Sɔmɔ “Jeŋmaji Amaŋtsɛ Lɛ” Koni Oje Mli Shweshweeshwe
1. Yɛ nɔkwɛmɔnɔ ni maŋtsɛ Yehoiakim kɛ esɛɛ yelɔ ni ji enyɛminuu Zedekia fee lɛ hewɔ Iɛ, ani jeŋ nɔyelɔi ni yɔɔ ŋmɛnɛ lɛ baatsake amɛgbɛ yɛ nɔni Yeremia kuu lɛ kɛɔ hewɔ?
1 KƐJI jeŋ nɔyelɔi, titri lɛ mɛi ni yɔɔ Kristendom mli lɛ eyɔse akɛ ŋmɛnɛbeaŋ Yeremia kuu ko yɛ hu lɛ, mɛni? Ni kɛ amɛtsu koni ayatao nɔni Yehowa gbalɛ wiemɔ lɛ kɛɔ yɛ bɔni amɛnaagbee baaji he lɛ hu? Ani enɛ baatsɔɔ akɛ amɛmiitao ni amɛtsake amɛgbɛi koni amɛhala gbɛ ni baaha amɛje “amanehulu kpeteŋkpele” ni baa jeŋ nɛɛ nɔ lɛ mli? DABIDA! Enɛ nyɛŋ aba mli nakai kɛji wɔkɛ Yuda naagbee maŋtsɛ ni yeɔ Yerusalem nɔ ni ji Maŋtsɛ Yehoiakim nyɛminuu Zedekia fee nɔkwɛmɔnɔ lɛ. Maŋtsɛ Yehoiakim ha anyɛ Yeremia kɛ ewoloŋmalɔ Baruk nɔ kɛwo nu shishi—shi atsɔɔɔ be abɔ ni amɛye yɛ jɛmɛ. Shi Maŋtsɛ Yehoiakim nyɛminuu Zedekia fee Yehowa Odasefonyo anɔkwafo Yeremia nɔni ehiii kwraa fe enɛ. Nakai nɔŋŋ eji ŋmɛnɛ akɛ, je nɛŋ nɔyelɔi lɛ tsakeee amɛgbɛ ni amɛkɔ lɛ gbikogbiko. Amɛkɛ amɛhe ewo maŋkwramɔsaji amli vii tsɔ. Ni enɛ he baaa sɛɛnamɔ ko kwraa kɛha gbɔmɛi anɔ ni amɛyeɔ lɛ.—Yer. 37:2.
2. Mɛɛ shihilɛ ni ba hewɔ ni Zedekia tsɛ Yeremia akɛ ebasɔle kɛha Israelbii lɛ, shi mɛni Yeremia jie kpo etsɔɔlɛ?
2 Nakai be mli pɛpɛɛpɛ lɛ, Zedekia nɔyeli lɛ ena afii nɛɛhu. Enɛ ji shii etɛ kɛ naagbeenɔ̃ ni Babelbii lɛ woɔ Yerusalem he ka! Asraafoi tabilɔi babaoo miiba kɛmiijɛ Mizraim ni amɛbaye amɛbua maŋtiase ni awo ehe ka lɛ. Gbeyeishemɔ ha Babilon hekawolɔi lɛ ku amɛsɛɛ. Etamɔ nɔni be eshɛ ni asɔle aha Yehowa koni ejɔɔmɔ aba Mizraim yelikɛbualɔi lɛ anɔ. Nohewɔ lɛ, Maŋtsɛ Zedekia tsɛ Yeremia koni ebasɔle ‘ekpa Yehowa, wɔ-Nyɔŋmɔ lɛ fai eha amɛ.’ Shi Yehowa kɛɛ Yeremia akɛ ekasɔle eha amɛ. Yehowa boŋ nakai sɔlemɔ kɛ faikpamɔ lɛ toi. (Yer.37:8; 11:14; 14:11,12) Yeremia tsɔɔ akɛ Babilonbii lɛ baaye Mizraim tabilɔi ni miiba kɛha yelikɛbuamɔ lɛ nɔ kunim beni ekɛɛ Maŋtsɛ Zedekia akɛ Babilonbii lɛ baaku amɛsɛɛ kɛba ekoŋŋ ni amɛkɛ la abasha Yerusalem lɛ.—Yer. 37:4-10.
3. Mɛni hewɔ Yerusalem lumɛi Iɛ ha awo Yeremia tsuŋ?
3 Beni Babilonbii lɛ ku sɛɛ amɛtee lɛ, Yeremia na hegbɛ eshi Yerusalem kɛtee osɔfoi amaŋ, Anatot ni yɔɔ Benyamin akutso lɛ kpokpai anɔ lɛ mli. Beni amɔlɛ yɛ kooyigbɛ agbo ni ji Benyamin agbo lɛ naa lɛ, ekɛɛ jeee Babilonbii henyɛlɔi lɛ aŋɔɔ eyaa. Enɛ ha amɛbulɛ maŋshishinyiɛlɔ kɛ sɛɛgbɛtsɔɔlɔ, ni maŋ lɛŋ lumɛi ha ‘awolɛ tsuŋ’ “gbii pii.” (Yer. 37:11-16) Nɛkɛ nɔŋŋ afea Yeremia kuu lɛ ŋmɛnɛ!
