Nii ni Wɔkaseɔ Kɛjɛɔ Ŋmalɛi Iɛ Amli: Maleaki 1:​1–4:⁠6

Anɔkwa Nuŋtsɔ Iɛ Be Kɛha Kojomɔ

“YEHOWA sɔɔmɔ Iɛ yakatswaa ni.” (Maleaki 3:14) Nyɔŋmɔ diɛŋtsɛ webii lɛ jie nɛkɛ yiŋkɔshikɔshifeemɔ nɛɛ kpo yɛ be mli ni Maleaki gba yɛ afii ohai enumɔ D.Ŋ.B. Iɛ mli lɛ. Mɛni hewɔ? Ejaakɛ shihilɛ ni ehiii kwraa eba Yuda, titri lɛ osɔfoi lɛ ateŋ. Pɛsɛmkunya ninamɔ ji nɔ ni amɛkɛma amɛhiɛ titri. Maleaki kɛ hewalɛ kpa nakai jamɔ mli hiɛnyiɛlɔi osatofoi Iɛ ahe mama, ni ebɔ kɔkɔ akɛ anɔkwa Nuŋtsɔ Iɛ miiba kɛha kojomɔ.​—Maleaki 1:​6-8; 2:​6-9; 3:⁠1.

Maleaki gbalɛ Iɛ ena emlibaa yɛ wɔ diɛŋtsɛ wɔgbii nɛɛ amli. No hewɔ Iɛ. ebaahi jogbaŋŋ akɛ wɔɔsusu nikasemɔi ni yɔɔ mli Iɛ ahe.

Nyɔŋmɔ Gbɛi lɛ He Guɔ ni Agbe

Yehowa miikpa gbɛ akɛ ewebii Iɛ kɛ nɔ ni hi fe fɛɛ baaha Iɛ. Nyɔŋmɔ ji klɛŋklɛŋ mɔ ni jieɔ esuɔmɔ kpo etsɔɔ ewebii lɛ. Ni kɛlɛ, osɔfoi Iɛ miigbe egbɛi Iɛ he guɔ kɛtsɔ he ni amɛheɔ kooloi ni amɛshwila, amɛhe yeɔ kɛ nɔ ni amɛje kpa ni amɛkɛshaa afɔle lɛ nɔ. Yehowa bɛ miishɛɛ ko yɛ osɔfoi ni sɔmɔɔ amɛ diɛŋtsɛ amɛhe Iɛ loo afɔlei ni esaaa ni amɛheɔ Iɛ mli. Shi yɛ bɔ fɛɛ bɔ ni amɛaafee nii amɛha sɛɛ lɛ. Yehowa “gbɛi Iɛ he yɛ gbeyei yɛ jeŋmaji Iɛ ateŋ!”​—1 :​1-14.

Gbɛnaa nii ni tsii ka mɛi ni ji tsɔɔlɔi lɛ anɔ. (Yakobo 3:⁠1) Osofoi lɛ eha “mɛi pii etɔ mla lɛ nɔ.” Yɛ mɛɛ gbɛ nɔ? Ejaakɛ amɛtsɔɔɔ gbɔmɛi lɛ Nyɔŋmɔ mla ni hiɛaŋ moŋ amɛkwɛɔ. Yehowa mli efu amɛ yɛ gbɛ ni ja nɔ, “ejaakɛ esa akɛ osɔfo Iɛ naabu toɔ nilee, ni Iɛ edaaŋ esa akɛ atao mla kɛjɛ.”​—2:​1-9.

Yehowa ebuuu hiɛ ni akuɔ ashwieɔ gbalashihilɛ gbɛjianɔtoo lɛ nɔ Iɛ akɛ eji sane ni he ehiaaa. Nɔ ni kɛ Nyɔŋmɔ mla kpaaa gbee lɛ, Yuda hii eyaŋɔ maŋsɛɛ yei. (5 Mose 7:​3, 4) Amɛye amɛbalahiaŋ ŋamɛi Iɛ kutumpɔo kɛtsɔ shwiemɔ ni amɛshwieɔ amɛ Iɛ nɔ. Yehowa “miinyɛ ŋa shwiemɔ,” taakɛ Maleaki bo kɔkɔ lɛ.​—2:​10-17.

Kojomɔ kɛ Hetsuumɔ

Yehowa ekpɛlɛɛɛ nɔ fɔŋ feemɔ nɔ kɛyaaa naanɔ. “Anɔkwa Nuŋtsɔ” lɛ baaba esɔlemɔwe lɛ, ni “ekpaŋmɔ bɔfo” Iɛ fata ehe. Ebaatsuu Levibii lɛ ahe ni efɔ amɛhe. Yehowa baafee odasefonyo ni he yɔɔ oya eshi ŋkunyaayelɔi kɛ gbalafitelɔi, kɛ mɛi ni kaa amale kita, kɛ shishiulɔi kɛ yiwalɔi Iɛ.​—3:1-5.

