Nii Ni Wɔkaseɔ Kɛjɛɔ Ŋmalɛi Lɛ Amli: Yoel 1:1—3:21
Boo Otsɛ Yehowa Gbɛi lɛ ni Ahere Oyiwala!
“KƐJI haomɔ Iɛ bafee nɔ ni anyɛɛɛ naa atsi dɔŋŋ Iɛ, ebaagbɛ eshwa kɛya Afrika Bokagbɛ kɛ Bokagbɛ Kpaakpa fɛɛ. Ebaanyɛ efee amanehulu.” Nɛkɛ ji bɔ ni onukpai ni kwɛɔ Jeŋmaji Ekomefeemɔ Iɛ Niyenii kɛ Okwaayeli he Gbɛjianɔtoo (UN Food and Agriculture Organization) lɛ nɔ Iɛ ateŋ mɔ kome wie yɛ agai akpekpei akpei abɔ ni yeɔ nii waa ni miifite nii yɛ Afrika kooyi-anaigbɛ niiaŋ amrɔ nɛɛ—baalabii Iɛ ahe.
Yehowa gbalɔ Yoel wie haomɔ ni tamɔ nakai nɔŋŋ he aaafee afi 820 D.Ŋ.B. Iɛ mli. Etsɔɔ bɔ ni kooloi bibii nɛɛ baatutua Yuda maŋ Iɛ ni amɛbaafite emli niyenii fɛɛ Iɛ yɛ niianaatsɔɔmɔ ko ni ja ni emli ka shi faŋŋ mli. Shi kɛlɛ, nakai haomɔ Iɛ feɔ nɔ ko ni nɔ kwɔ fe dumɔ nii fitemɔ ni ba amɛnɔ nɛɛ he mfoniri. Etswaa “Yehowa gbi Iɛ” he adafi. Wɔ yinɔ nɛɛ kɛ “gbi ni yɔɔ gbeyei” kɛ emlifu ni kpataa nii ahiɛ kwraa nɛɛ baakpe. Mɛɛ hiɛnɔkamɔ yɔɔ kɛha yiwalaheremɔ? Ni mɛɛ nikasemɔi wɔbaanyɛ wɔna kɛjɛ Yoel gbalɛ wolo nɛɛ mli?
Agai Atutuamɔ ni Yɔɔ Gbeyei
Tsuitsakemɔ he miihia kɛha yiwalaheremɔ yɛ Yehowa gbi ni yɔɔ gbeyei Iɛ nɔ. Wɔtsɔɔ Yoel hiŋmɛii amli wɔnaa amanehulu ni baa yɛ be mli ni gɔgɔmii, baalabii, baalabii ni bɛ fiji, kɛ kakalikai fiteɔ shikpɔŋ Iɛ nɔ jwɛi fɔ fɛɛ lɛ. Awo osɔfoi Iɛ, kɛ onukpai Iɛ, kɛ Yuda maŋ lɛ mlibii krokomɛi fɛɛ hewalɛ ni amɛtsake amɛtsuii “ni amɛbo amɛtsɛ Yehowa ni eye ebua amɛ.” Aboŋoi Iɛ kamɔ shi efolo, ni abeletoo hei lɛ ekumɔ akɛni anaaa ŋmɔshi nii awo mli Iɛ hewɔ. Shia kooloi Iɛ ehao kɛmiibɔle shi, amɛmiitao niyeli he, shi amɛnaaa. Mɛɛ hiɛkpatamɔ gbi kpele ni jɛ Ofe lɛ dɛŋ nɛ!—1:1-20.