4. Mɛɛ ŋaawoo Yeremia kɛha Maŋtsɛ Zedekia bɔni afee ni nibii afee mɛlɛo ahalɛ, ni mɛni hewɔ ajie Yeremia kɛyato Bulɔi Akpo lɛ nɔ?
4 Kɛ Yeremia kɛ Maŋtsɛ Zedekia diɛŋtsɛ kpe hiɛ kɛ hiɛ lɛ, ani ebaatsake ewiemɔ lɛ? Beni Maŋtsɛ Zedekia tsu ayaŋɔlɛ kɛjɛ tsuŋwoo lɛ mli kɛba ni ebibiilɛ saji yɛ ewe lɛ yɛ teemɔ mli lɛ, Yeremia gba mli kpoo ekɛɛ maŋtsɛ lɛ akɛ Babilonbii ni Yehowa kɛtsuɔ nii akɛ edɛŋdade lɛ aaaŋɔlɛ kɛya akɛ gboklɛfonyo. Kɛji maŋtsɛ lɛ diɛŋtsɛ baajɛ esuɔmɔ mli eŋmɛɛ ehe eha amɛ jio, abaamɔlɛ ekãa naa kɛya akɛ gboklɛfonyo jio, nɔni agba lɛ nɔŋŋ baaba mli. Yeremia kpɛlɛ nɔ akɛ maŋtsɛ lɛ afee nibii mɛlɛo aha ehe. Ehaaa maŋtsɛ lɛ amale shiwoo ko kwraa. Yɛ faŋŋ mli lɛ, Yeremia efeko maŋtsɛ kɛ etsuji lɛ esha ko, nohewɔ lɛ, mɛni hewɔ esa akɛ awolɛ tsuŋ koni egbo mra? Yɛ Yeremia bimɔ naa lɛ, Maŋtsɛ Zedekia kɛlɛ yato Bulɔ lɛ Kpo lɛ nɔ, heko ni tamɔ asraafoi atsuŋwoohe kɛha Yeremia. Aboloo kɛ nu ji eniyenii.—Yer. 37:17-21.
Nilee Gbɛ Lɛ Jeee Maŋshishinyiɛmɔ
5. Mɛni ji nɔni ja gbɛ ni esa akɛ Maŋtsɛ Zedekia afee kɛha Babilon Nɔyeli lɛ, ni mɛni hewɔ ashi aha gbɔmɛi aŋkroaŋkroi Iɛ koni amɛhala amɛgbɛ yɛ Yerusalem gbɛfaŋ?
5 Maŋtsɛ Nebukadnezar wo Zedekia akɛ Yerusalem nɔ maŋtsɛ. Shi beni ehi Nebukadnezar shishi afii kpaanyɔ akɛ maŋtsɛ ni woɔ ŋtoo ehaalɛ sɛɛ lɛ, Zedekia tse atua eshilɛ. Jalɛ gbɛ ni sa akɛ etsɔ nɔ ji akɛ ekpa etuatsemɔ lɛ ni ekɛ ehe aha Nɔyeli ni Yehowa eŋmɛ gbɛ akɛ efee Biblia yinɔsane mli Jeŋ Hewalɛ ni ji Etɛ lɛ yɛ heshibaa mli. Kɛji lɛ ni ji maŋtsɛ lɛ diɛŋtsɛ sumɔɔɔ ni efee nakai lɛ, belɛ maŋbii lɛ baanyɛ afee enɛ koni ehi aha amɛ. Hɛɛ, amɛfee nɔni Yeremia kɛɛ Yerusalembii lɛ:
“Bɔni Yehowa kɛɛ nɛ: Mɔni aaahi maŋ nɛɛŋ lɛ eeegbo yɛ klaŋte kɛ hɔmɔ kɛ gbelehela naa; shi mɔni aaaje kpo kɛaatee Kaldeabii lɛ aŋɔɔ lɛ, aaahere eyiwala, ni esusuma aaatsɔ haanɔ ahalɛ, ni eyi aaana wala! Bɔni Yehowa kɛɛ nɛ: Tu kɛ̃ aaatu nɛkɛ maŋ nɛɛ awo Babel maŋtsɛ lɛ ta lɛ dɛ, ni amɛaaŋɔlɛ!” (Yer. 38:2, 3)
Kulɛ esani Maŋtsɛ Zedekia anyiɛ hiɛ yɛ mumɔ naa ŋaawoo nɛɛ nɔyeli mli. Shi akɛni efeee nakai hewɔ lɛ, ashi aha etsuji aŋkroaŋkroi lɛ koni amɛfee nɔni amɛ diɛŋtsɛ amɛsumɔɔ yɛ Yehowa gbɛtsɔɔmɔ mli hemɔkɛyeli naa.
