4. Mɛni wɔbaanyɛ wɔkase kɛjɛ sane ni kɔɔ shikpɔŋ krɔŋkrɔŋ ni afo ahã Yehowa lɛ he lɛ mli?

⁴ Mɛni wɔbaanyɛ wɔkase kɛjɛ sane nɛɛ ni kɔɔ shikpɔŋ krɔŋkrɔŋ ni afo ahã Yehowa lɛ he lɛ mli? Shikpɔŋ lɛ eko ni Yehowa hã afo ahã lɛ klɛŋklɛŋ akɛ shikpɔŋ krɔŋkrɔŋ dani no sɛɛ lɛ ehã aja shikpɔŋ lɛ ahã Israel wekui lɛ tsɔɔ akɛ, Yehowa miisumɔ ni Israelbii lɛ kɛ amɛjwɛŋmɔ aya nakai shikpɔŋ lɛ nɔ klɛŋklɛŋ dani amɛsusu ekrokomɛi lɛ ahe. (Eze. 45:1) Ekã shi faŋŋ akɛ, nomii lɛ kase nii waa yɛ bɔ ni ato naa aja shikpɔŋ lɛ ahã lɛ mli. Esa akɛ amɛkɛ Yehowa jamɔ aye klɛŋklɛŋ gbɛhe yɛ amɛshihilɛ mli. Ŋmɛnɛ lɛ, wɔnaa Nyɔŋmɔjamɔ nifeemɔi, tamɔ Biblia lɛ kasemɔ, Kristofoi akpeeiyaa, kɛ shiɛmɔ nitsumɔ lɛ akɛ amɛhe hiaa waa, ni wɔkɛyeɔ klɛŋklɛŋ gbɛhe yɛ wɔshihilɛ mli. Bɔ ni Yehowa kɛ nibii ni he hiaa lɛ ye klɛŋklɛŋ gbɛhe lɛ hãa wɔnaa akɛ, esa akɛ wɔhã ejamɔ lɛ afee nɔ ni he hiaa wɔ fe nɔ fɛɛ nɔ yɛ wɔshihilɛ mli.

“Levibii lɛ” anɔ lɛ yɛ shikpɔŋ nɛɛ ŋwɛigbɛ. Eji “nɔ ko krɔŋkrɔŋ.” Eteŋgbɛ nɔ lɛ ji “shikpɔŋ krɔŋkrɔŋ kɛhã osɔfoi lɛ.” Eji “he ko ni amɛbaamamɔ amɛshĩai yɛ kɛ he ko krɔŋkrɔŋ kɛhã jamɔhe lɛ,” loo sɔlemɔ shĩa lɛ.

EZE. 45:1-5; 48:9-14