• Namɔ Ji Mɔ Ni He Hiaa Bo Fe Fɛɛ Yɛ Oshihilɛ Mli?
    Buu-Mɔɔ—2011 | May 15

    • 7, 8. Mɛɛ amanehului Hiob tsɔ mli, ni mɛni anɔkwa ni eye yɛ mli lɛ tsɔɔ?

      7 Yehowa ŋmɛ gbɛ ni Satan kɛ amanehului ni eko nyiɛ eko sɛɛ ba Hiob nɔ. (Hiob 1:12-19) Beni Hiob shihilɛ tsake lɛ, te efee enii yɛ he eha tɛŋŋ? Abɔ wɔ amaniɛ akɛ, “efeee esha ko, ni asaŋ ekɛ sane gbonyo ko shwaaa Nyɔŋmɔ.” (Hiob 1:22) Shi enɛ haaa Satan amua enaa. Etee nɔ ewie akɛ: “Akɛ hewolo haa yɛ hewolo najiaŋ, ni nɔ fɛɛ nɔ ní mɔ ko yɔɔ lɛ eŋɔhaa yɛ ewala hewɔ!”a (Hiob 2:4) Satan wie akɛ kɛ́ Hiob diɛŋtsɛ na nɔ̃ lɛ, ebaakwa Yehowa akɛ Mɔ ni he hiaa lɛ fe fɛɛ yɛ eshihilɛ mli.

  • Namɔ Ji Mɔ Ni He Hiaa Bo Fe Fɛɛ Yɛ Oshihilɛ Mli?
    Buu-Mɔɔ—2011 | May 15

    • a Biblia he nilelɔi komɛi susuɔ akɛ wiemɔ ni ji akɛ “hewolo haa yɛ hewolo najiaŋ” lɛ baanyɛ atsɔɔ akɛ, Hiob baajɛ pɛsɛmkunya mli eŋmɛ gbɛ ni ebii kɛ ekooloi aheloo loo awala aŋmɛɛ amɛ, kɛ́ no baaha lɛ Hiob lɛ nine ashɛ lɛ diɛŋtsɛ eheloo loo ewala nɔ. Mɛi krokomɛi hu susuɔ akɛ wiemɔ ni ji akɛ “hewolo haa yɛ hewolo najiaŋ” lɛ tsɔɔ akɛ mɔ ko baasumɔ ni ehewolo lɛ eko aŋmɛɛ lɛ kɛ́ no baaha ehi wala mli. Ákɛ nɔkwɛmɔnɔ lɛ, kɛ́ ayaatswa mɔ ko yitso nɔ̃ lɛ, ekolɛ mɔ lɛ kɛ enine baasa naa ní enine he pɛ akpɔ koni ekɛbaa ewala yi. Bɔ fɛɛ bɔ ni agwaseaŋ wiemɔ nɛɛ shishi tsɔɔ lɛ, ekã shi faŋŋ akɛ etsɔɔ akɛ Hiob baasumɔ ni nɔ fɛɛ nɔ aŋmɛɛ lɛ kɛ́ nakai feemɔ baaha eya nɔ ehi wala mli.