5, 6. Mɛni ji nɔ ni David ŋma yɛ Mɔ ni wɔjaa lɛ lɛ he yɛ Lala 86?

⁵ Lala 86 mlitaomɔ baaye abua wɔ ni wɔyoo nɔ ni he hiaa ni wɔfee koni wɔna nakai jɔɔmɔ lɛ mli gbɛfaŋnɔ. David, ni ŋma lala ni jɛ mumɔŋ nɛɛ ji mɔ ni ale lɛ akɛ étu ehe eha anɔkwale jamɔ momo. Shi eyoo akɛ lɛ diɛŋtsɛ lɛ ehe miihia ni eya nɔ eshwere yɛ mumɔŋ, ni enɛ jeɔ kpo yɛ nɔ ni eŋma lɛ mli.

⁶ Egbalaa jwɛŋmɔ kɛyaa Mɔ ni ejaa lɛ lɛ nɔ, yɛ kukuji 8-10, akɛ: “Nuŋtsɔ, mɔ ko mɔ ko bɛ ni tamɔ bo yɛ nyɔŋmɔi lɛ ateŋ, ni asaŋ nɔ ko nɔ ko bɛ ni tamɔ onitsumɔi lɛ. Jeŋmajimaji fɛɛ ni ofee lɛ aaaba abajao, Nuŋtsɔ, ni amɛaawo ogbɛi lɛ hiɛ nyam. Ejaakɛ oda, ni ofeɔ naakpɛɛ nii, bo okome too ji Nyɔŋmɔ!”

 8. Taakɛ atsɔɔ yɛ Lala 86:11 lɛ, mɛni ataoɔ yɛ mɛi fɛɛ ni sumɔɔ ni amɛja Yehowa lɛ ahe?

⁸ Kɛ David jɛ egbii lɛ amli ekwɛ wɔsɛɛ bei lɛ, enaa gbɔmɛi ni jɛ jeŋmaji fɛɛ mli ni miiba amɛbasɔmɔ Yehowa. Ŋwanejee ko bɛ he akɛ David yoo akɛ kɛji akɛ gbɔmɛi ni tamɔ nɛkɛ ba koni amɛbasɔmɔ Yehowa lɛ, babaoo yɛ ni amɛbaakase Ehe baahia ni amɛfee tsakemɔi yɛ amɛshihilɛi amli. Shi David hu yoo enɛ ni ekpɛlɛ. Ekɛɛ yɛ Lala 86:11 akɛ: “Yehowa, tsɔɔmɔ mi ogbɛ lɛ, manyiɛ onɔkwale lɛ mli; feemɔ mitsui ekome, ni mashe ogbɛi lɛ gbeyei!” Ani enɛ ji nɔ ni bo hu oshweɔ?