-
‘Nyɛkaŋɔa Nyɛhiɛ Nyɛfɔa Lumɛi Anɔ’Yesaia Gbalɛ Lɛ—La Kɛha Adesai Fɛɛ II
-
-
2 Yuda nyɛŋ ashwa mɔ ko mɔ ko, fe lɛ diɛŋtsɛ ehe. Enyɛŋ ekɛɛ yɛ gbɛ ní ja nɔ akɛ ehiɛkpatamɔ lɛ ba akɛni Yehowa kɛ lɛ yeee yɛ anɔkwayeli mli, aloo akɛni eku ekpaŋmɔ ní ekɛ maŋ lɛ fee lɛ mli lɛ hewɔ. Bɔlɔ lɛ jeee mɔ ní kuɔ kpaŋmɔ mli. (Yeremia 31:32; Daniel 9:27; Kpojiemɔ 15:4) Beni Yehowa maa anɔkwa sane nɛɛ nɔ mi lɛ, ebi Yudafoi lɛ akɛ: “Nɛgbɛ nyɛnyɛ mligbalamɔ wolo ní mikɛshwie lɛ [lɛ] yɔɔ?” (Yesaia 50:1a) Yɛ Mose Mla lɛ shishi lɛ, esa akɛ nuu ní tseɔ eŋa gbala lɛ aha lɛ gbalamlitsemɔ wolo. Kɛkɛ lɛ, eyɛ hegbɛ akɛ etsɔɔ nuu kroko ŋa. (5 Mose 24:1, 2) Yɛ mfonirifeemɔŋ shishinumɔ naa lɛ, Yehowa kɛ wolo ní tamɔ nɛkɛ eha Yuda nyɛmi yoo, ni ji Israel maŋtsɛyeli lɛ, shi efeko nakai yɛ Yuda gbɛfaŋ.a Ekã he eji ‘ewu’ lolo. (Yeremia 3:8, 14) Eka shi faŋŋ akɛ Yuda bɛ hegbɛ akɛ ekɛ wɔŋjalɔi amaji lɛ bɔɔ akɛ amɛhefatalɔ. Yehowa kɛ lɛ teŋ wekukpaa lɛ baahi shi aahu “kɛyashi beyinɔ ní [Mesia lɛ] mɔ nɔ̃ ni ji lɛ aaaba.”—1 Mose 49:10.
3. Mɛɛ yiŋtoo hewɔ Yehowa ‘hɔ̃ɔ’ ewebii lɛ?
3 Yehowa bi Yuda hu akɛ: “Minyɔjiatsɛmɛi lɛ ateŋ namɔ mihɔ̃ɔ nyɛ miha?” (Yesaia 50:1b) Akɛ Yudafoi lɛ eyaŋ nomŋɔɔ mli yɛ Babilon koni akɛwo nyɔmɔ ko ní asusuɔ akɛ Yehowa eye. Yehowa tamɔɔɔ Israelnyo ohiafo ní esa akɛ ehɔ̃ɔ emusuŋbii eha enyɔmɔtsɛ koni ekɛwo lɛ nyɔmɔ ní ehiɛ lɛ lɛ. (2 Mose 21:7) Shi moŋ, Yehowa tsɔɔ yiŋtoo diɛŋtsɛ hewɔ ní abaaye ewebii lɛ anɔ nyɔŋ lɛ akɛ: “Naa, nyɛnishaianii lɛ ahewɔ ahɔ̃ɔ nyɛ, ni nyɛnɔtɔmɔi lɛ ahewɔ ashwie nyɛnyɛ.” (Yesaia 50:1d) Yudafoi lɛ ji mɛi ní ekwa Yehowa; lɛ lɛ ekwako amɛ.
-
-
‘Nyɛkaŋɔa Nyɛhiɛ Nyɛfɔa Lumɛi Anɔ’Yesaia Gbalɛ Lɛ—La Kɛha Adesai Fɛɛ II
-
-
a Yɛ Yesaia yitso 50 lɛ klɛŋklɛŋ kukuji etɛ lɛ mli lɛ, Yehowa wie Yuda maŋ lɛ he kutuu ákɛ eŋa, kɛ emli bii aŋkroaŋkroi lɛ hu ahe ákɛ ebii.
-