Esa akɛ bɔ ni Yehowa gbi lɛ ebɛŋkɛ Iɛ atsirɛ wɔ ni wɔkɛ wɔhe awo nitsumɔi krɔŋkrɔŋi kɛ nyɔŋmɔjamɔi amli. (2 Petro 3:10-12) Yoel yeɔ ebuaa wɔ ni wɔnaa Iɛ akɛ duŋ kɛ jeŋ tuutuufeemɔ gbi, atatui kɛ oblɔtu kpii gbi hu. Baalabii lɛ baafee nɔ ko ni kɛ hegbeyeiwoo baa yɛ nakai gbi lɛ nɔ. Yɛ be mli ni amɛbaaba lɛ mli lɛ, Yuda shikpɔŋ ni tamɔ Eden Iɛ baatsɔ amaŋfo. Baalabii lɛ afijiaŋ gbɛɛmɔ lɛ hu baafee nɔ ko ni sa kadimɔ, ejaakɛ etamɔ shwilii gbɛɛmɔ kɛ la ni miisha gbetselii. Ni yɛ be mli ni baalabii lɛ baa “tamɔ maŋ ni he wa, ni teɔ shi ni eyawuu ta” lɛ ni amɛkwɔɔ gbogboi lɛ, ni amɛtumɔɔ kɛbaa maŋ lɛ mli, ni amɛboteɔ shiai lɛ amli, Hulu kɛ nyɔtsere kɛ ŋulamii lɛ po woɔ duŋ yɛ ‘Yehowa gbi ni yɔɔ gbeyei lɛ nɔ.’—2:1-11.
Yiwalaheremɔ gbɛ lɛ
Dani wɔbaana yiwalaheremɔ lɛ, esa akɛ wɔkpɛlɛ nɔ akɛ ‘Yehowa ji Nyɔnmɔ ni mɔ ko mɔ ko bɛ dɔŋŋ.’ Yehowa woɔ wɔ ŋaa akɛ: “Nyɛkpalea kɛbaa miŋɔɔ kɛ nyɛtsui muu lɛ fɛɛ.” Awoɔ onukpai kɛ gbekɛbii fɛɛ hewalɛ ni amɛbua amɛhe naa kɛha Nyɔnmɔ jamɔ ni amɛkɛtao Nyɔŋmɔ dɛŋ hiɛsɔɔ. Nyɔnmɔ baatsɔ mɔbɔnalɛ, ni ebaato nibii ni kooloi lɛ fite lɛ najiaŋ, ni ebaajɔɔ ewebii lɛ kɛ shweremɔ babaoo. Mɛi ni kpɛlɛɔ Yehowa gbɛhe lɛ nɔ akɛ anɔkwale Nyɔŋmɔ kome pɛ kɛ yiwalaheremɔ Jɛɛhe Iɛ ahiɛ gboiŋ kɔkɔɔkɔ.—2:12-27.
Wɔ yiwalaheremɔ hu damɔ tsɛ ni wɔɔtsɛ Yehowa gbɛi Iɛ yɛ hemɔkɛyeli mli Iɛ nɔ. Dani “Yehowa gbi wulu ni yɔɔ gbeyei naakpa” Iɛ aaaba Iɛ, Nyɔŋmɔ ‘baafɔse emumɔ Iɛ eshwie heloo fɛɛ nɔ.’ Onukpai kɛ gbekɛbii, hii kɛ yei, aaagba. No hewɔ lɛ mɛi babaoo baale akɛ ‘mɔ fɛɛ mɔ ni aaabo atsɛ Yehowa gbɛi lɛ aaahere eyiwala.’—2:28-32
Kojomɔ ni Akaba Jeŋmaji lɛ Anɔ