6. Mɛni hewɔ lumɛi lɛ ha ashɛ Yeremia afɔ nu bu lɛ mli yɛ maŋtsɛ bi lɛ kpo lɛ nɔ?
6 Yerusalem lumɛi lɛ kɛ hoofeemɔ kɛɛ agbe Yeremia, ejaakɛ amɛkɛɛ akɛ eeha asraafoi ata ni fãa maŋ lɛ he lɛ anijiaŋ miije wui ni eewo mɛi ni wuɔ ta kɛhaa amɛ lɛ ahe gbeyei. Nohewɔ lɛ, amɛmɔ Yeremia ni amɛshɛlɛ amɛfɔ Zedekia “bi” Malkia bu ni yɔɔ Bulɔ lɛ Kpo lɛ nɔ lɛ mli beni maŋtsɛ lɛ leee he nɔ ko. Ni Yeremia fu yɛ ŋmɔtɔ lɛ mli yɛ bu lɛ shishi. Agbɛnɛ enyɛŋ ewo mɔ ko ŋaa dɔŋŋ.
7. Namɔ yajie Yeremia agbɛnɛ, ni mɛni nɔ edamɔ ekɛyajielɛ?
7 Agbɛnɛ beni Yeremia hiɛnɔkamɔ fɛɛ eta lɛ, naa taŋkpei ni ashiu yɛ bu lɛ mli kɛ mamashwɛi koni ekɛwo eŋaashi yɛ taŋkpei lɛ shishi ni ashalɛ kɛjɛ bu lɛ mli. Ebed-Melek, Kushnyo ni ji piafonyo yɛ maŋtsɛwe lɛ nu gbalɔ lɛ mɔbɔsane lɛ he. Akɛni eshe gbeyei akɛ Yeremia baagbo yɛ bu lɛ mli hewɔ lɛ, efee ekãa ekɛ maŋtsɛ lɛ yawie. Maŋtsɛ lɛ fã Ebed-melek akɛ eŋɔ hii 30 efata ehe ni eyajie Yeremia kɛjɛ bu lɛ mli.—Yer. 38:10-12.
8, 9. (a) Yɛ saji ni ebibiilɛ yɛ teemɔ mli naa Iɛ, mɛɛ shihilɛ mli Maŋtsɛ Zedekia jie Yeremia kɛjɛ bɔni afee ni ekatsɔ amale gbalɔ yɛ ehiɛ? (b) Mɛɛ ŋaawoo ni tsakeee Yeremia kɛha Zedekia, ni mɛni akɛfɔ ehiɛ akɛ efee?
8 Maŋtsɛ Zedekia, mɔni tsu akɛ ayajie Yeremia kɛjɛ bu lɛ mli lɛ tsɛlɛ ekoŋŋ yɛ sɔlemɔwe lɛ agbo naa koni ebibiilɛ saji. Zedekia kã Yehowa ni ji wala jɛɛhe lɛ kitã akɛ ehaŋ agbe gbalɔ yɛ Nyɔŋmɔ anɔkwale lɛ ni ebaawie etsɔɔlɛ lɛ hewɔ, shi ekɛɛɛ akɛ ebaabo ewiemɔ lɛ toi. Yɛ nɔ̃ najiaŋ ni kulɛ gbele he gbeyei baaha etsɔ amale gbalɔ lɛ, Yeremia wie nakai anɔkwa wiemɔi ni kɛ ewala wo oshara mli tsutsu lɛ nɔŋŋ:
9 ‘Shi kɛji bo Maŋtsɛ Zedekia ojeee kpo oyaaa Babel maŋtsɛ lɛ lumɛi lɛ aŋɔɔ lɛ, aaaŋɔ nɛkɛ maŋ nɛɛ awo Kaldeabii lɛ adɛ, ni amɛkɛ la aaasha. Kaashe Yudafoi ni ebo migbee toi ni amɛtse kɛtee Kaldeabii lɛ aŋɔɔ lɛ anisenianii lɛ gbeyei. Shi kɛji okpɛlɛɛɛ ni oooŋɔ ohe oha lɛ, mɛni baaba? Naa, yei fɛɛ ni eshwɛ yɛ Yuda maŋtsɛ lɛ we lɛ aaaŋɔ amɛ kɛaaje kpo kɛaatee Babel maŋtsɛ lɛ lumɛi lɛ aŋɔɔ, ni amɛaakɛɛ akɛ onanemɛi lɛ eshishiu bo, ni amɛye onɔ! Ni agbɛnɛ ni onaji efu ŋmɔtɔ mli nɛɛ, amɛtsɔmɔ amɛhe amɛtee. Ni oŋamɛi kɛ obii lɛ fɛɛ hu aaakpala amɛ kɛaatee nomŋɔɔ mii. Ni bodiɛŋtsɛ hu ojeŋ amɛdɛ, shi moŋ Babel maŋtsɛ lɛ kɛ enine aaamɔo, ni akɛ la aaasha nɛkɛ maŋ nɛɛ!’—Yer. 38:17-23.
10. Mɛɛ gbɛ nɔ Yeremia tsɔ eha nibii fee mɛlɛo kɛha maŋtsɛ Zedekia yɛ saji ni mɛi Iɛ bibiilɛ Iɛ hetoo hamɔ mli, ni ekɛ he ehi heni atsi enaa yɛ lɛ kɛyashi mɛɛ be?
