“Ni wɔbo wɔtsɛ Yonadab, Rekab bi lɛ, gbee toi yɛ nibii fɛɛ ni ewowɔ kitã lɛ mli, ni wɔ gbii fɛɛ mli lɛ wɔnuuu wein, wɔ kɛ wɔŋamɛi kɛ wɔbihii kɛ wɔbiyei fɛɛ; ni asaŋ wɔmamɔɔɔ tsui wɔhiii mli, ni wɔbɛ weintorom loo abɔɔ loo nidumɔnii ko; hewɔ lɛ bui amli wɔhiɔ, ni wɔboɔ toi ni wɔfeɔ bɔni wɔtsɛ Yonadab wowɔ kitã lɛ pɛpɛɛpɛ. Shi eba mli akɛ, beni Nebukadnezar, Babel maŋtsɛ lɛ, fã kɛba shikpɔŋ lɛ nɔ lɛ, wɔkɛɛ akɛ: Nyɛbaa ni wɔjea Kaldeabii ata lɛ kɛ Arambii ata lɛ hiɛ wɔyaa Yerusalem! no ji Yerusalem ni wɔyɔɔ nɛɛ.”​—Yer. 35:​6-11.

16. Te Rekab-bii ni yeɔ kitã nɔ lɛ fee tɛɛŋ ni Yehowa kɛna nɔkwɛmɔnɔ ekɛshi lsraelbii ni kuɔ kpaŋmɔ mli Iɛ, ni mɛni ena akɛ esa akɛ ekɛba amɛnɔ?

¹⁶ Amɛfaishi ni amɛtswa akɛ amɛbaaye kitã ni guɔ amɛ wein numɔ lɛ nɔ tsɛbelɛ gbalɔ kɛ Osɔfo Yeremia efɔ amɛ nine po lɛ ji nifeemɔ ko ni Yehowa kɛfee nɔkwɛmɔnɔ kɛshi Israelbii ni kuɔ kpaŋmɔ mli lɛ. Eyɛ mli akɛ gbɔmɔ kɛkɛ ni ji amɛnii lɛ ji mɔni wo amɛ kitã moŋ, shi Rekab-bii lɛ ye amɛkitã lɛ nɔ. lsraelbii lɛ ku amɛ-Mla kpaŋmɔ lɛ mli tsɛbelɛ jeee gbɔmɔ amɛkɛlɛ fee shi moŋ amɛkɛ Ŋwɛi Flooflo Nyɔŋmɔ lɛ fee. Agbɛnɛ lɛ, Yehowa na hegbɛ ekɛɛ Yeremia akɛ: