-
Yaa Nɔ Omɛ YehowaYesaia Gbalɛ Lɛ—La Kɛha Adesai Fɛɛ I
-
-
21. Tsɔɔmɔ bɔ ni jɔɔmɔi ní baaba lɛ baaye emuu kwraa eha lɛ mli.
21 “Faai wuji kɛ faai bibii aaaba gɔji grɔŋŋi kɛ gɔŋkpɔi ní kwɔlɔ lɛ fɛɛ nɔ.” (Yesaia 30:25a)c Yesaia kɛ mfonirifeemɔ wiemɔ ní mli kã shi faŋŋ tsu nii ni ekɛtsɔɔ bɔ ni Yehowa jɔɔmɔ lɛ baaye emuu eha. Nu hɔmɔ bɛ he ko—nu ji nii ni he hiaa waa, ní baaho, jeee yɛ nu jɔɔi lɛ amli pɛ kɛkɛ, shi moŋ yɛ gɔŋ fɛɛ gɔŋ hu nɔ, yɛ “gɔji grɔŋŋi kɛ gɔŋkpɔi ní kwɔlɔ lɛ [po] fɛɛ nɔ.” Hɛɛ, hɔmɔ baafee tsutsu nii ní eho etee. (Lala 72:16) Kɛfata he lɛ, gbalɔ lɛ gbala ejwɛŋmɔ kɛtee nibii ní nɔ kwɔlɔ fe gɔji tete po nɔ. “Nyɔɔŋtsere kpɛmɔ aaatamɔ hulu kpɛmɔ, ni hulu aaakpɛ́ toi kpawo, tamɔ gbii kpawo mli kpɛ́mɔ, gbi ní Yehowa aaafimɔ emaŋ lɛ pilamɔi anɔ, ní eeetsá amɛyii lɛ naa faji lɛ.” (Yesaia 30:26) Mɛɛ gbalɛ fɛfɛo nɛɛ naagbee ní yɔɔ miishɛɛ waa diɛŋtsɛ nɛ! Nyɔŋmɔ anunyam lɛ baakpɛ́ yɛ egbojee lɛ fɛɛ mli. Jɔɔmɔi ní asaa ato Nyɔŋmɔ jálɔi anɔkwafoi lɛ baafa aahu kɛteke nɔ kwraa—shii kpawo—fe nɔ fɛɛ nɔ ní amɛná mli niiashikpamɔ dã.
-
-
Yaa Nɔ Omɛ YehowaYesaia Gbalɛ Lɛ—La Kɛha Adesai Fɛɛ I
-
-
c Yesaia 30:25b kaneɔ akɛ: “Yɛ ta mli gbee kpeteŋkpele gbi lɛ nɔ, beni mɔji ní kwɔlɔ lɛ aaagbeegbee shi lɛ.” Yɛ klɛŋklɛŋ mlibaa lɛ mli lɛ, ekolɛ enɛ kɔɔ Babilon shigbeemɔ ní gbele gbɛ kɛha Israel koni amɛbaná jɔɔmɔi ní agba afɔ̃ shi yɛ Yesaia 30:18-26 lɛ mli ŋɔɔmɔ lɛ he. (Kwɛmɔ kuku 19 lɛ.) Ekolɛ ekɔɔ hiɛkpatamɔ ní baaba yɛ Harmagedon, ní baaha jɔɔmɔi nɛɛ anyɛ aná amɛmlibaa ní da fe fɛɛ yɛ jeŋ hee lɛ mli lɛ hu he.
-
-
Yaa Nɔ Omɛ YehowaYesaia Gbalɛ Lɛ—La Kɛha Adesai Fɛɛ I
-
-
[Mfoniri ni yɔɔ baafa 311]
‘Faai bibii aaaba gɔŋkpɔi ní kwɔlɔ lɛ fɛɛ nɔ’
-