-
Miishɛjemɔ Kɛha Nyɔŋmɔ WebiiYesaia Gbalɛ Lɛ—La Kɛha Adesai Fɛɛ II
-
-
12. Mɛni hewɔ esaaa akɛ Nyɔŋmɔ tsuji sheɔ gbeyei kɛ́ amɛhenyɛlɔi ni ji adesai lɛ miiwie amɛhe efɔŋ lɛ?
12 Beni Yehowa kɛ ‘gbɔmɛi ní nyiɛɔ jalɛ sɛɛ’ lɛ wieɔ lɛ, ewie agbɛnɛ akɛ: “Nyɛboa mi toi, nyɛ mɛi ní nyɛle jalɛ, maŋ ní mimla yɔɔ nyɛtsuiiaŋ: Nyɛkashea adesa ahorabɔɔ gbeyei, ni asaŋ nyɛtsui akafãa yɛ amɛlimɔ lɛ hewɔ! Ejaakɛ omlɛ̃gɛ̃ aaaye amɛ tamɔ atade, ni gɔ̃gɔ̃mii aaaye amɛ tamɔ kuntu; shi mijalɛ lɛ aaahi shi kɛaatee naanɔ, ni miyiwalaheremɔ lɛ aaahi shi kɛaatee yinɔi fɛɛ nɔ!” (Yesaia 51:7, 8) Abaawie mɛi ní kɛ amɛhiɛ fɔ̃ɔ Yehowa nɔ lɛ ahe efɔŋ ni abaagbe amɛhe guɔ yɛ amɛshidaamɔ ní ekãa yɔɔ mli lɛ hewɔ, shi enɛ jeee nɔ ko ní esa akɛ eha amɛshe gbeyei. Amɛ heguɔgbelɔi lɛ ji adesai foji ní gboiɔ, ní ‘abaaye amɛ,’ tamɔ bɔ ni omlɛ̃gɛ̃ yeɔ atade ní akɛ kooloo hewolo fee lɛ.a Taakɛ Yudafoi anɔkwafoi ni hi shi yɛ blema lɛ ji lɛ, anɔkwa Kristofoi ni yɔɔ ŋmɛnɛ lɛ bɛ nɔ ni amɛaadamɔ nɔ amɛshe mɛi ní teɔ shi woɔ amɛ lɛ gbeyei. Yehowa, naanɔ Nyɔŋmɔ lɛ, ji amɛyiwalaheremɔ. (Lala 37:1, 2) Heguɔgbee ní Nyɔŋmɔ henyɛlɔi lɛ kɛbaa lɛ feɔ odaseyeli ní tsɔɔ akɛ Yehowa webii lɛ yɛ emumɔ lɛ.—Mateo 5:11, 12; 10:24-31.
-
-
Miishɛjemɔ Kɛha Nyɔŋmɔ WebiiYesaia Gbalɛ Lɛ—La Kɛha Adesai Fɛɛ II
-
-
a Eka shi faŋn akɛ omlɛ̃gɛ̃ ní awieɔ he yɛ biɛ lɛ ji mama mli omlɛ̃gɛ̃, titri lɛ beni eyɔɔ gɔgɔmi su mli ní efiteɔ nii waa lɛ.
-