-
Teemɔŋ Sane Krɔŋkrɔŋ ko NaagbelemɔKpojiemɔ—Enaagbee Kwraa lɛ Ebɛŋkɛ!
-
-
2. (a) Mɛɛ sabala Yesu kɛha ehe? (b) Mɛni ji nɔ ni atsɔɔ beni Yehowa kɛɔ akɛ: “Mi ji klɛŋklɛŋ mɔ lɛ kɛ naagbee mɔ lɛ”? (d) Yesu sabala “Klɛŋklɛŋ mɔ lɛ kɛ Naagbee mɔ lɛ” gbalaa jwɛŋmɔ kɛyaa mɛni nɔ?
2 Ni kɛlɛ, esaaa akɛ gbeyei ni wɔsheɔ nɛɛ tsɔɔ gbeyeishemɔ ni ehiii. Yesu ha Yohane na nɔmimaa yɛ enɛ he taakɛ bɔfo lɛ jaje kɛfata he lɛ. “Ni ekɛ eninejurɔ ŋmɛ minɔ, ni ekɛɛ mi akɛ: ‘Kaashe gbeyei; mi ji klɛŋklɛŋ mɔ lɛ kɛ naagbee mɔ lɛ kɛ hiɛkalɔ lɛ.’” (Kpojiemɔ 1:17b, 18a) Yɛ Yesaia 44:6 lɛ, Yehowa tsɔɔ lɛ diɛŋtsɛ egbɛhe lɛ mli yɛ gbɛ ni ja nɔ akɛ Nyɔŋmɔ kome pɛ ni ji Ofe, akɛ: “Mi ji klɛŋklɛŋ mɔ kɛ sɛɛkpee mɔ, ni Nyɔŋmɔ ko bɛ, ja mi!”a Beni Yesu kɛ ehe tsɔɔ kɛtsɔ sabala ni ji “Klɛŋklɛŋ mɔ lɛ kɛ Naagbee mɔ lɛ” nɔ lɛ, etsɔɔɔ akɛ ekɛ Yehowa, Bɔlɔ Kpeteŋkpele lɛ yeɔ egbɔ. Ekɛ sabala ni Nyɔŋmɔ kɛha lɛ yɛ gbɛ ni ja nɔ lɛ miitsu nii. Yɛ Yesaia lɛ, Yehowa miiwie E-gbɛhe ni eko kɛ lɛ yeee egbɔ akɛ anɔkwa Nyɔŋmɔ lɛ he. Lɛ ji naanɔ Nyɔŋmɔ, ni Nyɔŋmɔ ko bɛ ni tamɔ lɛ. (1 Timoteo 1:17) Yesu miiwie sabala ni akɛha lɛ lɛ he yɛ Kpojiemɔ, ni eegbala jwɛŋmɔ kɛmiiba egbohiiashitee ni yɔɔ sɔrɔto lɛ nɔ.
-
-
Teemɔŋ Sane Krɔŋkrɔŋ ko NaagbelemɔKpojiemɔ—Enaagbee Kwraa lɛ Ebɛŋkɛ!
-
-
a Yɛ shishijee Hebri lɛ mli yɛ Yesaia 44:6 lɛ, nɔmimaa gbɛi ko fataaa wiemɔi “klɛŋklɛŋ mɔ” kɛ “naagbee mɔ” lɛ he, yɛ be mli ni beni Yesu tsɔɔ bɔ ni lɛ diɛŋtsɛ eji yɛ shishijee Hela mli yɛ Kpojiemɔ 1:17 lɛ, anaa nɔmimaa gbɛi lɛ. No hewɔ lɛ, yɛ wiemɔ he mla naa lɛ, Kpojiemɔ 1:17 tsɔɔ sabala, yɛ be mli ni Yesaia 44:6 tsɔɔ Yehowa Nyɔŋmɔyeli.
-