10 Yerusalem lumɛi lɛ ji Maŋtsɛ Zedekia ‘nanemɛi lɛ.’ Akɛni esheɔ amɛ gbeyei hewɔ lɛ, ekɛɛ Yeremia akaha mɔ ko mɔ ko miile nɛkɛ wiemɔi nɛɛ, shi egboŋ. Ekɛɛ Yeremia akɛ eku ehiɛ eshwie amɛnibimɔi lɛ anɔ ni ekɛɛ amɛ akɛ ekɛ faikpamɔ eyashwie maŋtsɛ lɛ hiɛ akɛ akɛlɛ akaya kpabuu mli yɛ Yonatan we lɛ dɔŋŋ ni eyagbo yɛ jɛmɛ. Kɛji Yeremia egbaaa amɛ saji ni abibiilɛ lɛ, no baaha nibii afee mɛlɛɔ aha maŋtsɛ lɛ. Nɔni Yeremia kɛɛ lumɛi ni hiɛ jwɛŋmɔ fɔŋ lɛ ha amɛwolɛ tsuŋ yɛ hekroko, yɛ Bulɔi Akpo lɛ nɔ. Jɛmɛ atsi enaa yɛ kɛyashi afi 607 D.Ŋ.B. nyɔɔŋ ni ji ejwɛ (Tamuz) lɛ gbi nɛɛhu lɛ nɔ beni Babilonbii lɛ shɛ Yerusalem ni amɛhe maŋ lɛ, ni Maŋtsɛ Zedekia kɛ etabilɔi lɛ jo foi lɛ.—2 Maŋts. 25:2-5
11. Yɛ gbi nɔ ni Yerusalem gbee shi lɛ, mɛɛ gbɛ nɔ atsɔ atsi Yudabii ni asa amɛyi lɛ gbɛ yɛ Teŋgbɛ Agbo lɛ naa?
11 Nohewɔ lɛ taakɛ bɔni Yeremia bɔ amɛ kɔkɔ lɛ, Yehowa, mɔni Maŋtsɛ Zedekia ta esɛi nɔ yɛ Yerusalem lɛ ebahe maŋtiase lɛ kɛwo ehekawolɔi adɛ. Yɛ 607 D.Ŋ.B. Tamuz 9 latsaabe mli beni esani Yuda kojolɔi atara shi yɛ Yerusalem Teŋgbɛ Agbo lɛ naa koni amɛkojo lɛ, Babel lumɛi ni atsɛ amɛgbɛi lɛ ji mɛi ni yatara agbo lɛ naa. Amɛtsi Yudabii ni asa amɛyi lɛ agbɛ koni amɛkanyɛ amɛjo foi kɛtsɔ jɛmɛ. (Yer. 39:1-3; 1 Kor. 29:23) Ao!
12. Te ebalɛ tɛɛŋ ni Maŋtsɛ Zedekia nyɛɛɛ aha Yeremia gbalɛ ni kɔɔ ehe lɛ afee efolo, ni mɛni aha ena yɛ Maŋtsɛ Nebukadnezar hiɛ?
12 Beni Maŋtsɛ Zedekia kɛ etabilɔi lɛ jo foi yɛ nyɔɔŋ amɛje kpo kɛjɛ maŋ ni atua lɛ mli lɛ, ekolɛ ebaajwere ehe akɛ enyɛ ejo Yeremia oshara gbalɛ ni kɔɔ ehe lɛ naa foi. Shi enyɛɛɛ eyaba abo yɛ Mizraim Farao Hofra ni ji enaanyo lɛ ŋɔɔ. Babilonbii lɛ tiulɛ amɛyaninalɛ yɛ Yeriko ŋa kplanaa lɛ nɔ yɛ Araba jɔɔ ni ka Yerusalem kooyi-bokagbɛ lɛ nɔ. Amɛmɔlɛ amɛwolɛ akɔɔble gboklɛi ni amɛkpalalɛ kɛtee Bibla yɛ Hamat shikpɔŋ nɔ koni ekɛ Maŋtsɛ Nebukadnezar ayakpe hiɛ kɛ hiɛ yɛ jɛmɛ. Dani ajwara Zedekia hiŋmɛi yɛ Nebukadnezar famɔ naa lɛ, agbe lɛ diɛŋtsɛ ebii yɛ ehiɛ. Akpata epiafoi kɛ eta hiɛnyiɛlɔi babaoo hiɛ. Agbe Osɔfonukpa Seraia kɛ ehefatalɔ osɔfo Zefania ni fiii Yeremia ni lɛ hu eji osɔfo sɛɛ lɛ, ni agbe sɔlemɔtsu lɛ shinaashikwɛlɔi etɛ hu afata amɛhe.—2 Maŋts. 25:6, 7, 18-21.
13. (a) Mɛɛ tsakpaa nakai blemasaji lɛ kɛ 1914 yɔɔ? (b) Mɛni hewɔ nilee yɔɔ mli akɛ wɔɔɔbi kɛji Ebed-Melek feɔ kuu ko he mfoniri ŋmɛnɛ, ni mɛɛ hetoo ahaa wɔ?
