AKRABATSA 7B
Ezekiel Wolo Lɛ Mli Saji Komɛi Ni Sa Kadimɔ Waa
“Gbɔmɔ Bi”
EJE KPO FE SHII 90
Atsɛ Ezekiel akɛ “gbɔmɔ bi” fe shii 90. (Eze. 2:1) Yehowa tsɔ enɛ nɔ ekai Ezekiel akɛ eyɛ mli akɛ ená hegbɛi kpelei moŋ, shi kɛ̃lɛ gbɔmɔ adesa kɛkɛ ji lɛ. Nɔ ni sa kadimɔ ji akɛ, yɛ Sanekpakpai lɛ amli lɛ, atsɛ Yesu akɛ “gbɔmɔ Bi” aaafee shii 80, ni no tsɔɔ akɛ, ebatsɔ gbɔmɔ adesa diɛŋtsɛ, shi jeee akɛ eji ŋwɛibɔfo ko ni eŋɔ adesa gbɔmɔtso kɛkɛ.—Mat. 8:20.
“Nyɛbaaná Nyɛle Akɛ Miji Yehowa”
EJE KPO FE SHII 50
Ezekiel kɛ wiemɔ ni ji “nyɛbaaná nyɛle akɛ miji Yehowa” lɛ kɛ ekrokomɛi ni tamɔ nakai tsu nii fe shii 50, ni no maa nɔ mi akɛ Yehowa pɛ ji mɔ ni sa akɛ akɛ jamɔ krɔŋŋ ahã.—Eze. 6:7.
“Nuŋtsɔ Ofe Yehowa”
EJE KPO SHII 217
Wiemɔ ni ji “Nuŋtsɔ Ofe Yehowa” lɛ jeɔ kpo shii 217, ni no hãa wɔnaa bɔ ni Nyɔŋmɔ gbɛ́i lɛ he hiaa waa, ni etsɔɔ hu akɛ bɔɔ nii lɛ fɛɛ yɛ Yehowa shishi.—Eze. 2:4.