Sanebimɔi ni jɛ Kanelɔi Adɛŋ

◼ Ani Yudanyo obalayoo Ester kɛ Pershia maŋtsɛ Iɛ na bɔlɛ yɛ gbɛ ni ejaaa nɔ bɔni afee ni ena ehiɛ duromɔ koni no aha ena hegbɛi hu?

Mɛi komɛi susuɔ nakai yɛ amaniɛbɔɔ ni ale jogbaŋŋ ni aŋmalaa Iɛ hewɔ, shi nibii ni aŋmala yɛ Biblia Iɛ mli ni anyɛɔ akɛ he fɔɔ nɔ lɛ teɔ shi ewoɔ nɛkɛ susumɔ nɛɛ.

Yudanyo yinɔsaneŋmalɔ Flavius Josephus kɛ amaniɛbɔɔ ko ni ale jogbaŋŋ lɛ haa akɛ Pershia maŋnyɛ Washti kpoo akɛ ebaaa ewu Ahashweros hiɛ. Amrɔ nɔŋŋ pɛ kɛkɛ ni maŋtsɛ Iɛ, ni eka shi faŋŋ akɛ lɛ ji Xerxes I ni hi shi yɛ klɛŋklɛŋ afii ohai enumɔ D.Ŋ.B. lɛ kɛ mlifu shwie Washti ni ekpɛlɛ nɔ ni akpa shi yɛ emaŋtsɛyeli Iɛ mli fɛɛ ni atao maŋnyɛ hee aha lɛ. Akɛ obalayei foji ni he yɔɔ fɛo ba ni akɛ be kakadaŋŋ saa amɛ koni amɛhe afee fɛo.

“Kɛkɛ ni, beni [maŋtsɛ Iɛ piafonyo lɛ] na akɛ be ni akɛkwɛ obalayei foji Iɛ fa bɔ ni sa . . . ni agbɛnɛ amɛsa mɛi ni kamɔɔ maŋtsɛ Iɛ saa Iɛ nɔ Iɛ, etsuɔ ni ayatsɛɔ mɔ kome daa gbi koni ekɛ maŋtsɛ lɛ abawɔ, ni kɛ ekɛ Iɛ na bɔlɛ egbe naa nɔŋŋ Iɛ, ewoɔ lɛ gbɛ amrɔ kɛyaa piafonyo Iɛ ŋɔɔ. Shi beni Ester ba eŋɔɔ Iɛ, ena obalayoo lɛ he miishɛɛ, ni beni ena ehe suɔmɔ babaoo Iɛ, eŋɔ Iɛ akɛ eŋa yɛ mla naa, ni amɛkpee amɛhe.”​—Jewish Antiquities, Book XI, 184-202, ni Ralph Marcus tsɔɔ shishi lɛ, (Book 11, yitso 6, kukuji 1, 2, taakɛ William Whiston tsɔɔ shishi lɛ).

Nɛkɛ amaniɛbɔɔ ni ale jogbaŋŋ nɛɛ baanyɛ aha mɔ ko asusu akɛ obalayei foji nɛɛ kɛ maŋtsɛ lɛ na bɔlɛ yɛ gbɛ ni ejaaa nɔ, ni akɛ nɔ ni esoro yɛ Ester sane lɛ mli kɛkɛ ji akɛ ejwamaŋbɔɔ lɛ tsa nɔ kɛyabote gbalashihilɛ mli ni no ha ebatsɔ maŋnyɛ. Shi kɛlɛ, Biblia lɛ kɛ amaniɛbɔɔ ni ja jogbaŋŋ ni haa mɔ tsui nyɔɔ emli hu haa wɔ.

Beni etsɔɔ nibii ni afee koni akɛsaa amɛ Iɛ sɛɛ lɛ. Biblia lɛ kɛɔ akɛ: “Ni nɛkɛ gbɛ nɔ obalayoo [fɛɛ obalayoo] tsɔɔ kɛyaa maŋtsɛ lɛ ŋɔɔ. . . . Eyaa gbɛkɛ, ni leebi Iɛ ekuɔ esɛɛ kɛyaa yei awe kroko lɛ, ni ekɛ lɛ woɔ Shaashgaz, maŋtsɛ piafonyo ni kwɛɔ ehemɛi Iɛ adɛŋ; eyaaa maŋtsɛ Iɛ ŋɔɔ dɔŋŋ, ja maŋtsɛ lɛ na ehe tsui, ni awo egbɛi atã atsɛ lɛ.”​—Ester 2:​13, 14.