13 Ani blema yinɔsane nɛɛ fɛɛ kɔɔ wɔ afii ohai 20 nɛɛ he? Hɛɛ! Yɛ Maŋtsɛ Zedekia hiɛkpatamɔ sɛɛ nyɔɔŋtsere nyɔji enyɔ mli lɛ, Yuda shikpɔŋ lɛ fɛɛ baka shi amaŋfɔ. Nakai be lɛ mli jeŋmaji ‘abei kpawo’ ni ji “Jeŋmaji abe” afii 2,520 ni gbe naa yɛ afi 1914 Ŋ.B. mli lɛ je shishi. (Dan. 4; Luka 21:24) Nɔni nakai Yerusalem kɛ Maŋtsɛ Zedekia gbii lɛ feɔ he mfoniri ŋmɛnɛ lɛ miibɛŋkɛ ehiɛkpatamɔ taakɛ bɔni Yehowa ni ji “Jeŋmaji a-Maŋtsɛ” lɛ kojomɔ he yiŋtoo Iɛ tsɔɔ lɛ. (Yer. 10:7) Kwɛmɔ bɔni ehi ha akɛ aaana Yehowa Nyɔŋmɔ tsuji akuu ko ni gbalɔ kɛ osɔfo Yeremia fee amɛhe mfoniri lɛ yɛ shikpɔŋ nɔ jaramɔ he nɛɛ amli! Yɛ enɛ hewɔ lɛ, wɔbiɔ yɛ gbɛ ni ja nɔ akɛ, Ani kuu ko yɛ ni feɔ Maŋtsɛ Zedekia tsulɔ Ebed-Malek ni ji Etiopia piafonyo, Yeremia naanyo lɛ he mfoniri ŋmɛnɛ? Ŋmɛnɛbe mli anɔkwalei tsɔɔ akɛ kuu ko yɛ nakai.
14. Yɛ hewolo nɔ su gbɛfaŋ lɛ, ŋamɔ ji Ebed-Melek? (b) Mɛni hewɔ ebɔɔɔ mɔdɛŋ akɛ eeefata enuŋtsɔ maŋtsɛ lɛ he kɛjo foi kɛshi Yerusalem?
14 Ebed-Helek ebɔɔɔ mɔdɛŋ akɛ ebaafata enuŋtsɔ Zedekia he beni ejoɔ foi eshiɔ Yerusalem lɛ. Etiopianyo jilɛ, mɔni Yeremia bi yɛ ehe akɛ, “Ani Kushnyo [aloo Etiopianyo], aaanyɛ ehewolo atsake, aloo kootsɛ aaanyɛ ehe ŋwataŋwata lɛ atsake?” (Yer. 13:23, NW) Mɔdiŋa ji Ebed-Melek, ni atsɛlɛ yɛ Byington Biblia Shishitsɔɔmɔ lɛ mli akɛ “Ebed-Melek Mɔdiŋ lɛ.” (Yer. 38:7, 12; 39:16, The Bible in Living English) ‘Ehe ehiaaa ni ejo foi eshi Yerusalem bɔni afee ni ena yibaamɔ. Yeremia Nyɔŋmɔ lɛ ewolɛ shi akɛ ebaabaa eyi. Enɛ hewɔ beni agba wɔ nɔni Nebukadnezar fee Yudabii fioo ni yɔɔ amane mli kɛ Yeremia lɛ sɛɛ lɛ, nɔni aŋma yɛ enɛ he lɛ tsa nɔ aahu kɛyashɛ Yeremia 38:28. Yɛ anɔkwale mli lɛ, A New Translation of the Bible ni Moffatt fee lɛ kɛ Yeremia 39:15-18 tsa Yeremia 38:28 nɔ nɔŋŋ bɔni afee ni akane atsara nɔ akɛ yinɔsane kome.
15. (a) Mɛɛ be mli Yehowa wiemɔ ni kɔɔ Ebed-Melek he lɛ ba Yeremia ŋɔɔ? (b) Mɛni wiemɔ nɛɛ kɛɛ yɛ Etiopianyo lɛ he?
15 Nohewɔ lɛ esani anu kukuji ni nyiɛ sɛɛ nɛɛ shishi akɛ nɔ ko ni ba dani Babilonbii lɛ wo Yerusalem he ka yɛ Tamuz 9,607 D.Ŋ.B. yɛ Maŋtsɛ Zedekia nɔyeli afi ni ji 11 lɛ mli:
“Shi beni aŋa Yeremia yi yɛ bulɔi lɛ akpo lɛ nɔ lɛ, Yehowa wiemɔ ba enɔɔ akɛ: Yaa ni oyakɛɛ Ebed-Melek, Kushnyo lɛ, akɛ: Bɔni Yehowa Zebaot, Israel Nyɔŋmɔ lɛ kɛɛ nɛ: Naa, maha miwiemɔi lɛ aba maŋ nɛɛ nɔ yɛ efɔŋ gbɛ ni jeee ekpakpa gbɛ, ni amɛaaba mli yɛ ohiɛ yɛ no gbi lɛ nɔ. Shi majieo yɛ nakai gbi lɛ nɔ, Yehowa kɛɛ, ni aŋɔŋ bo awoŋ hii ni osheɔ Iɛ adɛ; shi maha oje mli kɛ̃, ni onyɔŋ yɛ klante naa; shi osusuma aaatsɔ haanɔ ahao, ejaakɛ ohiɛ kã minɔ, Yehowa kɛɛ.”—Yer. 39:15-18.
