-
“Gbɛi Hee”Yesaia Gbalɛ Lɛ—La Kɛha Adesai Fɛɛ II
-
-
‘Yehowa Ená Ohe Miishɛɛ’
9. Tsɔɔmɔ bɔ ni Zion tsakemɔ lɛ ji lɛ mli.
9 Gbɛi hee ní akɛha lɛ lɛ hu fata ŋwɛi Zion tsakemɔ ní yɔɔ miishɛɛ, taakɛ ebii ní yɔɔ shikpɔŋ nɔ lɛ fee he mfoniri lɛ he. Wɔkaneɔ akɛ: “Atsɛŋo ‘mɔ ni akwa lɛ’ dɔŋŋ, ni oshikpɔŋ lɛ hu, atsɛŋ lɛ ‘amaŋfɔ’ dɔŋŋ, shi moŋ aaatsɛo akɛ ‘mitsui he gbɔmɔ’ kɛ oshikpɔŋ lɛ hu akɛ ‘kpeemɔ yoo;’ ejaakɛ Yehowa ená ohe tsuijurɔ, ni oshikpɔŋ lɛ hu, aaakpee lɛ.” (Yesaia 62:4) Shikpɔŋ nɔ Zion ekã shi amaŋfɔ kɛjɛ be mli ní akpata ehiɛ yɛ afi 607 D.Ŋ.B. lɛ. Shi kɛlɛ, Yehowa wiemɔi lɛ maa esaamɔ kɛ gbɔmɛi ní baahi emli ekoŋŋ lɛ nɔ mi kɛhaa lɛ. Zion ní be ko lɛ efite lɛ efeeŋ yoo ní akwa lɛ dɔŋŋ, ni eshikpɔŋ lɛ hu kãŋ shi amaŋfɔ dɔŋŋ. Yerusalem saamɔ ní ba yɛ afi 537 D.Ŋ.B. lɛ tsɔɔ shihilɛ hee kɛha lɛ, ni enɛ yɛ srɔto kwraa kɛ́ akɛto etsutsu fitemɔ shihilɛ lɛ he. Yehowa jaje akɛ abaatsɛ Zion akɛ “mitsui he gbɔmɔ,” kɛ eshikpɔŋ lɛ hu akɛ, “kpeemɔ yoo.”—Yesaia 54:1, 5, 6; 66:8; Yeremia 23:5-8; 30:17; Galatabii 4:27-31.
10. (a) Atsake Nyɔŋmɔ Israel lɛ yɛ mɛɛ gbɛ nɔ? (b) Mɛni ji Nyɔŋmɔ Israel lɛ ‘shikpɔŋ’ lɛ?
10 Kɛjɛ afi 1919 kɛbaa lɛ, Nyɔŋmɔ Israel lɛ ná tsakemɔ ko ní tamɔ nakai nɔŋŋ mli niiashikpamɔ. Yɛ klɛŋklɛŋ jeŋ ta lɛ mli lɛ, ebafee tamɔ nɔ ni Nyɔŋmɔ ekpoo Kristofoi ní afɔ amɛ mu lɛ. Shi yɛ afi 1919 lɛ, aku sɛɛ akɛ amɛ ba amɛduromɔ gbɛhe lɛ ekoŋŋ, ni atsuu amɛjamɔ gbɛ lɛ he. Enɛ sa amɛtsɔɔmɔi, amɛgbɛjianɔtoo, kɛ amɛnitsumɔ he. Nyɔŋmɔ Israel lɛ ba ‘eshikpɔŋ’ nɔ, ni ji emumɔŋ shihilɛ lɛ, loo hegbɛ ní aha lɛ akɛ ekɛtsu nii lɛ.—Yesaia 66:7, 8, 20-22.
-
-
“Gbɛi Hee”Yesaia Gbalɛ Lɛ—La Kɛha Adesai Fɛɛ II
-
-
[Mfoniri ni yɔɔ baafa 339]
Yehowa kɛ gbɛi hee baatsɛ ŋwɛi Zion
-