Yehowa baabaa ewebii ni yeɔ anɔkwale Iɛ ayi yɛ be mli ni ekɛ kojomɔ baa jeŋmaji lɛ anɔ lɛ. (Okɛto Ezekiel 38:18-23; Kpojiemɔ 16:14-16 he.) Esa akɛ Tiro, Sidon kɛ Filistia awo yiwaa ni amɛkɛba Nyɔŋmɔ webii lɛ anɔ kɛ hɔɔmɔ ni amɛhɔɔ amɛ kɛtee nyɔŋyeli mli lɛ he nyɔmɔ. Yehowa kɛ Yuda kɛ Yerusalem nomii lɛ baaku sɛɛ aba ekoŋŋ, ni etswaa ehenyɛlɔi lɛ mpoa ekɛɔ akɛ: “ Nyɛfea ta krɔŋkrɔŋ nyɛtoa!” Shi amɛjeee nɔ ko kɛhaaa Nyɔŋmɔ, mɔ ni kɛ kojomɔ baa amɛnɔ yɛ mfonirifeemɔ “Yehoshafat jɔɔ lɛ mli” Iɛ. Ni eyɛ mli akɛ ŋwɛi kɛ shikpɔŋ baahoso moŋ, shi Yehowa baafee abobaa he aha ewebii lɛ. Anɔkwafoi lɛ baana yibaamɔ kɛjɛ kojomɔ ni baa jeŋmaji lɛ anɔ Iɛ mli ni amɛbaana wala mli ŋɔɔmɔ yɛ paradeiso shihilɛ mli.—4:1-21
Nikasemɔ ni esa akɛ akai:Tsuitsakemɔ he miihia kɛtsɔ hiɛ kɛji akɛ abaabaa mɔ ko yi yɛ Yehowa gbi ni yɔɔ gbeyei Iɛ nɔ. Esa akɛ bɔ ni nakai gbi lɛ ebɛŋkɛ eha lɛ atsirɛ wɔ ni wɔtsu nitsumɔi krɔŋkrɔŋi kɛ nitsumɔi ni saa Nyɔŋmɔ hiɛ. Lɛlɛŋ, wɔ yiwalaheremɔ damɔ kpɛlɛmɔ ni wɔɔkpɛlɛ nɔ akɛ Yehowa kome too pɛ ji Nyɔŋmɔ lɛ nɔ. Ni kɛji wɔbo wɔtsɛ egbɛi yɛ hemɔkɛyeli mli Iɛ, ebaahere wɔyiwala yɛ be mli ni ekɛ kojomɔ baa jeŋmaji Iɛ anɔ lɛ.
Yoel gbalɛ lɛ yaa nɔ ekɛ niiahesusumɔ babaoo haa wɔ lolo. Ejaakɛ “Yehowa gbi ni da ni he yɔɔ gbeyei” Iɛ ebɛŋkɛ! Esa akɛ abɔ adesai kɔkɔ. Ni taakɛ baalabii Iɛ fee yɛ Yoel gbalɛ Iɛ mli Iɛ, Yehowa Odasefoi Iɛ butuɔ Kristendom kɛtsɔ kpamɔ ni amɛkpaa mumɔŋ yibii ni ewooo lɛ he mama ni gbeyeishemɔ ko bɛ mli Iɛ nɔ. Enɛ teɔ ehiɛnyiɛlɔi Iɛ amlifu kɛ amɛ shitee-kɛ-woo shi, shi naatsii nii ni tamɔ gbogbo ni amɛbɔɔ mɔdɛŋ akɛ amɛkɛaatsi mfonirifeemɔ baalabii lɛ nɛɛ anaa lɛ yeee omanye. Yehowa efɔse emumɔ lɛ eshwie ewebii lɛ anɔ, ni ekɛwaje amɛ koni amɛkɛtswa ekojomɔi lɛ he adafi. No hewɔ lɛ, yɛ be fioo ni eshwɛ dani Nyɔŋmɔ gbi ni yɔɔ gbeyei lɛ aaashɛ lɛ, nyɛhaa wɔnaa gbɛfaŋnɔ ni yeɔ emuu yɛ mli ni wɔye wɔbua mɛi krokomɛi ‘ni amɛbo amɛtsɛ Yehowa gbɛi lɛ ni ahere amɛyiwala.’
