ɔmɔi: Eji hejaramɔ ni naa wa waa ni yoohɔlɔ ni fɔmɔ eta ehe lɛ tsɔɔ mli. Akɛtsu nii yɛ ŋmalɛ nɛɛ mli kɛkɔ piŋmɔ, hejaramɔ, kɛ nɔnaa he, shi ebaanyɛ etsɔɔ hu akɛ, tamɔ bɔ ni ebaa lɛ yɛ yoohɔlɔ ni fɔmɔ eta ehe lɛ gbɛfaŋ lɛ, naagbai kɛ nɔnai amli baaya nɔ awo wu waa yɛ be ni baatsɔ amanehulu kpeteŋkpele, ni atsi tã yɛ Mat 24:21 lɛ hiɛ lɛ mli.
JUNE 7-13
NYƆŊMƆ WIEMƆ LƐ MLI JWETRII | 5 MOSE 3-4
“Yehowa Mlai Lɛ Ja Ni Nilee Yɛ Mli”
it-2 1140 kk. 5
Niiashishinumɔ
Kɛ́ mɔ ko kase Nyɔŋmɔ Wiemɔ lɛ kɛ ekitãi lɛ jogbaŋŋ ni ekɛtsu nii lɛ, no baahã eyoo nii asɛɛ waa fe etsɔɔlɔi, ni ebaanu nii ashishi fe onukpai. (La 119:99, 100, 130; okɛto Luk 2:46, 47 lɛ he.) Nɔ hewɔ ni ebaa lɛ nakai ji akɛ, Nyɔŋmɔ jɛ hiɛshikamɔ kɛ niiashishinumɔ mli ekɛ emlai kɛ eyiŋkpɛi ni ja lɛ hã; no hewɔ lɛ, kɛ́ Israelbii lɛ ye mlai kɛ yiŋkpɛi nɛɛ fɛɛ nɔ lɛ, no baahã maji ni bɔle amɛ lɛ ana amɛ akɛ ‘maŋ ni hiɛ kã shi ni nuɔ nii ashishi.’—5Mo 4:5-8; La 111:7, 8, 10; okɛto 1Ma 2:3 lɛ he.
JUNE 21-27
NYƆŊMƆ WIEMƆ LƐ MLI JWETRII | 5 MOSE 7-8
“Okɛ Amɛ Akaye Gbalahamɔ”
w12 7/1 29 kk. 2
Mɛni Hewɔ Yehowa Bi Ni Ewebii Lɛ Kɛ Mɛi Ni Jáa Lɛ Lɛ Pɛ Abote Gbãla Mli Lɛ?
Yehowa le akɛ, Satan miisumɔ ni ewebii lɛ ajá amale nyɔŋmɔi, koni no ahã amɛfee mɛi ni he tseee yɛ Yehowa hiɛ. Enɛ hewɔ lɛ, Nyɔŋmɔ bɔ Israelbii lɛ kɔkɔ akɛ, mɛi ni jáaa lɛ lɛ baahã ‘amɛbii lɛ aje esɛɛ ní amɛyasɔmɔ nyɔŋmɔi krokomɛi.’ Enɛ jeee shwɛmɔ sane. Ejaakɛ kɛ́ Israelbii lɛ yasɔmɔ nyɔŋmɔi krokomɛi lɛ, Nyɔŋmɔ náŋ amɛhe miishɛɛ ni ebuŋ amɛhe, ni ewaŋ kɛhãŋ amɛhenyɛlɔi akɛ amɛbaaye amɛnɔ kunim. Ni kɛ́ eba lɛ nakai lɛ, te aaafee tɛŋŋ afɔ Mesia lɛ yɛ maŋ ni tamɔ nakai mli lɛ? Eyɛ faŋŋ akɛ, enɛ hewɔ Satan sumɔɔ ni elaka Israelbii lɛ ni amɛkɛ mɛi ni jáaa Nyɔŋmɔ abote gbãla mli lɛ.
JUNE 28–JULY 4
NYƆŊMƆ WIEMƆ LƐ MLI JWETRII | 5 MOSE 9-10
“Mɛni Yehowa, O-Nyɔŋmɔ Lɛ, Biɔ Yɛ Odɛŋ?”
w09 10/1 10 kk. 3-4
Mɛni Yehowa Biɔ Yɛ Wɔdɛŋ?