16. Mɛni he esa akɛ Ebed-Melek mli afililɛ yɛ tamɔ mɛi ni ena haanii lɛ, ni mɛni yɔɔ lolo tsɛbelɛ anuko ehe dɔŋŋ yɛ yinɔsane mli?
16 Nohewɔ lɛ, yɛ Yerusalem shigbeemɔ lɛ mli lɛ, nakai Yehowa gbalɔ lɛ naanyo lɛ kwɛ Yeremia Nyɔŋmɔ lɛ gbɛ. Kɛji amɔlɛ kɛtee Babilon ni lɛdiɛŋtsɛ eyagbo yɛ jɛmɛ jio, aloo ashilɛ kɛfata ohiafoi abii ni shwɛ yɛ Yuda shikpɔŋ nɔ lɛ he yɛ Amralo Gedalia shishi jio, Biblia lɛ ewieee. Shi kɛlɛ, ewala aloo esusuma enyɔko yɛ Babilon tabilɔi lɛ adɛ, moŋ lɛ, aha ehiɛ esusuma lɛ lolo tamɔ mɔni mli filiɔlɛ yɛ haanii ahe. Enɛ ha enyɛ ehi wala mli ni esɔmɔ Nyɔŋmɔ mɔni ekɛ ehe fɔ enɔ kɛ mɔni gbalɔ yiwala ehere kɛjɛ gbele mli yɛ nubu ko mli yɛ Yerusalem beni awo maŋ lɛ he ka lɛ. Enyɛ ekɛ enɛ ku lumɛi lɛ ni wo Yeremia tsuŋ koni egbo lɛ ahetsɛ naa. Shi ashiŋ Ebed-Melek ahaŋ amɛ ni amɛgbele. Yɛ Yehowa shiwoo akɛ ebaabu ehe lɛ hewɔ lɛ, esaaani esheɔ nɔni lumɛi nɛɛ baafee kɛto najiaŋ lɛ gbeyei. Kɛjɛ enɛ sɛɛ lɛ, anuuu ehe dɔŋŋ yɛ Biblia yinɔsane mli, shi egbɛi kɛ shi ni Nyɔŋmɔ wolɛ lɛ elaajeee.
Ebed-Melek Henɔ Yɛ Ŋmɛŋɛbeaŋ
17. Mɛni ji Etiopianyo lɛ gbɛi Ebed-Melek lɛ shishi, ni yɛ mɛni feemɔ mli gbɛi nɛɛ ba mli anɔkwale yɛ egbɛfaŋ?
17 Ani Ebed-Melek henɔ ko yɛ ŋmɛnɛ yɛ ŋmɛnɛbeaŋ Yeremia kuu lɛ gbɛfaŋ? Hɛɛ! Belɛ namɛi feɔ ŋmɛnɛbe mli Ebed-Melek kuu lɛ? Wɔleee bɔni fee ni ena nakai gbɛi lɛ. Ejaakɛ gbɛi Ebed-Melek lɛ shishi ji “Maŋtsɛ ko tsulɔ” aloo “Maŋtsɛ tsulɔ.” Akɛ piafonyo lɛ, ekolɛ asalɛb ni enyɛɛɛ efɔ bii ni ena weku. Shi yɛ egbɛi lɛ mlibaa naa lɛ, esɔmɔ yɛ Yuda maŋtsɛ lɛ kojomɔhe lɛ. Asaŋ yɛ ehe ni ekɛfɔɔ Yehowa nɔ hewɔ lɛ, ejie ehe kpo akɛ mɔni esɔmɔ mɔ ko ni fe shikpɔŋ nɔ maŋtsɛ. Zedekia ta Yerusalem maŋtsɛsɛi ni atsɛɔlɛ “Yehowa sɛi” lɛ nɔ. (1 Kron. 29:23) Nohewɔ lɛ, shishinumɔ yɛ mli akɛ Ebed-Melek tsɔɔ ehe akɛ mɔni sɔmɔɔ Yehowa ni ji “jeŋmaji a-Maŋtsɛ” lɛ. Akɛni esɔmɔ yɛ Yehowa maŋtsɛyeli lɛ henɔ ni yɔɔ Yuda shikpɔŋ nɔ lɛ mli hewɔ lɛ, nyɔmɔ ni awolɛ ji eyi ni abaa yɛ Yerusalem ni yeee emuu lɛ hiɛkpatamɔ lɛ mli.