Mɛi ni kɛ amɛnikeenii haaa Yehowa lɛ baaye ohia. Yehowa tsakeee. Kɛ gbɔmɛi sɛɛsɛɛyalɔi Iɛ ku amɛsɛɛ amɛba eŋɔɔ lɛ, ekɛ mɔbɔnalɛ baaku sɛɛ ebɛŋkɛ amɛ. Amɛmiishishiu Nyɔŋmɔ ejaakɛ amɛmiitsi mlijaa nyɔŋma mli ekome kɛ tooyeli Iɛ naa. Shi kɛji akɛ amɛkɛ mlijaa nyɔŋma mli ekome Iɛ ba lɛ, Yehowa ewo jɔɔmɔ shi “kɛyashi be mli ni hiamɔ ko bɛ dɔŋŋ.” Amɛbaawo yibii babaoo yɛ be fɛɛ mli.​—3:​6-12.

Yehowa hiŋmɛii yɛ ewebii anɔ. Nyɔŋmɔ kɛ mɛi ni ewie eshi lɛ waa lɛ yeɔ. Nɔ ni tamɔɔɔ nakai lɛ, eboɔ mɛi ni sheɔ lɛ gbeyei lɛ atoi. Ebaaha aŋma “kaimɔ wolo” yɛ ehiɛ aha “mɛi ni jwɛŋɔ egbɛi Iɛ he lɛ.” Ewebii Iɛ baana sɔrɔtofeemɔ ni ka jalɔ kɛ mɔ ni ejaaa lɛ teŋ.​—3:​13-18.

Yehowa Gbi Iɛ Miiba!

Nɔ ni Yehowa gbi lɛ baatsɔ ji hiɛkpatamɔ kwraa kɛha efɔŋfeelɔi lɛ. Yehowa gbi lɛ miiba, ni ebaakpata efɔŋfeelɔi lɛ ahiɛ tamɔ gbetselii yɛ la flɔnɔɔ mli. Abaasha amɛ ni ashiŋ ‘shishifa loo tso nine ahaŋ amɛ.’ Shi mɛi ni sheɔ Yehowa gbɛi lɛ gbeyei lɛ, amɛbaana “jalɛ hulu” lɛ tsamɔ mli sɛɛnamɔi. Dani Yehowa gbi wulu ni he yɔɔ gbeyei lɛ aaaba lɛ, ebaatsu gbalɔ Elia koni eyatsu saamɔ nitsumɔ ko.​—4:​1-6.

Nikasemɔi kɛha ŋmɛnɛ: Kɛ eba jamɔ gbɛfaŋ lɛ, Yehowa biɔ ni ewebii lɛ kɛ nɔ ni hi fe fɛɛ aha lɛ. (Okɛto Mateo 22:​37, 38 he.) Gbɛnaa nii ka Nyɔŋmɔ Wiemɔ Iɛ tsɔɔlɔi lɛ anɔ akɛ amɛtsɔɔ nii jogbaŋŋ ni amɛnyiɛ mɛi krokomɛi ahiɛ yɛ anɔkwa jamɔ mli. Ebaahi jogbaŋŋ akɛ wɔɔkai akɛ jalɛ Nyɔŋmɔ lɛ hiŋmɛii yɛ mɛi ni ejieee bulɛ kpakpa kpo amɛhaaa gbalashihilɛ, mɛi ni kɛ amɛhe woɔ nɔ fɔŋ feemɔ mli lɛ anɔ. Eba akɛ wɔɔŋmɛ gbɛ koni hetsuumɔ kɛ hetsemɔ nifeemɔ ni anɔkwa Nuŋtsɔ Iɛ tsuɔ he nii lɛ aya nɔ yɛ wɔgbɛfaŋ yɛ be mli ni wɔkɛ hehiamɔ mɛɔ “Yehowa gbi wulu kpele ni he yɔɔ gbeyei lɛ”!

[Akrabatsa ni yɔɔ baafa 30]

BIBLIA MLI ŊMALƐI NI ATSƆƆ MLI

○ 1:10​—Osɔfoi pɛsɛmkunya tsɛmɛi ni shika he hɔmɔ yeɔ amɛ Iɛ miisɔmɔ yɛ amɛpɛsɛmkunya ninamɔ hewɔ. Amɛheɔ shika yɛ nibii bibii po ni amɛtsuɔ yɛ sɔlemɔwe lɛ amɛhaa mɛi lɛ amli, tamɔ shinai aŋamɔ loo afɔleshaa latɛ lɛ nɔ la ni amɛsuɔ. Ŋwanejee ko bɛ he akɛ Yehowa ‘nyaaa afɔlei ni amɛshaa lɛ ahe!’