Ŋmalɛ Iɛ kɛɔ akɛ “ekuɔ sɛɛ” ekɛ Ester “yaa yei awe kroko Iɛ” kɛha be kakadaŋŋ ni akɛsaa amɛ koni amɛhe afee fɛo lɛ: “Ni aŋɔ Ester kɛtee maŋtsɛ Ahashweros ŋɔɔ . . . Ni maŋtsɛ Iɛ sumɔ Ester fe yei lɛ fɛɛ, ni ehiɛ ba nyam yɛ ehiɛ ni ena ehe miishɛɛ fe obalayei Iɛ fɛɛ, ni eŋɔ maŋnyɛyeli akekre efi eyitso, ni ewo Iɛ maŋnyɛ yɛ Washti najiaŋ.”​—Ester 2:​8, 9, 16, 17.

Ani okadi kɛjɛ Biblia lɛ mli sane Iɛ mli he ni akɛ yei Iɛ yaa yɛ be mli ni amɛkɛ maŋtsɛ Iɛ eye jenamɔ lɛ sɛɛ lɛ? ‘Akɛ amɛ yaa yei awe ni ji enyɔ lɛ yɛ maŋtsɛ hemɛi lɛ akwɛlɔ Iɛ hebuu shishi.’ No hewɔ Iɛ amɛtsɔmɔ maŋtsɛ Iɛ hemɛi. Mordekai, mɔ ni ŋma Biblia mli wolo ni ji Ester lɛ, ji Hebrinyo, ni yɛ emaŋbii Iɛ ateŋ yɛ nakai beaŋ​—lɛ, hemɔ yɛ gbɛhe ko ni haa abuɔ lɛ akɛ ŋa ni ji enyɔ. Nyɔŋmɔ mla lɛ haa hegbɛ akɛ Israel nuu baanyɛ ekɛ maŋsɛɛ obalayoo ni amɔ Iɛ yɛ ta mli lɛ ahi shi, ni ebatsɔɔ ehemɔ, aloo eŋa ni ji enyɔ, ni enaa hegbɛi komɛi ni mla buɔ ehe hu. (5 Mose 21:​10-17; okɛto 2 Mose 21:​7-11 he.) Bii ni nakai mla naa hemɛi lɛ fɔɔ Iɛ yɛ mla naa hegbɛi ni no hewɔ Iɛ amɛnyɛɔ amɛnaa gboshinii. Yakob bihii 12, ni ji Israel akutsei 12 lɛ ablematsɛmɛi Iɛ ji bii ni ekɛ eŋamɛi lɛ kɛ emla naa hemɛi lɛ fɔ.​—1 Mose 30:​3-13.

Bɔ ni afeɔ enɛ ahaa ji akɛ beni obalayei foji Iɛ etee maŋtsɛ Iɛ ŋɔɔ amɛba sɛɛ lɛ, amɛyaa yei loo hemɛi awe lɛ. Enɛ tsɔɔ akɛ amɛbatsɔmɔɔ eŋamɛi bibii.

Ni Ester hu? Biblia lɛ ekɛɛɛ akɛ ekɛ maŋtsɛ Iɛ wɔ ni no hewɔ lɛ ena ehiɛ duromɔ. Ekɛɛɛ nɔ ko yɛ bɔ ni akɛ Iɛ tee yei awe lɛ he, shi ekɛɔ kɛkɛ akɛ: “Ni aŋɔ Ester kɛtee maŋtsɛ Ahasweros ŋɔɔ yɛ emaŋtsɛyeli shia lɛ . . . Ni maŋtsɛ lɛ sumɔ Ester fe yei lɛ fɛɛ.” Kaimɔ akɛ, mra mli kɛtsɔ hiɛ lɛ, “ehiɛ ba nyam” yɛ “Hegai, yei akwɛlɔ Iɛ” hiɛ ni eŋmɛko obalayoo foro ni eji lɛ he yɛ bɔlɛnamɔ mli koni akɛsaa. Kɛfata he lɛ: “Ester hiɛ ba nyam yɛ mɛi fɛɛ ni naa lɛ lɛ hiɛ.” (Ester 2:​8, 9, 15-17) No hewɔ Iɛ eyɛ faŋŋ akɛ Ester sa maŋtsɛ Iɛ hiɛ ni no ha ena bulɛ kɛha lɛ, taakɛ bɔ ni ena bulɛ kɛjɛ mɛi krokomɛi adɛŋ lɛ.

Kwɛ bɔ ni esa akɛ wɔda shi wɔha akɛ wɔnine eshɛ anɔkwalei kɛ sanesɛɛkɔmɔ ni Biblia lɛ kɛhaa wɔ lɛ nɔ! Eyɛ mli akɛ wɔkɛ nibii ni ba Iɛ ateŋ be jɛkɛmɔ fe afii akpei abɔ moŋ, shi kɛlɛ wɔyɛ yiŋtoo kɛha hekɛnɔfɔɔ akɛ Ester fee enii kɛ jeŋba kpakpa yɛ gbɛ ni kɛ Nyɔŋmɔ shishitoo mlai kpaa gbee Iɛ nɔ.