[Akrabatsa ni yɔɔ baafa 30]
BIBLIA MLI ŊMALƐI Nl ATSƆƆ MLI
○ 1:2—Yoel kɛ “onukpai” ni kɛ gbɛtsɔɔmɔ gbonyo ha maŋ lɛ wie. Akɛni “shikpɔŋ Iɛ nɔ bii lɛ” hu nyiɛ nakai amale gbɛtsɔɔmɔ Iɛ sɛɛ hewɔ lɛ, amɛ hu amɛbaabu amɛhe akɔntaa yɛ Yehowa hiɛ. Ŋmɛnɛ, jamɔ mli hiɛnyiɛlɔi ni yɔɔ Kristendom lɛ elaka amɛ tooku lɛ yɛ gbɛ ni tamɔ nakai nɔŋŋ nɔ. Ni taakɛ Yoel fee lɛ, Yehowa Odasefoi lɛ ejaje amɛ shɛɛwiemɔ lɛ amɛshi osɔfoi akuu lɛ. Shi kɛlɛ, esa akɛ ajaje Nyɔŋmɔ wiemɔ lɛ atsɔɔ gbɔmɛi lɛ diɛŋtsɛ ejaakɛ amɛ hu amɛbaabu amɛhe akɔntaa amɛha Yehowa.—Yesaia 9:15-17; Romabii 14:12.
○ 2:1-10, 28—Abɔ lsraelbii lɛ kɔkɔ akɛ kɛji akɛ amɛgbo Nyɔŋmɔ nɔ toi lɛ, baalabii kɛ kooloi krokomɛi baafite amɛ ŋmɔshi nibii lɛ. (5 Mose 28:38-45) Akɛni Ŋmalɛi Iɛ eŋmaaa kooloi atuamɔ ko ni ba Kanaan nɔ taakɛ Yoel tsɔɔ lɛ hewɔ lɛ, amanehulu ni ewie he lɛ ji mfonirifeemɔ mli nɔ. Eka shi faŋŋ akɛ, gbalɛ lɛ bɔi mlibaa yɛ Pentekoste yɛ afi 33 Ŋ.B., beni Yehowa je shishi ‘efɔse emumɔ lɛ’ eshwie Yesu kaselɔi ni kɛ amɛ shɛɛsane ni jɛ Nyɔŋmɔ ŋɔɔ lɛ hao apasa nyɔŋmɔjalɔi Iɛ anɔ lɛ. (Bɔfoi lɛ Asaji 2:1, 14-21; 5:27-29) Amrɔ nɛɛ Yehowa Odasefoi lɛ hu miitsu butumɔ nitsumɔ ko ni tamɔ nakai nɔŋŋ.
○ 2: 12, 13—Yɛ blema bei amii lɛ, ni mɔ ko aaatsɛrɛ ehe atadei lɛ tsɔɔ awerɛho ni eyeɔ lɛ kpojiemɔ yɛ faŋŋ mli. (1 Mose 37:29, 30; 44:13) Shi abaanyɛ afee enɛ ni anɔkwayeli bɛ mli, kɛ osatofeemɔ. Yoel fee lɛ faŋŋ akɛ, ni aaaye awerɛho yɛ faŋŋ mli lɛ kɛkɛ faaa. Esa akɛ gbɔmɛi lɛ ‘atsɛrɛ amɛtsui’ kɛtsɔ heshwamɔ ni jɛ amɛtsuii amli lɛ nɔ.
