-
Okɛ Ohiɛ Afɔ̃ Yehowa Nɔ yɛ Haomɔ Bei AmliYesaia Gbalɛ Lɛ—La Kɛha Adesai Fɛɛ I
-
-
26, 27. (a) Mɛɛ nibii ni baaba Yesaia gba efɔ̃ shi? (b) Mɛni Yesaia wiemɔi lɛ tsɔɔ kɛha Yehowa webii ŋmɛnɛ?
26 Yesaia tsá ekɔkɔbɔi lɛ anɔ akɛ: “Ákɛ nɔ̃ kɛ̃ ní maŋ nɛɛ ekwa Shiloa nui ní hoɔ blɛoo lɛ, ní emli filiɔ lɛ yɛ Rezin kɛ Remalia bi lɛ hewɔ nɛɛ: no hewɔ lɛ, naa, Nuntsɔ lɛ kɛ faa lɛŋ nui ní naa wa ní amɛfá hu miiba amɛnɔ, no ji Ashur maŋtsɛ lɛ kɛ eta lɛ fɛɛ, ni eeebahà enujɔɔi lɛ fɛɛ nɔ, ni eeesram etoii lɛ fɛɛ nɔ; ni eeetsɔ Yuda mli kɛaaho, eeeyi kɛaatá kuɛ; ni kɛ́ egbɛ efiji amli lɛ, eeekpele oshikpɔŋ lɛ hiɛ lɛɛmɔ lɛ nɔ, Imanuel!”—Yesaia 8:5-8.
27 “Maŋ nɛɛ,” ni ji Israel kooyigbɛ maŋtsɛyeli lɛ, kpoo Yehowa kpaŋmɔ ní ekɛ David fee lɛ. (2 Maŋtsɛmɛi 17:16-18) Kɛha amɛ lɛ, kpaŋmɔ lɛ tamɔ nɔ ni hewalɛ bɛ mli, tamɔ bɔ ni Shiloa, he ni Yerusalem náa nu kɛjɛɔ lɛ, nui lɛ hoɔ ŋmaii lɛ. Amɛmli filiɔ amɛ yɛ ta ní amɛwuɔ amɛshiɔ Yuda lɛ he. Shi akwɛŋ bulɛ ní amɛbɛ nɛɛ efolo ní agbalaŋ amɛtoi yɛ he. Yehowa baaŋmɛ Ashurbii lɛ agbɛ ni ‘amɛaayi’ tamɔ nu afua, loo amɛaaye Aram kɛ Israel nɔ kunim kwraa, tamɔ bɔ ni etsɛŋ ní Yehowa baaŋmɛ je lɛ fã ni ji maŋkwramɔ gbɛjianɔtoo ni yɔɔ bianɛ lɛ gbɛ ní eyi apasa jamɔ nɔyelihe lɛ kɛteke nɔ tamɔ nu afua lɛ. (Kpojiemɔ 17:16; okɛto Daniel 9:26 he.) No sɛɛ lɛ, Yesaia wie akɛ, “nui” ní eyi kɛteke nɔ lɛ ‘aaatsɔ Yuda mli kɛaaho,’ ni ebaakwɔ “kɛaatá kuɛ” tɔ̃ɔ, kɛyashi Yerusalem, he ni Yuda yitso (maŋtsɛ) lɛ yeɔ nɔ yɛ lɛ.b Yɛ wɔbe nɛɛ mli lɛ, maŋkwralɔi ní baakpata apasa jamɔ hiɛ lɛ baatutua Yehowa tsuji hu, ni amɛbaabɔle amɛhe kpula “kɛaatá kuɛ.” (Ezekiel 38:2, 10-16) Mɛni baajɛ mli aba? Ojogbaŋŋ, mɛni ba yɛ Yesaia gbii lɛ amli? Ani Ashurbii lɛ ke yuu kɛtsɔ maŋtiase lɛ gbogboi lɛ amli ni amɛbɛɛ Nyɔŋmɔ webii lɛ kɛtee? Dabi. Nyɔŋmɔ kɛ amɛ yɛ.
-
-
Okɛ Ohiɛ Afɔ̃ Yehowa Nɔ yɛ Haomɔ Bei AmliYesaia Gbalɛ Lɛ—La Kɛha Adesai Fɛɛ I
-
-
b Akɛ Ashur toɔ loofɔlɔ ní egbɛ efiji amli, ní “eeekpele oshikpɔŋ lɛ hiɛ lɛɛmɔ lɛ nɔ” lɛ hu he. Enɛ hewɔ lɛ, he fɛɛ he ní shikpɔŋ lɛ mli lɛɛɔ kɛyashɛɔ lɛ, Ashur asraafoi lɛ baashɛ jɛmɛ fɛɛ.
-