Mɛni baanyɛ atsirɛ wɔ ni wɔjɛ wɔsuɔmɔ mli wɔbo Nyɔŋmɔ toi? Mose tsɔɔ wɔ nɔ kome, no ji: “Oshe Yehowa, o-Nyɔŋmɔ lɛ gbeyei.” (5 Mose 10:12) Ejeee gbeyei ni wɔsheɔ Nyɔŋmɔ akɛ kɛ́ wɔbooo lɛ toi lɛ ebaagbala wɔtoi, shi moŋ eji bulɛ ni mli kwɔ ni wɔyɔɔ kɛhã lɛ kɛ enifeemɔi lɛ. Kɛ́ wɔhiɛ gboɔ Nyɔŋmɔ waa lɛ, wɔsumɔŋ ni wɔfee nɔ ko ni esumɔɔɔ.
Shi, mɛni ji nɔ titri ni esa akɛ etsirɛ wɔ ni wɔbo Nyɔŋmɔ toi? Mose wie akɛ: “[Suɔmɔ Yehowa], ni osɔmɔ Yehowa, o-Nyɔŋmɔ lɛ, kɛ otsui fɛɛ kɛ osusuma fɛɛ.” (5 Mose 10:12) Jeee bɔ ni wɔnuɔ he wɔhãa lɛ kɛkɛ ni tsɔɔ akɛ wɔsumɔɔ Nyɔŋmɔ. Wolo ko gbála mli akɛ: “Bei komɛi lɛ, Hebri feemɔwiemɔi ni akɛtsɔɔ henumɔi amli lɛ kɔɔ nifeemɔi ni jɛɔ mli kɛbaa lɛ hu ahe.” Nakai wolo lɛ nɔŋŋ tsɔɔ mli akɛ, kɛ́ mɔ ko sumɔɔ Nyɔŋmɔ lɛ, “efeɔ nibii ni tsɔɔ akɛ esumɔɔ lɛ.” Nɔ ni enɛ tsɔɔ ji akɛ, kɛ́ wɔsumɔɔ Nyɔŋmɔ lɛɛlɛŋ lɛ, wɔbaafee nibii ni wɔle akɛ ebaasa ehiɛ.—Abɛi 27:11.
w09 10/1 10 kk. 6
Mɛni Yehowa Biɔ Yɛ Wɔdɛŋ?
Kɛ́ wɔjɛ wɔsuɔmɔ mli wɔbo Nyɔŋmɔ toi lɛ, ebaajɔɔ wɔ waa. Mose ŋma akɛ: “[Ye] Yehowa kitãi . . . ni miwoɔ bo ŋmɛnɛ gbi nɛɛ anɔ, koni ahi ahã bo diɛŋtsɛ.” (5 Mose 10:13) Hɛɛ, nɔ fɛɛ nɔ ni Yehowa biɔ yɛ wɔdɛŋ, ni ji ekitãi lɛ fɛɛ lɛ, wɔhilɛkɛhamɔ hewɔ ekɛhãa. Ebiŋ ni wɔfee nɔ ko ni baaye wɔ awui, ejaakɛ Biblia lɛ kɛɛ, “Nyɔŋmɔ lɛ, suɔmɔ ji lɛ.” (1 Yohane 4:8) Hewɔ lɛ, kitãi ni baahã ehi ehã wɔ kɛya naanɔ pɛ ekɛhã wɔ. (Yesaia 48:17) Kɛ́ wɔfee nibii fɛɛ ni Yehowa efã wɔ lɛ, wɔbaaye wɔhe kɛje naagbai pii ahe bianɛ, ni wɔsɛɛ lɛ, ebaajɔɔ wɔ kɛya naanɔ yɛ e-Maŋtsɛyeli lɛ shishi.
Pɛimɔ Ŋmalɛi Lɛ Amli Jogbaŋŋ
it-1 103
Anakbii
Amɛji gbɔmɛi akuu ko ni dara waa diɛŋtsɛ. Amɛhi Kanaan gɔji lɛ anɔ kɛ ŋshɔnaa maji komɛi amli, titri lɛ, yɛ Kanaan wuoyigbɛ. Anakbii lɛ ateŋ mɛi etɛ komɛi ni atsɛɔ amɛ Ahiman, Sheshai, kɛ Talmai, ni he gbɛ́i waa lɛ, hi Hebron. (4Mo 13:22) Jɛmɛ ji he klɛŋklɛŋ ni Hebri shikpálɔi 12 lɛ yana Anakbii lɛ yɛ, ni shikpálɔi lɛ ateŋ mɛi 10 kɛ amaniɛbɔɔ ni woɔ mɔ he gbeyei bahã akɛ, Anakbii lɛ ji Nefilim ni hi shi dani Nu Afua lɛ ba lɛ aseshibii, ni akɛ, kɛ́ Hebribii lɛ kɛ amɛhe to amɛhe lɛ, Hebribii lɛ tamɔ “agãi.”—4Mo 13:28-33; 5Mo 1:28.