18. Taakɛ Kpojiemɔ 7:14, 15 lɛ tsɔɔ lɛ, namɔ akɛfee “asafo babaoo” lɛ he mfonirii yɛ Yeremia gbii lɛ amli?
18 Yɛ yibaamɔ ni abaana kɛtsɔ Kristendom “amanehulu kpeteŋkpele” lɛ mli naa lɛ, Kpojiemɔ 7:14, 15 kɛɔ yɛ “asafo babaoo” lɛ he akɛ: “Mɛnɛɛmɛi ji mɛi ni je amanehulu kpeteŋkpele lɛ mli lɛ, ni amɛfɔ amɛtadei lɛ ahe, ni amɛha eyɛ futaa yɛ toobi lɛ la lɛ mli. Nohewɔ ni amɛyɔɔ Nyɔŋmɔ maŋtsɛsɛi lɛ hiɛ, ni amɛjaalɛ nyɔɔŋ kɛ shwane yɛ esɔlemɔtsu lɛ mli Iɛ.” Akɛ kuu lɛ, akɛ Ebed-Melek ni je Yerusalem hiɛkpatamɔ lɛ mli lɛ fee mɛi ni ji “asafo babaoo” ni baaje amanehulu lɛ mli shweshweeshwe lɛ he mfoniri kɛtsɔ hiɛ.
19. Nɔni Ebed-Melek kuu lɛ shweɔ fe fɛɛ ji akɛ amɛkɛ sɔɔmɔ aha namɔ, ni mɛni amɛsumɔɔ akɛ eba amɛnɔ yɛ Yeremia kuu lɛ gbɛfaŋ?
19 Nɛkɛ kuu nɛɛ kaseɔ Yehowa gbeyeishemɔ kɛ bɔni akɛ he fɔɔ enɔ. Nɔni amɛshwɛɔ fe fɛɛ ji akɛ amɛsɔmɔ Jeŋ muu fɛɛ Maŋtsɛ ni ji “jeŋmaji a-Maŋtsɛ” lɛ moŋ fe maŋkwramɔŋ nɔyelɔi kɛ maŋtsɛmɛi ni akɛ gbɔmɛi aniji fee lɛ. Amɛnaa bɔni nɔyelɔi amimyelɔi ni kɛ pɛsɛmkunya taoɔ hewalɛ tamɔ bɔni Adolf Hitler ná Germane nɔ hewalɛ yɛ afi 1933 Ŋ.B; mli ni ebɔ mɔdɛŋ ni ekahe emia hiɛ lolo koni efã Yehowa shwɛɛnii ni afɔ amɛ mu ni Yeremia feɔ amɛhe mfoniri lɛ ashishi kwraa lɛ. Nohewɔ lɛ, Ebed-Melek kuu lɛ kɛ ekãa wó amɛgbee nɔ koni amɛye amɛbua Yeremia kuu lɛ, tsɛbelɛ enɛ kɛ jamɔ kɛ maŋkwramɔŋ henyɛlɔi ahetsɛ kɛ yiwaa baaba amɛnɔ.
20, 21. (a) Ayɔse Ebed-Melek kuu lɛ kɛjɛ mɛɛ afi nɔ titri? (b) Te kuu nɛɛ bɔ mɔdɛŋ ni ekase Yeremia gbii amli Ebed-Melek lɛ tɛɛŋ, shi mɛni amɛwoɔ gbɔmɛi fɛɛ hewalɛ akɛ amɛfee yɛ jeŋ amale jamɔ nɔyeli lɛ gbɛfaŋ?
20 Ayɔse Yehowa odasefoi shwɛɛnii ni afɔ amɛ mu nɛɛ asɛɛfilɔi lɛ kɛjɛ afi 1935 mli beni ayɔse “asafo babaoo” ni baaje “amanehulu” lɛ mli lɛ.
21 Kɛji Ebed-Melek kuu lɛ etsɔ Kristendom nɔyelii lɛ ayiŋ jio, etsɔɔɔ amɛyiŋ jio, amɛkpɛlɛko mɔdɛŋ ni jamɔi kɛ maŋkwramɔ mlibii lɛ bɔɔ koni amɛkpata Yeremia kuu lɛ hiɛ lɛ nɔ, aloo akɛ amɛgu nitsumɔ ni Yeremia kuu lɛ tsuɔ yɛ Yehowa sɔɔmɔ mli tamɔ nɔni akɛ amɛ miiwo nubu ko mli yɛ bulɔi ashia lɛ. Yɛ mlifu ni enɛ eha maŋkwramɔ kɛ jamɔŋ hiɛnyiɛlɔi ena lɛ fɛɛ sɛɛ lɛ, amɛfee bɔni amɛbaanyɛ koni amɛkɛshã Yeremia kuu lɛ kɛjɛ “nu bu” kɛ emli ŋmɔtɔ shihilɛ mli ni anyɛɛɛ nɔ ko atsu lɛ mli. Amɛkɛ ekãa miitsu nii yɛ jeŋ fɛɛ kɛbashi ŋmɛnɛ yɛ Yeremia kuu lɛ masɛi, ni amɛmiijaje Kristendom kɛ jeŋ amale jamɔ maŋtsɛyeli ni ji Babilon Kpeteŋkpele lɛ hiɛkpatamɔ kɛmiitsɔɔ. Amɛmiiwo gbɔmɛi sɔrɔtoi fɛɛ hewalɛ koni amɛje nibii agbɛjianɔtoo ni abulɛ fɔ lɛ mli ni amɛdamɔ shi hiŋŋ yɛ Yehowa hiɛkpatamɔ ta lɛ sɛɛ yɛ tatsɛnukpa ni fe Nebukadnezar ni ji Yesu Kristo lɛ gbɛfaŋ. Enɛ feemɔ amɛkɛbaatsɔɔ akɛ amɛkɛ amɛhe fɔɔ Yehowa ni ji “jeŋmaji a-Maŋtsɛ” lɛ nɔ emuu.