○ 2:31,32—Yehowa gbele gbɛ eha anɔkwafoi ni hi shi yɛ Yoel gbii lɛ amli lɛ ni amɛje hiɛkpatamɔ ni ba lɛ mli. Amrɔ nɛɛ, Yehowa kɛ yiwalaheremɔ he hegbɛ miiha kɛtsɔ Yesu Kristo nɔ yɛ “naagbee gbii” nɛɛ amli. (2 Timoteo 3:1: Romabii 5:8, 12; 6:23) Shi kɛlɛ,Yehowa gbɛi lɛ ji nɔ ni esa akɛ adesai eshafeelɔi atsɛ koni amɛna naanɔ yiwalaheremɔ. Enɛ tsɔɔ akɛ esa akɛ amɛle ŋwɛi gbɛi nɛɛ, ni amɛjie bulɛ ni yeɔ emuu kpo amɛha lɛ, ni amɛkɛ amɛhe afɔ Mɔ ni hiɛ nakai gbɛi lɛ nɔ kwraa. Kɛtsɔ no nɔ lɛ, mɛi ni tsɛɔ Yehowa gbɛi lɛ yɛ hemɔkɛyeli mli lɛ “aaaje mli” yɛ be mli ni Nyɔŋmɔ kɛ kojomɔ baa jeŋmaji lɛ anɔ yɛ “egbi ni da ni he yɔɔ gbeyei?” lɛ nɔ lɛ.—Zefania 2:2, 3; 3:12; Romabii 10:11-13.
○ 3:2, 14—Atsɛɔ mfonirifeemɔ mli he ni akɛ ŋwɛi kojomɔ baaba yɛ “Yehowa gbi” lɛ nɔ lɛ akɛ “atɛŋbuu jɔɔ.” Atsɛɔ jɛmɛ hu akɛ “Yehoshafat jɔɔ.” Enɛ ja jogbaŋŋ, akɛni gbɛi Yehoshafat lɛ shishi ji “Yehowa ji kojolɔ” lɛ. Yɛ Maŋtsɛ Yehoshafat nɔyeli bei amli lɛ, Nyɔŋmɔ jie Yuda kɛ Yerusalem kɛjɛ Moab, Amon, kɛ Seir gɔŋ lɛ nɔ bii lɛ adɛŋ, ni efutu amɛyiŋ ni eha amɛgbegbee amɛhe. (2 Kronika 20:1-30) Yɛ wɔgbii nɛɛ amli lɛ, “Yehoshafat jɔɔ” Iɛ tsuɔ nii akɛ mfonirifeemɔ mli wein nɔnaamɔ he, nɔ mli ni anaanaa jeŋmaji lɛ anɔ tamɔ wein yɛ lɛ, yɛ yiwaa ni amɛkɛba Yehowa webii lɛ anɔ lɛ hewɔ.
○ 3:6—Tiro,Sidon kɛ Filistia ye fɔ yɛ hɔɔmɔ ni amɛhɔɔ Yuda kɛ Yerusalem kɛtee nyɔŋyeli mli amɛha Helabii lɛ hewɔ. Eenyɛ eba akɛ Yudafoi lɛ ekomɛi ji jeŋmaji krokomɛi mɔmɔ amɛ lɛ baje Tirobii, Sidonbii lɛ kɛ Filistiibii nyɔji ahɔɔlɔi lɛ adɛŋ.Ni nɔ ni ehiii fe fɛɛ lɛ, ekolɛ nɛkɛ jeŋmaji nɛɛ ye Yudafoi ni jo foi kɛjɛ amɛhenyɛlɔi adɛŋ kɛyaba abo yɛ amɛŋɔɔ lɛ anɔ akɛ nyɔji. Bɔ fɛɛ bɔ ni sane lɛ ji lɛ, Nyɔŋmɔ bi ni nɛkɛ nyɔji ahɔɔlɔi nɛɛ abu amɛhe akɔntaa yɛ yiwaa ni amɛkɛba ewebii lɛ anɔ lɛ hewɔ. Enɛ tsɔɔ nɔ ni baaba maji ni waa Nyɔŋmɔ webii lɛ ayi ŋmɛnɛ lɛ anɔ wɔsɛɛ.
[He ni Mfoniri ni yɔɔ baafa 31 lɛ Jɛ]
Pictorial Archive (Near Eastern History) Est.