○ 1:13​—Osɔfoi ni bɛ hemɔkɛyeli lɛ buɔ afɔleshai lɛ akɛ nifeemɔ ni tɔɔ mɔ, jatsu. Amɛgbeɔ Yehowa krɔŋkrɔŋ nii Iɛ ahe guɔ. Ekaba kɔkɔɔkɔ akɛ wɔɔŋmɛ gbɛ koni “wɔnaabui ni wɔkɛfeɔ tsinai” lɛ aaafee nii ni wɔkɛaasha afɔle kɛkɛ!​—Hoshea 14:2; Hebribii 13:⁠15.

○ 2:13​—Yudafoi wumɛi pii miishwie amɛbalahiiaŋ ŋamɛi, ekolɛ bɔni afee ni amɛkɛ yei ni ji wɔŋjalɔi ni ji obalayei abote gbalashihilɛ mli. Nɔ ni baha Yehowa afɔleshaa latɛ lɛ nɔ ji yaafonui​—ni eka shi faŋŋ akɛ ŋamɛi ni amɛwumɛi eshwie amɛ lɛ ba sɔlemɔwe lɛ koni amɛbafɔse amɛ awerɛho amɛshwie Nyɔŋmɔ hiɛ.​—Maleaki 2:​11, 14, 16.

○ 3:1​—“Anɔkwa Nuŋtsɔ” lɛ ji Yehowa Nyɔŋmɔ, ni “kpaŋmɔ bɔfo” lɛ ji Yesu Kristo. Gbalɛ lɛ klɛŋklɛŋ mlibaa ba mli yɛ be mli ni Yesu tsuu sɔlemɔwe lɛ he lɛ. (Marko 11:​15-17) Enɛ ba yɛ be mli ni afɔ lɛ mu akɛ Maŋtsɛ ni Ahala Lɛ lɛ sɛɛ afi etɛ kɛ fa. Nakai nɔŋŋ hu, beni akɛ Yesu ta sɛi nɔ akɛ Maŋtsɛ yɛ 1914 gbo be mli Iɛ sɛɛ afii etɛ kɛ fa lɛ, efata Yehowa he kɛba mumɔŋ sɔlemɔwe lɛ ni ebana Nyɔŋmɔ webii lɛ akɛ hetsuumɔ kɛ hejuu he miihia amɛ.

○ 3:​2, 3​—Blema nibii ahetsuumɔ heɔ be. No hewɔ lɛ, niiahetsuulɔ lɛ “taa shi” yɛ be babaoo mli ni eemɛ kɛyashi be mli ni dade ni sereɔ lɛ hiɛ aaakpɛlɛ tamɔ ashwishwɛ ni atsumɔ ni eena lɛ diɛŋtsɛ ehiɛ yɛ mli. Nakai nɔŋŋ hu. Yehowa etee nɔ etsuu ewebii lɛ ahe ŋmɛnɛ, ejie tsɔɔmɔi kɛ nifeemɔi ni he tseee lɛ kɛjɛ amɛteŋ. Enɛ eye ebua amɛ ni amɛkpɛ yɛ esu kɛ baŋ naa babaoo​—Efesobii 5:⁠1.

○ 4:2​—Enɛ ji wɔsɛɛ be jɔɔmɔi ni mɛi ni sheɔ Nyɔŋmɔ gbɛi lɛ gbeyei lɛ baana mli ŋɔɔmɔ lɛ mlitsɔɔmɔ Amɛbaana hegbɛ ni amɛhi Nyɔŋmɔ duromɔ ni tamɔ hulu la kpɛmɔ lɛ mli babaoo yɛ be mli ni atsa amɛgbɔmɔtsoŋ, jwɛŋmɔŋ, kɛ henumɔŋ helai ni ehao adesa weku lɛ kwraa lɛ.​—Kpojiemɔ 21:​3, 4.

○ 4:5​—Gbalɔ Elia hi shi aaafee afii 500 dani akɛ gbalɛ nɛɛ ha. Yesu Kristo yoo Yohane Baptisilɔ Iɛ yɛ Ŋ.B. klɛŋklɛŋ afii oha lɛ mli akɛ mɔ ni akɛ lɛ fee Elia he mfoniri. (Mateo 11:​12-14: Marko 9:​11-13) Shi,“Elia” baatsɔ “Yehowa gbi” lɛ hiɛ, ni enɛ tsɔɔ emlibaa kroko yɛ nɛkɛ be ni Kristo “eba” nɛɛ mli.​—2 Tesalonikabii 2:​1, 2.

[Mfoniri ni yɔɔ baafa 31]

Yesu tsuu sɔlemɔwe lɛ he yɛ eshikpɔŋ nɔ sɔɔmɔ nitsumɔ lɛ mli. Yɛ 1918 mli lɛ efata Yehowa he kɛba mumɔŋ sɔlemɔwe lɛ koni ebatsuu Nyɔŋmɔ webii ahe