22. Kuu nɛɛ enyɔɔɔ yɛ mɛɛ okadi gbɛ nɔ “klante” naa?
22 Yehowa sumɔɔ Ebed-Melek kuu nɛɛ yɛ amɛhe ni amɛtuɔ kɛhaalɛ kɛ ŋmɛnɛbe mli Yeremia kuu lɛ kpɛŋŋ lɛ hewɔ. Ewo shi akɛ kuu nɛɛ enyɔɔɔ yɛ “klante” ko naa yɛ “Nyɔŋmɔ Ofe lɛ gbi wulu lɛ nɔ ta” ni baaba yɛ “Harmagedon” lɛ mli.—Kpoj: 16:13-16.
23. Mɛni ji haanii ni amɛbaana ni te amɛfee amɛnii tamɔ “gwaŋtɛŋii” ni yɔɔ Yesu abɛbua yɛ Mateo 25:31-34 mli Iɛ tɛɛŋ?
23 Ákɛ nyɔmɔwoo ni baajɛ Yehowa ŋɔɔ lɛ, abaabaa amɛsusumai ayi yɛ shikpɔŋ lɛ nɔ tamɔ haanii ni asaa ato aha mɛi ni abaa amɛyi yɛ ta mli lɛ. Tamɔ mɛi ni hiɛ gwaŋtɛŋ su yɛ Yesu abɛbua ni kɔɔ “gwaŋtɛŋii” kɛ “abotiai” ahe lɛ mli lɛ, amɛfee Kristo mumɔŋ nyɛmimɛi shwɛɛnii lɛ ejurɔ. Beni Kristo mumɔŋ nyɛmimɛi nɛɛ yɔɔ “tsuŋwoohe” ni ji “nu bu” aloo mɔgbelɔi adɛ lɛ, amɛyasara amɛ yɛ teemɔŋ kɛ faŋŋ mli ni amɛha ajie amɛ koni amɛtsa naagbee nitsumɔ ni Yehowa odasefoi yɔɔ tsumɔ yɛ jeŋ nibii agbɛjianɔtoo ni abulɛ fɔ mli lɛ nɔ.—Mat. 25:31-36, 46.
24. Mɛɛ kuu yelikɛbuamɔi ahe shidaa ŋmɛnɛbeaŋ Yeremia kuu Iɛ kɛhaa Nyɔŋmɔ, ni mɛni amɛkɛ ekomefeemɔ baakahe atsu beni amɛje “amanehulu kpeteŋkpele” mli sɛɛ Iɛ?
24 Nyɛhaa mɛi fɛɛ ale yɛ hefɛɛhe akɛ Yeremia kuu lɛ miida Yehowa shi yɛ “toi krokomɛi” “asafo babaoo” ni ebua amɛnaa lɛ hewɔ, mɛi ni Kushnyo piafonyo Ebed-Melek ni hi shi yɛ Yuda maŋtsɛyeli lɛ maŋtiase ni ji Yerusalem ni yeee anɔkwale lɛ naagbee gbii amli Iɛ feɔ amɛhe mfoniri lɛ. Yeremia kuu lɛ baana miishɛɛ babaoo beni ekɛ Ebed-Melek kuu lɛ baanyiɛ kɛfo “amanehulu kpeteŋkpele” lɛ shweshweeshwe lɛ. Amɛ fɛɛ amɛkɛ ekomefeemɔ baabɔ̃i nitsumɔ yɛ Gbɛjianɔtoo Hee lɛ mli, heni akɛ amɛ baaje Kristo maŋtsɛyeli afii akpe lɛ shishi yɛ lɛ. Gbɛjianɔtoo Hee ni yɔɔ nyam mli ni akɛ amɛ baabote nɛɛ baafee amɛnyɔmɔwoo yɛ sɔɔmɔ ni amɛsɔmɔ jeŋ muu fɛɛ Maŋtsɛ ni ji Yehowa,“jeŋmaji a-Maŋtsɛ” lɛ hewɔ. c
[Shishigbɛ niŋmai]
a Taakɛ bɔni A Greet-English Lexicon ni Liddell kɛ Scott (1948) fee lɛ tsɔɔ, Hela wiemɔ ni akɛtsɛɔ Etiopianyo (Aitniops) Iɛ shishi ji “Mɔni hulu esha ehiɛ, ni ji Etiopianyo, mɔdiŋ, Homer kɛ mɛikrokomɛi.”
b Maŋsɛɛ piafonyo ni asale nyɛɛɛ atsɔ Yudanyo aloo efee Israel asafo ni afolɛ ketia lɛ mlinyo.—5 Mose 23:1: kɛto Yesaia 56:3-5 he.
c Ajie kɛjɛ February 1, 1980 Blɔfo Buu-Mɔɔ lɛ mli.
[Mfoniri ni yɔɔ baafa 11]
Ebed-Melek kɛ hii 30 tee amɛyajie Yeremia